Vafilipiya 3:9 - BIBELE Mahungu Lamanene

⁹ ni ku kumiwa ndzi ri xilo xin'we na yena, ndzi nga ha ri na ku lulama loku nga ka mina, loku ndzi ku kumaka hi ku hlayisa Nawu, kambe ndzi ri ni ku lulama loku nyikiwaka hi ku pfumela eka Kriste, ku lulama loku humaka eka Xikwembu, loku yimaka ehenhla ka ku pfumela.

Testamente Leyimpsha Xichangana

⁹ ni kukumiwa na nili xilo xin'we na yena, ningahali na kululama lokunga ka mina, loku nikukumaka hi kuhlayisa Nawu, kambe nili ni kululama loku kunyikiwaka hi kupfumela ka Kriste, kululama loku kuhumaka ka Xikwembu, loku kuyimaka henhla ka kupfumela.

Xitsonga (Bibele)

⁹ kutani ndzi kumiwa eka yena ndzi nga ri na ku lulama ka mina loku humaka eka nawu, kambe ndzi ri ni ku lulama loku humaka eku pfumeleni eka Kriste, ku ri ku lulama loku humaka eka Xikwembu hi ku pfumela;

Vafilipiya 3:9 Iomraidhean Croise

Genesa 7:23

HOSI yi herisile swivumbiwa hinkwaswo leswi hanyaka emisaveni: Vanhu, ni swiharhi, ni swikokovi, ni tinyanyana, swi herisiwa hinkwaswo, ku pona ntsena Nowa ni lava a a ri na vona engalaveni.

1 TIHOSI 8:46

“Nkarhi wun'wana, va nga ku dyohela, hikuva a ku na munhu na un'we la nga dyohiki; kutani u ta va hlundzukela hi ku va nyiketa emavokweni ya valala va vona, va yisiwa va ri mahlonga ematikweni ya valala volavo, ya le kule kumbe ya laha kusuhani.

2 TIKRONIKA 32:25

Kambe Hezekiya a tsandzeka ku nkhensa tintswalo leti Xikwembu xi nga n'wi endlela tona, kutani hi ku tikurisa ka yena, a tivangela vukari bya Xikwembu, byi wela ni va ka Yuda ni va le Yerusalema.

2 TIKRONIKA 32:31

Siku rin'wana, tihosi ta le Babilona ti rhuma vanhu eka Hezekiya ku n'wi pfuxela, ni ku vutisisa mahlori ya ku hanyisiwa ka yena. Kambe emhakeni ya varhumiwa lava, Xikwembu xi tshika Hezekiya a ri yexe, hikuva a xi lava ku n'wi kamba, ku vona leswi a nga na swona embilwini ya yena.

Pisalema 14:3

kambe hinkwavo va hambukile ndleleni, va onhakile ku fana, ku hava la endlaka leswinene, ku pfumaleka na un'we wa mhamba.

Pisalema 143:2

U nga tshuki u ndzi avanyisa mina nandza wa wena: A ku na munhu na un'we la misaveni la nga riki na nandzu emahlweni ka wena.

Pisalema 19:12

I mani loyi a nga vonaka swihoxo swa yena xana? Ndzi basise eka milandzu leyi tumbeleke.

Eklesiasta 7:20

La misaveni, u nge kumi munhu wo lulama la endlaka leswinene ntsena, la nga dyohiki ni siku ni rin'we.

Esaya 46:13

Siku leri ndzi nga ta mi ntshunxa ha rona, ndzi ri tshinete kusuhi, a ra ha ri kule; ri nge hlweli ku fika, siku leri ndzi nga ta mi ponisa ha rona; muti wa Siyoni wu ta kuma ku pona, tiko ra Israele, ndzi ta ri nyika ku dzuneka ka mina.”

Esaya 53:11

Ú ta vona mihandzu ya maxangu ya yena layo chavisa, kutani a tsaka. HOSI Xikwembu xi ri: “Nandza wa mina ú tiva ku rhandza ka mina; leswi a nga riki na nandzu, ú ta ntshunxa lavo tala emilandzwini ya vona hikuva ú biwile ematshan'wini ya vona.

Esaya 53:6

Hinkwerhu a hi fana ni tinyimpfu leti lahlekeke, un'wana ni un'wana a a tifambela hi ndlela ya yena; hambiswiritano, HOSI Xikwembu xi tekile swidyoho swa hina hinkwerhu, xi swi rhwexa munhu loyi.

Esaya 6:5

Kutani ndzi ku: “Yo, ndzi lovile, mina munhu wa milomo ya thyaka la tshamaka ni vanhu va milomo ya thyaka, hikuva ndzi vonile Hosi, xona Xikwembu xa matimba hinkwawo!”

Yeremiya 23:6

Enkarhini wa yona, va ka Yuda va ta pona, na vona Vaisraele va ta tshama va hlayisekile; kutani vito leri yi nga ta thyiwa rona hi leri: ‘HOSI-mulweri-wa-hina’!”

Yeremiya 33:16

Enkarhini wa kona, va ka Yuda va ta ponisiwa, na wona muti wa Yerusalema wu ta tshama wu hlayisekile, wu ta hamba wu vuriwa ‘HOSI-mulweri-wa-hina’!”

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Matewu 9:13

“Yanani, mi ya dyondza rito leri nge: ‘Ndzi tsakela tintswalo, ku nga ri magandzelo.’ Hikuva a ndzi tanga ku ta vitana lava lulameke, kambe vadyohi.”

Varhoma 1:17

Eka yona ku hlavuteriwa hilaha vanhu va endliwaka lava lulameke hi Xikwembu hakona; leswi swi kumiwa ntsena hi ku pfumela, nkarhi hinkwawo, hilaha Matsalwa ma vulaka hakona ma ku: “Loyi a endliwaka la lulameke hi ku pfumela, ú ta hanya.”

Varhoma 10:10

Hikuva munhu ú pfumela hi mbilu, kutani sweswo swi n'wi endla a va la lulameke; ú vula hi nomo, kutani sweswo swi n'wi endla a va la ponisiwaka.

Varhoma 16:7

Ndzi runguleleni Androniko na Yuniya, va nga Vayuda va ka hina lava a ndzi ri na vona ekhotsweni; va tiveka swinene exikarhi ka vaapostola, naswona va ndzi rhangele ku va va ka Kriste.

Varhoma 5:21

a swi ri leswaku, kukotisa leswi ku dyoha ku fumeke hi rifu, tintswalo na tona ti ta fumisa sweswo hi ku lulama loku yisaka evutomini lebyi nga heriki, ha Yesu Kriste Hosi ya hina.

Varhoma 8:1

Kutani sweswi a ka ha ri na ku avanyisiwa eka lava nga va ka Kriste Yesu.

Varhoma 8:3

Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

2 Vakorinto 5:17

Loko munhu a ri ka Kriste, ku tumbuluka leswintshwa; swa khale swi hundzile, ku nghenile leswintshwa.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Vagalatiya 2:16

Hambiswiritano, hi tiva leswaku munhu a nga endliwi la lulameke emahlweni ka Xikwembu hi ku hlayisa Nawu, kambe ku ri ntsena hi ku pfumela eka Yesu Kriste; kutani hina hi pfumerile eka Kriste Yesu, leswaku hi endliwa lava lulameke hi ku pfumela eka yena, ku nga ri hi ku hlayisa Nawu; hikuva ku tsariwile va ku: “A ku na munhu na un'we la nga ta endliwa la lulameke hi ku hlayisa Nawu.”

Duteronoma 27:26

“ ‘A a rhukaniwe, munhu loyi a nga riki na mhaka ni leswi tsariweke eka Nawu lowu, la nga hanyiki ha swona.’ Kutani Vaisraele hinkwavo va ta hlamula va ku: ‘Amen!’

Vafilipiya 3:6

loko ku ri ku hiseka, hi mina ndzi nga xanisa kereke; hi tlhelo ra ku va munhu wo lulama hi ku hlayisa Nawu, a ndzi nga ri na nandzu.

2 Timotiya 1:9

Xi hi ponisile ni ku hi vitana ku va vanhu va xona, ku nga ri hikwalaho ka mintirho ya hina, kambe ku ri hikwalaho ka makungu ya xona ntsena ni hikwalaho ka tintswalo leti xi hi nyikeke tona eka Kriste Yesu minkarhi yi nga si va kona.

Tito 3:5

xi hi ponisile. A ku nga ri hi mhaka ya mintirho leyo lulama leyi hina hi hexe hi yi endleke, kambe xi hi ponisile hi tintswalo ta xona, hi ku hlantswiwa loku endlaka leswaku Moya lowo Kwetsima wu hi nyika ku tswariwa ra vumbirhi, ni vutomi lebyintshwa.

Vaheveru 6:18

Sweswi ke, ku ni swilo swimbirhi leswi nga hundzukiki, leswi eka swona swi nga endlekiki leswaku Xikwembu xi kumeka xi ri muhembi. Kutani hina lava hi chaveleke eka xona, hi ta tiya nhlana swinene, hi amukela hi mandla mambirhi ku langutela loku ku vekiweke emahlweni ka hina.

Yakobo 3:2

Hina hinkwerhu hi ni swihoxo leswo tala, kambe loko munhu a nga hoxi eku vulavuleni ka yena, munhu yoloye ú hetisekile, wa swi kota ku fuma miri wa yena hinkwawo.

2 Petro 1:1

Mina Simoni Petro, nandza ni muapostola wa Yesu Kriste, ndzi tsalela lava nyikiweke ku pfumela loku ringanaka hi xiyimo ni ku pfumela ka hina, hi ku lulama ka loyi a nga Xikwembu ni muponisi wa hina Yesu Kriste, ndzi ri:

1 Yohane 3:4

Un'wana ni un'wana loyi a dyohaka, ú ni nandzu wa ku hanya ehandle ka Nawu. Ku dyoha i ku hanya ehandle ka Nawu.