Vafilipiya 2:26 - BIBELE Mahungu Lamanene

²⁶ A a navela ngopfu ku tlhela a mi vona hinkwenu, naswona a swi n'wi kanakanisa ngopfu ku tiva leswaku mi twile ta ku vabya ka yena.

Testamente Leyimpsha Xichangana

²⁶ Aanavela ngopfu kutlhela amivona hinkwenu, nasvona asvimukanakanisa ngopfu kutiva lesvaku mitwile ta kuvabza ka yena.

Xitsonga (Bibele)

²⁶ hikuva u naverile ngopfu ku mi vona hinkwenu, kutani a a vaviseka ngopfu hi leswi mi tweke ku vabya ka yena.

Vafilipiya 2:26 Iomraidhean Croise

2 SAMIELE 13:39

Hosi Davhida a a navela ku phahlelana mariyeta na Abixalomu, hikuva a a rhelerisile mbilu ya yena, emhakeni ya ku fa ka Aminoni.

2 SAMIELE 24:17

Loko Davhida a vona ntsumi leyi a yi ri karhi yi dlayetela vanhu, a ku ka HOSI Xikwembu: “Hi mina ndzi dyoheke, nandzu wu na mina. Xana vambuyangwana lava va onhile yini xana? Ndzi kombela leswaku u ba mina, ni va ndyangu wa mina.”

Ntirho 9:27

Loko ndzi ringeta ku rivala xirilo xa mina, ndzi tshika ku khanyanisa xikandza, kutani ndzi tiendla la tsakeke,

Pisalema 69:20

Va ndzi rhuketele ku kondza mbilu ya mina yi vava, kutani ndzi hela ntamu. Ndzi lavile wo ndzi twela vusiwana, kambe a ndzi n'wi kumanga, ndzi pfumarile ni muchaveleri.

Swivuriso 12:25

Ku vilela ku heta munhu matimba, kambe marito lamanene ma n'wi tiyisa.

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Matewu 11:28

“Tanani ka mina, n'wina hinkwenu lava karheleke, ni lava tikeriwaka, ndzi ta mi wisisa.

Matewu 26:37

A famba na Petro ni vana lavambirhi va Zebediya; kavaloko a sungula ku khomiwa hi gome ni ku kanakana lokukulu.

Timhaka 21:13

Kambe Pawulo a hlamula, a ku: “Xana mi endla yini loko mi rila hi mukhuva lowu ni ku ndzi tlhava mbilu ke? Kasi mina a ndzi tilunghiselanga ku bohiwa ntsena, kambe ndzi tilunghisele ni ku ya fela vito ra Hosi Yesu eYerusalema.”

Varhoma 1:11

hikuva ndzi navela ngopfu ku mi vona leswaku ndzi mi avela nyiko yin'wana ya Moya, mi ta tiyisiwa hi yona;

Varhoma 12:15

Tsakani ni lava tsakaka, mi rila ni lava rilaka.

Varhoma 9:2

Hileswaku ndzi ni xikhutu lexikulu embilwini ni nhlomulo lowu nga heriki, hikwalaho ka vamakwerhu.

1 Vakorinto 12:26

Loko xirho xin'wana xi twa ku vava, swirho hinkwaswo swi vaviseka na xona; ni loko xirho xin'wana xi dzunisiwa, swirho hinkwaswo swi tsaka na xona.

2 Vakorinto 9:14

Vanhu lava va ta vona vunene lebyo hlamarisa lebyi Xikwembu xi mi endlelaka byona, kutani va ta mi khongelela, hi ku mi navelela leswo saseka etimbilwini ta vona.

Vagalatiya 6:2

Rhwalelanani mindzhwalo, kutani, hi ku endlisa sweswo, mi ta va mi hetisa nawu wa Kriste.

Vaefesa 3:13

Hikokwalaho ndza kombela ndzi ri: Mi nga heli timbilu loko mi vona leswaku ndzi xaniseka hikwalaho ka n'wina; hinkwaswo leswi swi pfuna n'wina.

Vafilipiya 1:3

Ndzi nkhensa Xikwembu xa mina minkarhi hinkwayo, loko ndzi mi anakanya.

Vafilipiya 1:8

Xikwembu i mbhoni ya mina ya leswaku ndzi lava ngopfu ku va na n'wina hinkwenu, hi ku navela loku humaka eka Kriste Yesu.

Vafilipiya 2:25

Naswona ndzi anakanyile leswaku swa fanela ku mi tlherisela Epafrodito makwerhu, loyi a nga ndzi pfuna emintirhweni ni le ku lweni ka mina, loyi a mi n'wi rhumile ku ta ndzi pfuna eka leswi a ndzi pfumala swona.

Vafilipiya 2:27

Hakunene ú vabyile; a a ri kusuhi ni ku fa, kambe Xikwembu xi n'wi tsetselerile, naswona ku nga ri yena ntsena, na mina xi ndzi tsetselerile, leswaku ndzi nga twi ku vaviseka ehenhla ka ku vaviseka.

Vafilipiya 4:1

Hikokwalaho vamakwerhu, n'wina lava ndzi mi rhandzaka ni ku navela ku mi vona, n'wina lava mi nga ku tsaka ka mina ni harhi ya nhloko ya mina, yimani mi tiyile eHosini hi mukhuva wolowo, varhandziwa vanga.

1 Petro 1:6

Mhaka leyi ya mi tsakisa, hambiloko sweswi ma ha fanela ku twa ku vava nkarhinyana, hikwalaho ka miringo ya tinxaka-xaka.