Yakobo 3:3 - BIBELE Mahungu Lamanene

³ Loko hi veka matomu emilon'wini ya tihanci leswaku ti ta hi yingisa, ha swi kota ku kongomisa miri wa tona hinkwawo lomu hi ku rhandzaka.

Testamente Leyimpsha Xichangana

³ Loko hiveka matomu milon'weni ya mahanchi lesvaku matahiyingisa, hasvikota kukongomisa miri wa wona hinkwawu lomu hikurhandzaka.

Xitsonga (Bibele)

³ Vonani, hi nghenisa matomu emilon'wini ya tihanci, leswaku ti ta hi yingisa, kutani hi fambisa miri hinkwawo wa tona.

Yakobo 3:3 Iomraidhean Croise

2 TIHOSI 19:28

Kutani ke, leswi u ndzi kariheleke, ni leswi ku titshemba ka wena ku fikeke etindleveni ta mina, ndzi ta ku boxa nhompfu, ndzi ku hulela muhalo, ndzi ku nghenisa ni matomu enon'weni; kutani ndzi ta ku tlherisela ekaya, hi ndlela leyi u teke ha yona.’

Ntirho 41:13

I mani la nga yi ahlamisaka nomo, kumbe ku yi tela ni matomu xana?

Pisalema 32:9

U nga tshuki u fana ni hanci kumbe mbhongolo, swi nga swifuwo leswi pfumalaka ku twisisa: A swi yingisi loko swi nga nghenisiwanga matomu emilon'wini. Loko wena u yingisa, a wu nga weli hi khombo.”

Pisalema 39:1

Ndzi vurile ndzi ku: “Eku hanyeni ka mina, ndzi ta tivonela leswaku ndzi nga dyohi hi ku vulavula ka mina; loko lavo homboloka va ha ri kusuhi na mina, ndzi ta pfala nomo, ndzi ku whí!”

Esaya 37:29

Kutani ke, leswi u ndzi kariheleke, ni leswi ku titshemba ka wena ku fikeke etindleveni ta mina, ndzi ta ku boxa nhompfu, ndzi ku hulela muhalo, ndzi ku nghenisa ni matomu enon'weni, kutani ndzi ta ku tlherisela ekaya, hi ndlela leyi u teke ha yona.’

Yakobo 1:26

Loko munhu a anakanya leswaku ú ni vukhongeri, kambe a nga fumi ririmi ra yena, munhu loyi wa tixisa, vukhongeri bya yena a byi pfuni nchumu.

Yakobo 3:4

Langutani tingalava na tona: Hambileswi ti nga tikulu swinene ni ku famba ti susumetiwa hi timheho ta matimba, ti kongomisiwa hi xihendzulo lexitsongo ngopfu, ti ya laha mufambisi wa tona a lavaka leswaku ti ya kona.