Vafilipiya 2:21 - BIBELE Mahungu Lamanene

²¹ Lavan'wana hinkwavo va chivirikela ntsena leswi nga swa vona, ku nga ri swa Yesu Kriste.

Testamente Leyimpsha Xichangana

²¹ Lavan'wana hinkwavu vatikarhatela ntsena lesvinga sva vona, kungali sva Yesu Kriste.

Xitsonga (Bibele)

²¹ hikuva hinkwavo va tilavela swa vona, swi nga ri swa Yesu Kriste.

Vafilipiya 2:21 Iomraidhean Croise

2 TIHOSI 12:6

Hambiswiritano, hi lembe ra 23 ra ku fuma ka hosi Yowasi, vaprista a va nga si pfala timfa ta khumbi ra Tempele.

Esaya 56:11

Varhangeri lava va fana ni timbyana to rhandza ngopfu swakudya, a va xurhi! I varisi lava nga ehleketiki, hinkwavo va endla leswi va tsakelaka swona, un'wana ni un'wana ú tirha leswi swi nga ta vuyerisa yena ntsena.

Malakiya 1:10

Loko ingi ku nga va na un'wana exikarhi ka n'wina loyi a pfalaka timbanti ta Tempele, leswaku mi nga ha ti mi ta tshivela mindzilo mahala alitarini ya mina! A ndzi tsakeli ku mi vona, hambi ma ri magandzelo lawa mi ndzi humeselaka wona, a ndzi nga ma amukeli. Ndzi vurisa sweswo, mina HOSI ya matimba hinkwawo.

Matewu 16:24

Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,

Luka 14:26

“Loko un'wana a ta ka mina, kambe a nga ndzi rhandzi ku tlula tata wa yena, ni mana wa yena, ni nsati, ni vana, ni makwavo, hambi byi ri vutomi bya yena, a nga ka a nga vi mudyondzisiwa wa mina.

Timhaka 13:13

Pawulo ni lava a va ri na yena, va suka ePafo hi ngalava, va pelela le Perge, muti wa Pamfiliya. Kambe Yohane a hambana na vona, a tlhelela eYerusalema.

Timhaka 15:38

Kambe Pawulo a vona leswaku swi ta va swi hoxekile loko va famba na munhu loyi, hikuva a a hambene na vona ePamfiliya, a nga yanga na vona entirhweni.

1 Vakorinto 10:24

Munhu a nga tshuki a tilavela leswi nga swa yena ntsena, kambe a a ehlekete ni swa van'wana.

1 Vakorinto 10:33

Tekelelani mina, hikuva ndzi tsakisa vanhu hinkwavo hi tindlela hinkwato, ndzi nga tilaveli leswi pfunaka mina ntsena, kambe ndzi lava leswi pfunaka lavo tala, leswaku va ta ponisiwa.

1 Vakorinto 13:5

rirhandzu a ri hanyi hi ndlela yo soleka, a ri tilaveri leswi nga swa rona ntsena, a ri na ximbilwa-mbilwana; rirhandzu a ri na xiveketela xa leswo biha;

2 Vakorinto 1:5

Hikuva kukotisa leswi mahlomulo ya Kriste ma hi taleleke, nakona ha Kriste hi kuma ku chaveleriwa hi ntalo.

Vafilipiya 2:4

Un'wana ni un'wana wa n'wina a nga tshuki a tikarhatela leswi swi nga swa yena ntsena, kambe a a tikarhatele ni leswi swi nga swa van'wana.

2 Timotiya 1:15

Wa swi tiva leswaku hinkwavo lava nga le tikweni ra Asiya va ndzi fularhele, kutani exikarhi ka vona ku na Figelo na Hermogene.

2 Timotiya 3:2

Hikuva vanhu va ta va lava tirhandzaka, va ta va lava rhandzaka mali ngopfu, ni ku tikurisa, ni ku titiva, ni ku rhukana; va ta va lava nga yingisiki vatswari va vona, lava nga riki na ku nkhensa, lava nga khongeriki;

2 Timotiya 4:10

Hikuva Demasi, hi ku rhandza ngopfu swa misava leyi, ú ndzi balekerile a ya eTesalonika. Kreskene ú yile eGalatiya, na Tito ú yile eDalamatiya.

2 Timotiya 4:16

Eku sunguleni ka ku tihlamulela ka mina ehubyeni, ku pfumalekile ni un'we wo yima na mina; hinkwavo va ndzi balekerile. Ingi va nga vekiwi nandzu eka swona.