Yohane 11:11 - BIBELE Mahungu Lamanene

¹¹ Loko a vurile sweswo, a engeta a ku ka vona: “Lazaro murhandziwa wa hina, ú etlele, kambe ndzi ya ku ya n'wi pfuxa.”

Testamente Leyimpsha Xichangana

¹¹ Loko avulile svosvo, atlhela aku ka vona: “Lazaru murhandziwa wa hina, ayetlele, kambe niya kuyamupfuxa.”

Xitsonga (Bibele)

¹¹ Kuteloko a vulavule sweswo, a ku eka vona: “Lazaro, murhandziwa wa hina, u etlele, kambe ndzi ta ya n'wi pfuxa.”

Yohane 11:11 Iomraidhean Croise

2 TIHOSI 4:31

Gehazi a a rhangile emahlweni, a ya tlhandleka nhonga ya muprofeta exikandzeni xa n'wana. Kambe n'wana a nga vulavuli, a nga tshuka-tshuki. Kutani Gehazi a tlhela a ya hlanganisa Elixa endleleni, a n'wi byela a ku: “N'wana a nga sisimuki.”

2 TIKRONIKA 20:7

We Xikwembu xa hina, hi wena u hlongoleke vanhu lava khale a va tshama etikweni leri, kutani va sukile emahlweni ka Vaisraele vanhu va wena. Tiko ra kona u ri nyikile vatukulu va Abrahama munghana wa wena, ri va ra vona hilaha ku nga heriki.

Eksoda 33:11

Hi ndlela leyi, HOSI Xikwembu a xi hamba xi vulavula na Muxe xi n'wi langutile, ku fana ni munhu loko a vulavula ni nakulobye. Minkarhi hinkwayo loko Muxe a tlhelela emixaxeni, jaha leri a ri n'wi pfuna, a nga yena Yoxuwa n'wana Nuni, a ri sala kwale ntsongeni.

Esaya 41:8

“Loko mi ri n'wina Vaisraele, malandza ya mina, ndzi vula n'wina va ka Yakobo, vatukulu va munghana wa mina Abrahama, ndzi mi hlawurile.

Daniele 12:2

Exikarhi ka lava etleleke emasirheni, ku ta pfuka lavo tala; van'wana va ta ya nghena evutomini lebyi nga heriki, kasi van'wana va ta ya eku soriweni, va khomisiwa tingana leti nga heriki.

Matewu 27:52

Masirha ya pfuleka; vahlawuriwa va Xikwembu lavo tala lava a va file, va pfuka eku feni hi miri wa vona;

Matewu 9:24

a ku ka vona: “Sukani, hikuva wanhwanyana a nga fanga, ú lo etlela.” Kutani va n'wi hleka.

Marka 5:39

Hiloko a nghena, a ku ka vona: “Mi bela yini pongo leri, mi rilela yini? Nhwanyana loyi a nga fanga, ú lo etlela.”

Yohane 11:10

kambe loko munhu a famba nivusiku, wa khuguriwa, hikuva ku vonakala a ku kona eka yena.”

Yohane 11:12

Vadyondzisiwa va ku ka yena: “Hosi, loko a etlele, ú ta hanya.”

Yohane 11:13

Yesu a a vulavula hi ta ku fa ka Lazaro, kambe vona a va anakanya leswaku ú vulavula hi ta ku etlela vurhongo byinene.

Yohane 11:3

Vamakwavo lava va xisati va rhumela rito eka Yesu, va ku ka yena: “Hosi, loyi u n'wi rhandzaka wa vabya.”

Yohane 3:29

N'winyi wa mutekiwa, i muteki; nxangwana ya muteki leyi yimaka yi yingisa muteki loyi, yi tsaka swinene loko yi twa rito ra yena; hikokwalaho sweswi ku tsaka ka mina ku hetisekile.

Timhaka 7:60

Kutani a nkhinsama, a huwelela hi rito ro tlakuka, a ku: “Hosi, u nga va hlayeli ku dyoha loku.” Kuteloko a vurile sweswo, a fa.

1 Vakorinto 15:18

Kutani ke, na vona lava nga fa va ri va ka Kriste, va lovele makumu.

1 Vakorinto 15:34

Xalamukani swinene, mi tshika ku dyoha. Van'wana va n'wina a va tivi Xikwembu; ndzi vula leswi hi ku mi khomisa tingana.

1 Vakorinto 15:51

Yingisani, ndzi mi byela xihundla: A hi nga fi hinkwerhu, kambe hinkwerhu hi ta hundzuriwa,

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Duteronoma 31:16

Kutani HOSI Xikwembu xi ku ka Muxe: “Vona, u le kusuhi ni ku fa, kutani vanhu lava va ta sala va ndzi fularhela, va tshova ntwanano lowu ndzi wu endleke na vona. Loko va ri exikarhi ka vamatiko lava va yaka va ya tshama na vona, va ta sungula ku endla vunghwavava, va landzelela swikwembu swa vamatiko lava.

1 Vatesalonika 5:10

Kriste ú hi ferile leswaku, hambi ha ha hanya hambi hi tietlelele, hi ta kuma vutomi swin'we na yena.

Yakobo 2:23

Naswona Matsalwa ma endlekile, lama nge: “Abrahama ú pfumerile eka Xikwembu, kutani xi n'wi hlayile la lulameke hikwalaho ka swona.” Kutani ú vuriwile nakulobye wa Xikwembu.