Yohane 10:1 - BIBELE Mahungu Lamanene

¹ “Ndzi tiyisisile ndzi ri ka n'wina: Loyi a nga ngheniki hi nyangwa etshangeni ra tinyimpfu, kambe a khandziya hi kun'wana, i khamba, tlhelo i xigevenga.

Testamente Leyimpsha Xichangana

¹ “Nitiyisile nili ka n'wina: Lweyi angangheniki hi nyangwa xib'aleni xa tinyempfu, kambe aphondla hi kun'wana, i muyivi, nasvona i xigevenga.”

Xitsonga (Bibele)

¹ “Ndzi vurisile ndzi ri eka n'wina: La nga ngheniki hi nyangwa etshangeni ra tinyimpfu, kambe a tlulela hi kun'wana, i muyivi ni khamba.

Yohane 10:1 Iomraidhean Croise

Yeremiya 14:15

Hikokwalaho mina HOSI ndzi ri: Vaprofeta lava vulavulaka hi vito ra mina ndzi nga va rhumanga, vona lava vulaka leswaku tiko leri a ri nga karhatiwi hi tinyimpi ni tindlala, vaprofeta volavo va ta herisiwa hi tlhari ni ndlala.

Yeremiya 23:21

HOSI Xikwembu xi ri: “A hi mina ndzi rhumeke vaprofeta lava, hambiswiritano, va tsutsumela ku vhumbha; a ndzi va byelanga nchumu, kambe va hatla va vulavula.

Yeremiya 23:32

Mina HOSI ndzi lwa ni lava tisaka milorho ya mavunwa, lava hambukisaka vanhu va mina hi ku jakatseka ka vona loku kanganyisaka. Vaprofeta lava, mina a ndzi va rhumanga, naswona a ndzi va lerisanga nchumu; leswi va swi dyondzisaka, a swi nga pfuni vanhu va mina nikutsongo. Ndzi vula sweswo mina HOSI.”

Yuwele 2:9

Va dumela muti va nghena, va tsutsuma-tsutsuma ehenhla ka rirhangu ra wona; va khandziya etindlwini, va nghena hi mafasitere kukota makhamba.

Matewu 7:15

“Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Yohane 10:7

Yesu a engeta a ku ka vona: “Ndzi tiyisisile ndzi ri ka n'wina: Hi mina nyangwa ya tinyimpfu.

Yohane 3:3

Yesu a n'wi hlamula, a ku: “Ndzi tiyisisile ndzi ri ka wena, a ku na munhu la nga vonaka Mfumo wa Xikwembu, loko a nga tlhelanga a tswariwa ra vumbirhi.”

Varhoma 10:15

Kutani vanhu va ta dyondzisisa ku yini, loko va nga rhumiwanga ke? Hilaha ku tsariweke hakona va ku: “A hi ku tsakisa ku vona lava taka, va tisa Mahungu Lamanene!”

Varhoma 16:18

hikuva lavo tano a va tirheli Hosi ya hina Kriste, kambe va tirhela ku navela ka vona ntsena; hi ku nandzihisa marito ni ku sasekisa mavulavulele, va hambukisa mianakanyo ya lava nga tiviki nchumu.

Tito 1:11

Swa fanela leswaku volavo va miyetiwa, hikuva va kokela kule vanhu hinkwavo va mindyangu yin'wana, va dyondzisa leswi va nga fanelangiki ku swi dyondzisa, hi ku navela rifuwo ro homboloka.

Vaheveru 5:4

Naswona, munhu a nga tihlawuleli ntirho lowu wo dzuneka, kambe ú vitaniwa hi Xikwembu, kukota leswi swi nga endliwa eka Aroni.

1 Petro 1:10

Vaprofeta lava tiviseke swa tintswalo leti a ti fanele ku kombiwa n'wina, va lavisisile ni ku kambisisa ta ku ponisiwa loku;

2 Petro 2:1

Khale, vaprofeta va mavunwa na vona va humelele exikarhi ka vanhu, tanihi leswi ku nga ta va ni vadyondzisi va mavunwa exikarhi ka n'wina, lava nga ta nghenisa hi le xihundleni tidyondzo to hambuka leti onhaka; va ta landzula hambi a ri N'wini loyi a va kutsuleke, va tivangela ku lova loku nga ta hatla ku va wela.

2 Petro 2:3

Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.

1 Yohane 4:1

Varhandziwa, mi nga pfumeleni moya wihi na wihi, kambe kambisisani mimoya ku vona loko hakunene yi ri ya Xikwembu; hikuva vaprofeta va mavunwa va hangalakile ni misava.