Vafilipiya 4:11 - BIBELE Mahungu Lamanene

¹¹ A ndzi vuli sweswo hi ku titwa ndzi ri mupfumari, hikuva ndzi dyondzile ku kolwa hi leswi ndzi tikumaka ndzi ri ka swona.

Testamente Leyimpsha Xichangana

¹¹ Anihlayi svosvo hi kutitwa na nili mupfumali, hikuva nijondzile kutsaka hi lesvi nitikumaka na nili ka svona.

Xitsonga (Bibele)

¹¹ A ndzi vuri sweswo hi ku pfumala, hikuva ndzi dyondzile ku tsaka hi leswi ndzi nga na swona;

Vafilipiya 4:11 Iomraidhean Croise

Genesa 28:20

Kutani Yakobo a hlambanya a ku: “Loko wena Xikwembu wo va na mina, u ndzi hlayisa eriendzweni leri ndzi nga ka rona, u ndzi nyika swakudya ni swiambalo,

Eksoda 2:21

Kutani Muxe a pfumela ku tshama eka munhu loyi; hiloko a nyika Muxe Sipora n'wana wa yena leswaku a va nsati wa yena.

Luka 3:14

Masocha na wona ma n'wi vutisa ma ku: “Hina ke, hi ta endla yini?” A ku ka vona: “Mi nga phanghi swilo swa vanhu, mi nga va tekeli swona hi ku xisa, kambe mi kolwa hi hakelo ya n'wina.”

2 Vakorinto 11:27

ndzi tikarhatile ni ku tivavisa hi mintirho; hakanyingi ndzi pfumale vurhongo, ndzi twe ndlala ni torha, hakanyingi ndzi pfumarile swakudya, ndzi khomiwa hi xirhami, ndzi pfumala ni swiambalo.

2 Vakorinto 6:10

ha vavisiwa, hambiswiritano hi tsakile masiku hinkwawo; wonge hi swisiwana, kasi hi fumisa lavo tala; wonge a hi na nchumu, kasi hi ni swilo hinkwaswo.

2 Vakorinto 8:9

Ma ti tiva tintswalo ta Hosi ya hina Yesu Kriste: A a fumile, hambiswiritano ú hundzukile xisiwana hikwalaho ka n'wina, leswaku mi endliwa swifumi hi vusiwana bya yena.

2 Vakorinto 9:8

Xikwembu xi ni matimba ya ku mi nyika hinkwaswo leswi mi swi pfumalaka, ni ku tlula kwalaho, mi ta kota ku pfuna entirhweni wihi ni wihi lowunene, hikuva minkarhi hinkwayo mi kuma leswi swi mi ringanaka hi matlhelo hinkwawo,

Vafilipiya 3:8

Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

Vaheveru 10:34

Mi kombile tintswalo eka lava bohiweke ekhotsweni; naswona mi swi tekile hi moya wa ku tsaka loko swilo swa n'wina swi phanghiwa, hikuva a mi tiva leswaku mi ni rifuwo leri tlulaka sweswo, leri nga ta va kona hilaha ku nga heriki.