Vafilipiya 2:16 - BIBELE Mahungu Lamanene

¹⁶ mi ri karhi mi namarhela Rito ra vutomi, kutani esikwini ra Kriste, ndzi ta kota ku tidzunisa loko ndzi kuma leswaku ku tikarhata ka mina entirhweni wa mina a ku vanga ka mahala.

Testamente Leyimpsha Xichangana

¹⁶ na mili karhi minamarhela Rito ra vutomi, kutani sikwini ra Kriste, nitakota kutidzunisa loko nikuma lesvaku kutikarhata ka mina ntirhweni wa mina akuvanga ka mahala.

Xitsonga (Bibele)

¹⁶ ndzi ta tiva ku tidzunisa esikwini ra Kriste leswaku a ndzi tsutsumelanga swahava, ni ku tirhela mahala.

Vafilipiya 2:16 Iomraidhean Croise

Pisalema 40:9

Ntshungu lowukulu ndzi wu tivisile mahungu yo tsakisa ya leswaku u hi ntshunxile; We HOSI, wa swi tiva swinene leswaku a ndzi miyelanga.

Pisalema 71:17

We Xikwembu, u ndzi dyondzisile ku sukela evuntshweni bya mina, hikokwalaho ni sweswi ndza ha twarisa mintirho ya wena leyo hlamarisa.

Esaya 49:4

Kambe mina ndzi ku: ‘Ndzi tirhele mahala, matimba ya mina, ndzi lo tlanga hi wona, a ndzi vuyeriwanga hi nchumu. Hambiswiritano, ndzi ni ku tshemba leswaku hi wena HOSI Xikwembu u nga ta ndzi nyika tifanelo ta mina, ni hakelo ya mina, yi na wena, Xikwembu xanga.’ ”

Matewu 10:27

Leswi ndzi mi byelaka swona emunyameni, swi vuleni eku vonakaleni; ni leswi mi swi twaka swi hleveteriwa etindleveni, swi twariseni eswihlungwaneni swa tindlu.

Luka 12:8

“Ndza mi byela leswaku un'wana ni un'wana la ndzi vulaka emahlweni ka vanhu, N'wana-wa-Munhu na yena ú ta n'wi vula emahlweni ka tintsumi ta Xikwembu.

Yohane 6:63

Moya hi wona wu hanyisaka, nyama a yi pfuni nchumu. Marito lawa ndzi mi byelaka wona, i moya ni vutomi.

Yohane 6:68

Simoni Petro a hlamula, a ku ka yena: “Hosi, hi nga ya ka mani xana? U ni marito ya vutomi lebyi nga heriki.

Timhaka 13:26

“N'wina varikwerhu mi nga rixaka ra Abrahama, na van'wana lava chavaka Xikwembu exikarhi ka n'wina: Mahungu lawa ya ku ponisiwa ma rhumeriwile ka hina.

1 Vakorinto 1:8

loyi a nga ta mi tiyisa ku yisa eku heteleleni, mi va lava nga solekiki hi siku ra Hosi ya hina Yesu Kriste.

1 Vakorinto 9:26

Hikokwalaho, mina a ndzi tsutsumi muhula-hula; a ndzi bi xibakela tanihi munhu la baka moya ntsena;

2 Vakorinto 1:14

hambiloko namuntlha mi nga swi twisisi ngopfu; hikokwalaho, mi ta tidzunisa hi hina esikwini ra Hosi Yesu, hilaha na hina hi nga ta tidzunisa hi n'wina hakona.

Vagalatiya 2:2

Ndzi tlhandlukele kona hi ku hlawuteriwa hi Xikwembu. Ndzi vonanile ni vafambisi va kona hi tlhelo, kutani ndzi va anekela Evhangeli leyi ndzi yi twariseke exikarhi ka vamatiko. A ndzi nga lavi leswaku leswi ndzi swi tirheke, ni leswi ndzi swi tirhaka sweswi, swi hundzuka swa hava.

Vagalatiya 4:11

Ma ndzi chavisa, onge hi loko leswi ndzi nga tikarhata ndzi mi endlela swona swi nga pfunanga nchumu.

Vafilipiya 1:10

mi ta kota ku hlawula leswi nga swinene ku tlula swin'wana; hi mukhuva wolowo, mi ta va lava tengeke, mi nga ha ri na nandzu ku fikela esikwini ra Kriste;

Vafilipiya 1:6

Ndzi ni ku tshemba swinene leswaku Xikwembu lexi sunguleke ntirho lowo saseka lowu exikarhi ka n'wina, xi ta wu yisa emahlweni ku fikela makumu ka wona, hi siku ra Kriste Yesu.

1 Vatesalonika 2:19

Xana hi kwihi ku langutela ka hina ni ku tsaka ka hina, hi yihi harhi ya ku hlula leyi hi nga ta tidzunisa ha yona emahlweni ka Hosi ya hina Yesu, siku a vuyaka ke? Xana a hi n'wina xana?

1 Vatesalonika 3:5

Hikokwalaho, hi ku vona leswaku a ndzi nga ha koti ku tiyisela, ndzi rhumerile rito, leswaku ndzi ta twa ta ku pfumela ka n'wina; a ndzi chava leswaku kumbexana muringi a nga va a mi ringile, ni leswaku ku tikarhata ka hina ku nga va ku hundzukile swa hava.

Vaheveru 4:12

Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

1 Petro 1:23

Mi tswariwile ra vumbirhi, ku nga ri hi mbewu leyi bolaka, kambe hi leyi nga boriki, ri nga Rito ra Xikwembu leri hanyaka, leri tshamaka hi masiku hinkwawo.

1 Yohane 1:1

Swa Rito ra vutomi, a swi ri kona ku sukela eku sunguleni; hi swi twile ni ku swi vona hi mahlo; hi swi langutile ni ku swi khumba hi mavoko ya hina, kutani hi swona leswi hi mi tivisaka swona.

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”