Vafilipiya 4:8 - BIBELE Mahungu Lamanene

⁸ Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

Testamente Leyimpsha Xichangana

⁸ Kuheteleleni vamakwerhu, hinkwasvu lesvinga ntiyiso, hinkwasvu lesvichavisekaka, hinkwasvu lesvilulameke, hinkwasvu lesvibaseke, hinkwasvu lesvitsakisaka, hinkwasvu lesvikhensekaka, ni loko kuli ni svin'wana lesvinga ni vunene kumbe kudzuneka, svilo lesvi hinkwasvu, tshamani na mili karhi misviyanakanya.

Xitsonga (Bibele)

⁸ Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.

Vafilipiya 4:8 Iomraidhean Croise

Genesa 18:19

Ndzi n'wi hlawurile leswaku a letela vana va yena ni va ka vona hinkwavo lava nga ta velekiwa leswaku va famba etindleleni ta mina HOSI, va endla leswinene, swo lulama, kutani mina HOSI ndzi ta endlela Abrahama hinkwaswo leswi ndzi n'wi tshembiseke swona.”

2 SAMIELE 1:23

Sawulo na Yonatani a va rhandziwa ngopfu, a va tsakeriwa swonghasi loko va ha hanya; ni rifu a ri va hambanisanga! A va tlula magama hi rivilo, va ri ni matimba ku tlula tinghala.

2 SAMIELE 23:3

Xikwembu xa Israele xi vulavurile. Xona xi nga ribye ra vuchavelo bya Israele, xi te ka mina: ‘Loyi a fumaka vanhu hi ku lulama a fuma a ri karhi a xixima Xikwembu,

Pisalema 82:2

xi ku: “Loko mi avanyisa timhaka, xana mi ta tshika rini ku ya hi nghohe, ni ku yimelela lava dyoheke xana?

Swivuriso 11:1

Ku xavisela vanhu swilo hi mpimo lowu nga riki wona, HOSI Xikwembu xa swi venga, kambe mpimo lowu wu nga wona, xa wu tsakela.

Swivuriso 12:4

Wansati wa migingiriko i harhi ya vuhosi enhlokweni ya nuna wa yena, kasi wansati loyi a khomisaka nuna wa yena tingana, ú fana ni vuvabyi lebyi borisaka marhambu.

Swivuriso 16:11

Mimpimo leyi nga yona, i ya HOSI Xikwembu, hinkwayo yi endliwile hi xona.

Swivuriso 20:7

Munhu wo lulama loyi a endlaka leswi lulameke, ú siyela vana va yena ndzhaka ya minkateko.

Swivuriso 31:10

Wansati wa migingiriko, a swi olovi ku n'wi kuma, swilo swo bomba ha swona, ú swi tlula kule.

Swivuriso 31:29

“Vavasati lava gingirikaka, va tele, kambe na un'we, a nga fiki eka wena.”

Swivuriso 31:31

Wansati loyi, a a nyikiwe mihandzu ya ntirho wa yena; swiendlo swa yena a swi n'wi dzunise ehubyeni!

Risimu ra Tinsimu 5:16

Ku vulavula ka yena ku tsokombela ngopfu, vuyena byakwe hinkwabyo bya rhandzeka swinene. N'wina vanhwanyana va Yerusalema, loyi hi yena murhandziwa wa mina, yena munghana wanga.

Esaya 26:7

We HOSI, munhu wo lulama, u n'wi khulelela ndlela leyinene, budula leri a fambaka ha rona, ri basile.

Matewu 22:16

Kutani va rhuma vadyondzisiwa va vona ni va ntlawa wa Vaheroda, va ya n'wi byela, va ku: “Mudyondzisi, ha swi tiva leswaku u vula leswi tiyeke, ni leswaku u dyondzisa ndlela ya Xikwembu hi ntiyiso u nga landzeleli swa vanhu, hikuva a wu yi hi nghohe.

Marka 6:20

hikuva Heroda a a chava Yohane, hi ku tiva leswaku i munhu wo lulama, la hlawulekeke; kutani a a n'wi lwela. Masiku hinkwawo loko a twa Yohane, a a kanakana swinene; hambiswiritano a a tsakela ku n'wi yingisa.

Luka 16:15

Yena a ku ka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi vanhu va swi tekaka swi ri swa le henhla, emahlweni ka Xikwembu a hi nchumu.

Luka 2:25

Le Yerusalema a ku ri ni munhu la vuriwaka Simiyoni; munhu loyi a a lulamile, a chava Xikwembu; a a langutele ku chaveleriwa ka Israele. Moya lowo Kwetsima a wu ri ka yena.

Luka 23:50

A ku ri ni wanuna la vuriwaka Yosefa; a a ri munhu lonene wo lulama, a langutela Mfumo wa Xikwembu. A a ri xirho xa huvo ya Vayuda, kambe loko va kanela ni ku tsema mhaka ya Yesu, a a nga twanananga na vona.

Yohane 7:18

Loyi a vulavulaka swo huma emiehleketweni ya yena, ú tilavela ku dzunisiwa, kasi la lavaka ku dzunisa loyi a n'wi rhumeke, ú tshembekile, kutani ku hava ku homboloka eka yena.

Timhaka 10:22

Va ku: “Hi rhumiwile hi Korneliyo, ndhuna ya dzana ra masocha, wanuna wo lulama la chavaka Xikwembu, la nkhensiwaka hi tiko hinkwaro ra Vayuda; ú lerisiwile hi ntsumi leyo hlawuleka ku ku vitana u ta emutini wa yena, leswaku a ta yingisa leswi u nga ta n'wi byela swona.”

Timhaka 22:12

“Kona kwalaho, a ku ri ni munhu loyi a va ku i Ananiya; a a ri munhu wa vukhongeri, a famba hi Nawu, a nkhensiwa swinene hi Vayuda hinkwavo lava akeke eDamaska.

Timhaka 6:3

Loko swi ri tano vamakwerhu, hlawulani vavanuna va 7 exikarhi ka n'wina, lava tivekaka va ri lava teleke Moya ni vutlhari, leswaku hi va veka ku vona timhaka leti.

Varhoma 13:13

A hi fambeni hi mukhuva lowu fanelaka, kukotisa vanhu lava fambaka ni nhlekanhi, ku nga ri hi makampfu ni ku pyopyiwa, ku nga ri hi swa manyala ni vuoswi, ku nga ri hi timholovo ni mavondzo;

Varhoma 13:3

Tihosi i valala ku nga ri eka lava endlaka leswinene, kambe eka lava endlaka leswo biha. Xana u lava ku hanya u nga chavi emahlweni ka hosi xana? Endla leswinene, yi ta ku nkhensa;

Varhoma 14:18

Loyi a tirhelaka Kriste hi mukhuva wolowo, ú tsakisa Xikwembu, naswona ú nkhensiwa hi vanhu.

Varhoma 2:29

Kambe Muyuda wa xiviri, hi loyi a nga yena exihundleni xa mbilu, ni ku yimba ka xiviri, i ku yimba ka mbilu, loku endliwaka emoyeni, ku nga ri hi leswi tsariweke swa Nawu; ku dzunisiwa ka munhu loyi a ku humi ka vanhu, kambe ku huma eka Xikwembu.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

2 Vakorinto 13:7

Hi khongela Xikwembu leswaku mi nga endli xo biha ni xin'we; xikongomelo, a hi ku komba leswaku hina ha swi kota sweswo, kambe i ku komba leswaku n'wina ma swi kota, hambiloko hina hi nga vonaka hi ri vatsandzeki.

2 Vakorinto 6:8

Hi kombiwa xichavo ni ku sandziwa; ha lumbetiwa ni ku dzunisiwa. Hi voniwa hi ri vaxisi, kasi hi va ntiyiso;

2 Vakorinto 8:18

Hi n'wi rhuma a ta na makwerhu un'wana loyi a dzunisiwaka etikerekeni hinkwato hi mhaka ya ntirho wa yena wo fambisa Evhangeli.

2 Vakorinto 8:21

Hi navela ku endla leswi sasekeke ku nga ri emahlweni ka Hosi ntsena, kambe ni le mahlweni ka vanhu.

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Vaefesa 4:25

Hikokwalaho ke, tshikani vunwa; un'wana ni un'wana a a vule ntiyiso eka munhu-kulobye, hikuva hinkwerhu hi swirho swa miri wun'we.

Vaefesa 5:9

hikuva ku vonakala, hi kona loku vekaka mihandzu leyo tala, yi nga ya vunene ni ku lulama ni ntiyiso.

Vaefesa 6:14

Loko swi ri tano, tshamani mi tilulamisile. Tikhameni hi ntiyiso wu va vamba ra n'wina. Ambalani ku lulama xi va xisirhelelo xa n'wina xa le xifuveni,

Duteronoma 16:20

Mi fanele ku avanyisa timhaka hi ndlela leyi lulameke ntsena, leswaku minkarhi hinkwayo, mi ta kota ku hanya etikweni leri HOSI Xikwembu xa n'wina xi nga ta mi nyika rona, ri va ndzhaka ya n'wina.

Vafilipiya 3:1

Kutani sweswi vamakwerhu, titsakeleni eHosini. A swi ndzi karhati ku engeta ndzi mi tsalela swo fana, naswona swi pfuna ku mi tiyisa.

Vakolosa 4:5

Tirhisanani ni va le handle hi ku tlhariha, mi ri karhi mi londzovota nkarhi lowu mi nga na wona.

1 Vatesalonika 4:12

Hi mukhuva lowu, mi ta kombiwa xichavo hi va le handle, mi nga ha tikiseli munhu ni un'we.

1 Timotiya 2:2

swi endleriwa ni tihosi, ni hinkwavo lava nge switshan'wini swa le henhla, leswaku hi kota ku hanya vutomi bya ku rhula ni ku tsaka, lebyi nga bya vukhongeri ni lebyi chavisekaka hi matlhelo hinkwawo.

1 Timotiya 3:11

Hi mukhuva wolowo vavasati na vona a va chaviseke, va nga vi na rilumbeto, kambe va dya hi ku pima, va tshembeka eswilweni hinkwaswo.

1 Timotiya 3:4

Ú fanela ku fambisa ndyangu wa yena swinene, a vona leswaku vana va yena va dyondzisiwa ku yingisa, va va ni xichavo hi matlhelo hinkwawo.

1 Timotiya 4:12

Ku nga vi na loyi a solaka vuntshwa bya wena, kambe boxela vapfumeri entila hi mavulavulele ni mahanyele ya wena, hi rirhandzu ni ku pfumela ni ku tenga.

1 Timotiya 5:10

naswona ú fanele ku va ni vumbhoni lebyi twalaka hi tlhelo ra mintirho leyinene ya yena, ku fana ni ku kurisa vana hi ndlela ya kona, ni ku tsakela vaendzi, ni ku hlantswa milenge ya vahlawuriwa va Xikwembu, ni ku pfuna lava xanisekaka, ni ku tshama a ri karhi a endla leswinene hi matlhelo hinkwawo.

1 Timotiya 5:2

Vavasati lavakulu u va languta tanihi vamanana, ni vavasati lavantshwa tanihi vamakwenu va xisati, hi ndlela ya ku tenga matlhelo hinkwawo.

Tito 1:8

kambe ú fanele ku va munhu la tsakelaka ku amukela vaendzi, la rhandzaka swilo leswinene, la tikhomaka, la lulameke, la hlawulekeke, la kotaka ku fuma mahanyelo ya yena;

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Tito 2:2

Byela vavanuna lava kuleke leswaku va fanele ku dya va pima, va va ni ndzhuti, va kota ku tikhoma, va tiya swinene eku pfumeleni, ne rirhandzwini, ne ku chivirikeni.

Tito 2:7

A ku rhange wena u va xikombiso xa mintirho leyinene hi matlhelo hinkwawo. Ku dyondzisa ka wena a ku ve loku humaka embilwini, u va ni ndzhuti;

Tito 3:14

Varikwerhu a va dyondze ku chivirikela mintirho leyinene, va ta pfuna lomu ku pfumariwaka ngopfu; va nga tshuki va hanya vutomi lebyi nga pfuniki nchumu.

Vaheveru 11:2

Hikuva ha kona, vanhu va khale va kumile ku nkhensiwa hi Xikwembu.

Vaheveru 13:18

Hi khongeleleni, hikuva hi titwa swinene leswaku hi ni ripfalo leri tengeke, hi ri karhi hi navela ku endla leswi lulameke minkarhi hinkwayo.

Yakobo 1:27

Vukhongeri lebyi tengeke, lebyi nga solekiki emahlweni ka Xikwembu Tatana, hi lebyi: Ku endzela lava feriweke hi vatswari, ni ku endzela tinoni emaxangwini ya tona, ni ku papalata swilo leswi nyameke swa misava leyi.

Yakobo 3:17

Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

1 Petro 4:8

Ku tlula leswi hinkwaswo, tiyani eku rhandzaneni, hikuva rirhandzu ri funengeta swidyoho leswo tala.

2 Petro 3:1

Leri i papila ra vumbirhi leri ndzi mi tsalelaka rona sweswi, varhandziwa, kutani eka wona lamambirhi ndzi pfuxile miehleketo ya n'wina leyi nga ni ku twisisa, hi ku mi tsundzuxa.

1 Yohane 3:18

Vana vanga, hi nga rhandzaneni hi marito kumbe hi ku vulavula ntsena, kambe a ku ve hi mintirho ni ntiyiso.

1 Yohane 3:3

Kutani un'wana ni un'wana loyi a n'wi tshembaka, ú tihlayisa a tshama a tengile, tanihi leswi yena a tengeke.

1 Yohane 4:1

Varhandziwa, mi nga pfumeleni moya wihi na wihi, kambe kambisisani mimoya ku vona loko hakunene yi ri ya Xikwembu; hikuva vaprofeta va mavunwa va hangalakile ni misava.

Rhuti 3:11

Sweswi n'wananga, rhula mbilu, ndzi ta ku endlela hinkwaswo leswi u swi kombelaka, hikuva u wansati wo xiximeka, hilaha vaaki hinkwavo va muti wa ka hina va swi tivaka hakona.