Yakobo 1:9 - BIBELE Mahungu Lamanene

⁹ Makwerhu loyi a nga evusiwaneni, ú fanele ku tsaka loko a tlakusiwa;

Testamente Leyimpsha Xichangana

⁹ Makwerhu lweyi anga vusiwaneni, afanela kutsaka loko atlakusiwa;

Xitsonga (Bibele)

⁹ Mupfumeri wa xisiwana a a tidzunise evukulwini bya yena,

Yakobo 1:9 Iomraidhean Croise

Pisalema 62:9

Vanhu hinkwavo, lavakulu ni lavatsongo, a hi nchumu, vo va moyanyana ntsena; loko va pimiwa exikalwini, va vevuka ku tlula ni risiva rinene.

Swivuriso 17:5

Loyi a hlekaka xisiwana, ú le ku sandzeni ka Mutumbuluxi wa xona; munhu loyi a tsakaka loko van'wana va ri ekhombyeni, a nge poni, ú ta biwa.

Swivuriso 19:1

Xisiwana lexi tshembekeke, xi tlula xiphunta lexi tivulavulelaka swo huma ndleleni.

Esaya 29:19

HOSI Xikwembu xi ta tlhela xi nyika vapfumari ntsako lowu hetisekeke, swisiwana swi ta kuma ku tsaka eka Muhlawuleki wa Israele.

Luka 1:52

Tihosi ta matimba ú ti susile eswiluvelweni swa tona, kutani ú tlakusile lava titsongahataka.

Luka 10:20

Hambiswiritano, mi nga tsaki hi leswi mimoya yi mi yingisaka; kambe tsakani hi leswi mavito ya n'wina ma tsariweke etilweni.”

Luka 14:11

Hakunene un'wana ni un'wana loyi a tikurisaka, ú ta tsongahatiwa; kambe loyi a titsongahataka ú ta kurisiwa.”

Luka 9:48

“Un'wana ni un'wana la amukelaka n'wana loyi hi vito ra mina, wa ndzi amukela, kutani un'wana ni un'wana la ndzi amukelaka, ú amukela ni loyi a ndzi rhumeke. Hikuva la nga lontsongo exikarhi ka n'wina hinkwenu, hi yena loyi a nga lonkulu.”

Varhoma 8:17

Kutani leswi hi nga vana, naswona hi vadyandzhaka; hi vadyandzhaka va Xikwembu, ni vadyandzhaka swin'we na Kriste; leswi kunene hi xanisekaka na yena, swi vula leswaku hi ta kwetsimisiwa na yena.

2 Vakorinto 6:10

ha vavisiwa, hambiswiritano hi tsakile masiku hinkwawo; wonge hi swisiwana, kasi hi fumisa lavo tala; wonge a hi na nchumu, kasi hi ni swilo hinkwaswo.

Duteronoma 15:11

Swisiwana a swi nga pfumaleki etikweni, hikokwalaho ndzi mi lerisaka, ndzi nge: Vamakwenu lava nga swisiwana etikweni, lava pfumalaka swa le mandleni, mi nga va tsoni nchumu.

Duteronoma 15:7

“Loko mi ri etikweni leri HOSI Xikwembu xa n'wina xi mi nyikaka rona, kutani eka wun'wana wa miti ya n'wina ku va ni makwenu loyi a nga xisiwana, mi nga tshuki mi tinonon'hwisa mi n'wi tsona swilo,

Duteronoma 15:9

Tivoneleni! Mi nga tshuki mi nghena hi moya wo biha, mi ku: ‘Lembe ra vu-7 ra ku tshika ku londzana swikweleti, ri le kusuhi’, kutani mi sungula ku va ni tihanyi eka makwenu loyi a nga xisiwana; loko mi nga n'wi nyiki nchumu, ú ta mi mangalela eka HOSI Xikwembu, kutani n'wina mi ta va ni nandzu.

Vafilipiya 3:14

kutani ndzi tsutsuma ndzi kongomile swa le mahlweni leswaku ndzi ta kuma hakelo, ku nga ku vitana ka Xikwembu ha Kriste Yesu, loku ha kona xi hi vitanelaka evutomini bya le henhla.

Vafilipiya 3:3

Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Nhlavutelo 2:9

Ndzi tiva maxangu ya wena ni vusiwana bya wena (kambe u xifumi), ndzi tiva ni ku sandziwa ka wena hi lava va tivulaka Vayuda, kasi a hi vona, kambe i va Sinagoga ra Sathana.

1 SAMIELE 2:8

HOSI yi humesa xisiwana entshurini, yi pfuxa mupfumari etaleni, yi va tshamisisa ni tinganakana, va nyikiwa xiyimo xa vuchaviseki, hikuva masungulo ya misava i ya HOSI, yi akile ntumbuluko ehenhla ka wona.