Vafilipiya 3:13 - BIBELE Mahungu Lamanene

¹³ Vamakwerhu, loko a ri mina, a ndzi anakanyi leswaku ndzi swi kumile, kambe ndzi endla xilo xin'we ntsena: Ndzi rivala swa le ndzhaku, ni ku ringeta hi matimba ku ya fika eka leswi nga le mahlweni;

Testamente Leyimpsha Xichangana

¹³ Vamakwerhu, loko ali mina, aniyanakanyi lesvaku nisvikumile, kambe niyendla xilo xin'we ntsena: Nirivala sva le ndzhaku, ni kuringeta hi matimba kuyafika ka lesvinga le mahlweni;

Xitsonga (Bibele)

¹³ Vamakwerhu, a ndzi tihlambanyisi leswaku ndzi tekile hakelo, kambe ndzi endla mhaka yin'we ntsena;

Vafilipiya 3:13 Iomraidhean Croise

Pisalema 27:4

Ndzi komberile xilo xin'we eka HOSI; xilo xa kona ndzi xi tsakela ngopfu, ku nga ku tshama eTempeleni ya HOSI vutomi bya mina hinkwabyo, ndzi hlalela ku saseka ka yona ndzi ri ndlwini ya yona.

Pisalema 45:10

Yingisa we mutekiwa, u twa leswi ndzi ku byelaka swona, rivala varikwenu ni ndyangu wa tata wa wena.

Luka 10:42

kasi xilo lexi lavekaka ngopfu i xin'we ntsena, kutani Mariya ú tihlawulele ku averiwa lokunene, loku a nga ta ka a nga tekeriwi kona.”

Luka 9:62

Hiloko Yesu a ku ka yena: “Munhu loyi a vekaka voko ra yena exikon'wini, kutani a hundzuluka a languta ndzhaku, a nga lulameriwanga hi Mfumo wa Xikwembu.”

2 Vakorinto 5:16

Hikokwalaho, ku sukela sweswi a ha ha tivi munhu hi ku ya hi swa le handle; hambiloko hi tivile Kriste hi ku ya hi swa le handle, sweswi a ha ha n'wi tivi hi mukhuva wolowo.

Vafilipiya 2:12

Varhandziwa va mina, tanihi leswi mi ndzi yingiseke masiku hinkwawo, nisweswi, ku nga ri ntsena loko ndzi ri na n'wina kambe ngopfu-ngopfu loko ndzi nga ri na n'wina, tirhelani ku ponisiwa ka n'wina hi ku chava ni ku rhurhumela;

Vafilipiya 3:12

A ndzi vuli leswaku ndzi swi kumile sweswo, kumbe leswaku ndzi hetisekile, e-e; kambe ndzi ringeta ku tikarhata leswaku ndzi swi kuma swi va swa mina, hikuva Kriste Yesu ú ndzi kumile a ndzi endla wa yena.

Vafilipiya 3:8

Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

Vaheveru 6:1

Hikokwalaho, a hi tshikeni ku yima eka tidyondzo leto sungula ta vukriste, kutani hi kongoma eku hetisekeni. Hi nga ha tlheli hi dyondzisa nakambe hi ta masungulo, ti nga ta ku hundzuka eka mintirho leyi nga pfuniki nchumu, ni ta ku pfumela eka Xikwembu,

2 Petro 3:8

Kambe mi nga rivali mhaka yin'we leyi, varhandziwa: Emahlweni ka Hosi, siku rin'we ri kotisa malembe ya 1 000, ni malembe ya 1 000 ma kotisa siku rin'we.