Vafilipiya 2:3 - BIBELE Mahungu Lamanene

³ Mi nga endli nchumu hi moya wa ku tirhandza, kumbe hi ku tidzunisa hi swa hava, kambe un'wana ni un'wana a a titsongahate eka van'wana, a nga anakanyi leswaku wa va tlula hi vunene.

Testamente Leyimpsha Xichangana

³ Mingayendleni nchumu hi moya wa kutirhandza, kumbe hi kutidzunisa hi sva hava, kambe mun'wana ni mun'wana aatitsongahate ka van'wana, angayanakanyi lesvaku wavatlula hi vunene.

Xitsonga (Bibele)

³ Mi nga endli nchumu hi ku kanetana, hambi ku ri hi ku tidzunisa ka swahava, kambe un'wana ni un'wana hi ku titsongahata ka yena, a a anakanye leswaku van'wana va n'wi tlula hi vunene.

Vafilipiya 2:3 Iomraidhean Croise

Swivuriso 13:10

Ku tikurisa, swi vanga madzolonga ntsena, kasi vutlhari i bya lava pfumelaka ku tsundzuxiwa.

Luka 18:14

“Ndzi ri eka n'wina: Muluvisi loyi ú tlhelele ekaya ka yena a hlayiwile la lulameke ku tlula Mufarisi; hikuva un'wana ni un'wana la tikurisaka, ú ta tsongahatiwa, ni la titsongahataka ú ta kurisiwa.”

Varhoma 12:10

Tolovelanani, mi rhandzana tanihi vamakwavo, mi tlula van'wana hi ku kombana xichavo.

Varhoma 13:13

A hi fambeni hi mukhuva lowu fanelaka, kukotisa vanhu lava fambaka ni nhlekanhi, ku nga ri hi makampfu ni ku pyopyiwa, ku nga ri hi swa manyala ni vuoswi, ku nga ri hi timholovo ni mavondzo;

Varhoma 2:8

kambe lava nga ni moya wa ku tirhandza, va alaka ntiyiso, va fambaka hi ku homboloka, xi ta va hlundzukela ni ku va karihela.

1 Vakorinto 15:9

Ndzi lontsongo eka vaapostola, a swi ndzi fanelanga ku vuriwa muapostola, hikuva ndzi xanisile kereke ya Xikwembu.

1 Vakorinto 3:3

hikuva ma ha fana ni vanhu ntsena. Hikuva, loko mavondzo ni ku holova swi ri kona exikarhi ka n'wina, xana a mi fani ni vanhu ntsena ke? Xana a mi hanyi tanihi vona ke?

2 Vakorinto 12:20

Ndzi chava leswaku, loko ndzi ta, ndzi ta mi kuma mi nga ha fani na leswi ndzi swi lavisaka swona, ni leswaku na mina, mi ta ndzi kuma ndzi nga ha fani na leswi mi swi lavisaka swona. Ndzi chava leswaku loko ndzi ta, ndzi ta kuma timholovo, ni mavondzo, ni vuntswaka, ni ku tirhandza, ni ku rhuketelana, ni mahlevo, ni ku tikukumuxa, ni madzolonga.

Vagalatiya 5:15

Kambe loko mi lumana ni ku kakatlulana, tivoneleni leswaku mi nga hetani hi rixaka.

Vagalatiya 5:26

Hi nga tshuki hi titiva ngopfu; a hi chaveni ku pfukana ni ku vondzokana.

Vaefesa 4:2

Masiku hinkwawo, titsongahateni, mi va ni musa, mi lehisa mbilu; kombani rirhandzu ra n'wina hi ku yingiselana.

Vaefesa 5:21

Titsongahateni, van'wana eka van'wana, hikwalaho ka xichavo lexi mi nga na xona eka Kriste.

Vafilipiya 2:14

Endlani swilo hinkwaswo ehandle ka ku n'unun'uta ni ku phikisana,

Vakolosa 3:12

Hikokwalaho, leswi mi nga vitaniwa hi Xikwembu ku va vahlawuriwa va xona lava rhandziwaka, ambalani moya wa tintswalo, ni vunene, ni ku titsongahata, ni ku rhula, ni ku leha mbilu.

Vakolosa 3:8

Kambe sweswi, swi cukumeteni hinkwaswo, ku nga ku kariha, ni ku leva, ni tihanyi. Ku lumbeta, ni mavulavulele ya thyaka, swi nga tshuki swi huma emilon'wini ya n'wina.

1 Timotiya 6:4

munhu yoloye ú tela hi manyunyu ni ku tikukumuxa, a nga tivi nchumu. Ú fa hi ku navela ku phikisana ni ku kanetana ehenhla ka marito ntsena, swi nga leswi vangaka vukwele, ni madzolonga, ni ku rhuketelana, ni ku lumbetana;

1 Petro 3:8

Eku heteleleni: N'wina hinkwenu mi fanele ku va ni moya wun'we, mi twelana vusiwana, mi va ni rirhandzu eka vamakwenu, mi va ni mbilu ya vumunhu ni miehleketo ya ku titsongahata.

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”