Vafilipiya 3:2 - BIBELE Mahungu Lamanene

² Chavani timbyana, va nga vaendli va leswo biha; chavani lava tixekelelaka miri.

Testamente Leyimpsha Xichangana

² Chavani timbzana, chavani vatirhi lavobiha, chavani kuyimba lokobiha

Xitsonga (Bibele)

² Chavani timbyana; chavani vatirhi lavo biha; chavani ngoma ya vunwa.

Vafilipiya 3:2 Iomraidhean Croise

Pisalema 119:115

N'wina mi endlaka leswo biha, hambanani na mina, ndzi ta kota ku hlayisa swileriso swa Xikwembu xanga.

Pisalema 22:16

Ntshungu wa lavo homboloka wu ndzi rhendzele kukota timbyana, wu ndzi handzulele milenge ni mavoko.

Pisalema 22:20

Ndzi ponise enyimpini leyi, u kutsula vutomi bya mina emilon'weni ya timbyana leti.

Swivuriso 26:11

Mbyana yi tlhelela emahlanteni ya yona; swi tano ni xiphunta, xi nga ka xi nga tshiki ku endla swa vuphukuphuku bya xona.

Matewu 24:10

Kutani lavo tala va ta khunguvanyeka; va ta hehlana, va vengana.

Matewu 7:15

“Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Matewu 7:6

Mi nga nyiki timbyana swilo leswi hlawulekeke, hikuva ti nga mi hundzukela, ti mi kavutlulela; naswona mi nga hoxi tidayimani ta n'wina emahlweni ka tinguluve, hikuva ti ta ti kandziyela hi milenge.

Varhoma 2:28

Ku va Muyuda wa xiviri, a swi tikombi hi le handle ntsena; ni ku yimba ka xiviri, a ku vonaki ehandle, emirini.

2 Vakorinto 11:13

Vanhu lavo tano, i vaapostola va mavunwa, i vatirhi lava xisaka, lava tiendlaka onge i vaapostola va Kriste.

Vagalatiya 5:13

Loko a ri n'wina vamakwerhu, mi vitaniwile leswaku mi va lava ntshunxekeke; kambe mi nga teki ku ntshunxeka ka n'wina, mi ku hundzula mpfumelelo wo endla leswi ntumbuluko wa n'wina wa laha misaveni wu swi navelaka; ematshan'wini ya sweswo, tirhelanani hi rirhandzu.

Vagalatiya 5:15

Kambe loko mi lumana ni ku kakatlulana, tivoneleni leswaku mi nga hetani hi rixaka.

Vagalatiya 5:6

Hikuva eka Kriste Yesu, ku yimba kumbe ku va munhu wo ka a nga yimbanga, a swi vuli nchumu, kambe lexi nga xona i ku pfumela loku tirhaka hi rirhandzu.

Vafilipiya 3:19

Makumu ya vona i ku lova; Xikwembu xa vona i khwiri ra vona; va tidzunisa hi leswi a va ta fanela ku va ni tingana ha swona; va anakanya swa misava leyi ntsena.

Vafilipiya 3:3

Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

1 Timotiya 1:19

u hlayisa ku pfumela hi ripfalo leri ntshunxekeke. Hi ku dlaya mapfalo ya vona, van'wana va onhakeriwile hi ku pfumela.

Tito 1:16

Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

2 Petro 2:22

Swi va humelele hilaha xivuriso xa ntiyiso xi vuleke hakona, loko xi te: “Mbyana yi vuyela emahlanteni ya yona.” Naswona: “Nguluve, loko yi hlantswiwile, yi tlhela yi puluvundza endzhopeni!”

Yuda 1:4

Hikuva vanhu van'wana va ngungumerile va nghena exikarhi ka hina; ku avanyisiwa ka vona ku lunghisiwile khale. I vanhu lava nga riki na mhaka ni vukhongeri; va gombonyokisa tintswalo ta Xikwembu xa hina, va endla swa manyala ha tona, naswona va landzula Yesu Kriste, yena N'wini wa hinkwaswo ni Hosi ya hina.

Nhlavutelo 2:9

Ndzi tiva maxangu ya wena ni vusiwana bya wena (kambe u xifumi), ndzi tiva ni ku sandziwa ka wena hi lava va tivulaka Vayuda, kasi a hi vona, kambe i va Sinagoga ra Sathana.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

Nhlavutelo 22:15

Lava salaka ehandle ka muti hi lava endlaka leswo biha, ni vangoma, ni vaoswi, ni vadlayi, ni lava gandzelaka swikwembu swa hava, ni un'wana ni un'wana la tsakelaka vunwa ni ku hanya ha byona.

Nhlavutelo 3:9

Vona, loko va ri va ntlawa wa ka Sathana, vahembi lava tivulaka Vayuda kasi a hi vona, ndzi ta endla leswaku va ta, va ta nkhinsama emahlweni ka wena va ku gandzela; va ta tiva leswaku ndzi ku rhandzile.