Vafilipiya 2:12 - BIBELE Mahungu Lamanene

¹² Varhandziwa va mina, tanihi leswi mi ndzi yingiseke masiku hinkwawo, nisweswi, ku nga ri ntsena loko ndzi ri na n'wina kambe ngopfu-ngopfu loko ndzi nga ri na n'wina, tirhelani ku ponisiwa ka n'wina hi ku chava ni ku rhurhumela;

Testamente Leyimpsha Xichangana

¹² Varhandziwa, kufana ni lesvi miniyingiseke masiku hinkwawu, ni svosvi, kungali ntsena loko nili na n'wina kambe ngopfungopfu loko ningali na n'wina, tirhelani kuponisiwa ka n'wina hi kuchava ni kurhurhumela;

Xitsonga (Bibele)

¹² Varhandziwa va nga, kukotisa loko mi yingisile hi masiku, ku nga ri loko ndzi ri eka n'wina ntsena, kambe ngopfungopfu loko ndzi nga ri kona, tirhelani ku hlayiseka ka n'wina hi nchavo ni ku rhurhumela;

Vafilipiya 2:12 Iomraidhean Croise

Ezra 10:3

Kutani sweswi swa antswa hi tiboha eka Xikwembu xa hina leswaku hi ta hlongola vavasati lava hinkwavo ni vana va vona. Hina hi ta landza switsundzuxo swa wena n'wini wa hina, ni swa lava va xiximaka swileriso swa Xikwembu xa hina. Mhaka leyi yi fanele ku tirhiwa hi ku landza nawu.

Pisalema 119:120

Ndza rhurhumela emahlweni ka wena hikuva ndza ku chava, ndzi chava ni leswi u swi boheke.

Pisalema 2:11

Tirhelani HOSI Xikwembu hi xichavo, mi rhurhumela emahlweni ka xona.

Swivuriso 10:16

Hakelo ya munhu la lulameke i vutomi, kasi lowo homboloka ú dya mihandzu ya xidyoho.

Swivuriso 13:4

Lolo ri fa hi ku navela, kambe a ri kumi nchumu; munhu wa migingiriko yena, ú dya a xurha.

Esaya 66:2

Swilo hinkwaswo swi endliwile hi mina, kutani i swa mina hinkwaswo. Ndzi tsakela munhu loyi a titsongahataka, loyi a tisolaka hi mbilu hinkwayo, a xixima milawu ya mina.

Esaya 66:5

N'wina mi xiximaka milawu ya HOSI Xikwembu, twanani leswi xi vulaka swona; xi ri: “Vamakwenu va mi venga, va mi hlongola hi mhaka ya leswi mi ndzi tshembaka, va mi hlekula, va ku: ‘HOSI Xikwembu a xi mi kombe ku dzuneka ka xona, hi ta vona ku tsaka ka n'wina!’ Kambe vanhu volavo, hi vona va nga ta va ni tingana.”

Matewu 11:12

Ku sukela enkarhini wa Yohane Mukhuvuri ku fikela enkarhini wa sweswi, ku ngheniwa eMfun'weni wa matilo hi ku tirhisa matimba, kutani va matimba hi vona lava titekelaka wona.

Matewu 11:29

Rhwalani joko ra mina, mi dyondza ka mina, hikuva ndzi ni mbilu yo rhula ni ya tintswalo; kutani mimoya ya n'wina yi ta kuma ku wisa;

Timhaka 16:29

Mulanguteri a kombela timboni, a nghena hi ku tsutsuma, a tiwisela emilengeni ya Pawulo na Silasi, a ri karhi a rhurhumela hi ku chava.

Timhaka 9:6

Kambe pfuka u yima, u nghena emutini, kutani u ta byeriwa leswi u fanelaka ku endla swona.”

Varhoma 2:7

Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

1 Vakorinto 15:58

Hikokwalaho, vamakwerhu lava rhandzekaka, tiyani swinene mi nga tsekatsekeni; tiyiselani swinene, mi tirhela Hosi masiku hinkwawo, mi ri karhi mi swi tiva leswaku eHosini mintirho ya n'wina a yi nga weli ehansi.

1 Vakorinto 2:3

Loko ndzi tile eka n'wina, a ndzi ri la tsaneke, ni ku chava, ni ku rhurhumela ngopfu.

1 Vakorinto 4:14

Ndzi tsala timhaka leti, ku nga ri ku mi khomisa tingana kambe ku mi tsundzuxa, tanihi vana va mina lava rhandzekaka.

2 Vakorinto 7:15

Hikokwalaho, rirhandzu ra yena eka n'wina ri yile ri kula loko a anakanya hilaha mi yingiseke hakona, n'wina hinkwenu, ni hilaha mi n'wi amukeleke hakona, hi xichavo ni ku rhurhumela.

Vaefesa 6:5

N'wina mahlonga, yingisani vini va n'wina va laha misaveni, hi xichavo ni ku titsongahata, mi swi endla hi timbilu to basa, ku fana ni loko mi tirhela Kriste hi xiviri;

Vafilipiya 1:27

Ntsena, mahanyelo ya n'wina ma fanele ku fambelana ni Evhangeli ya Kriste, leswaku hambi ndzi ta ku ta mi vona, hambi ndzi nga ti, ndzi ta twa leswaku ma ha yimile mi tiyile emoyeni wun'we, mi lwa swin'we hi mbilu yin'we, mi lwela ku pfumela loku tisiwaka hi Evhangeli.

Vafilipiya 1:29

Hikuva mi nyikiwile nkateko wo tirhela Kriste, ku nga ri ntsena hileswi mi pfumeleke eka yena, kambe hileswi mi xanisekaka hikwalaho ka yena.

Vafilipiya 1:5

hikwalaho ka ndlela leyi mi ndzi pfuneke ha yona entirhweni wa Evhangeli, ku sukela siku ro sungula ku fikela namuntlha.

Vafilipiya 1:6

Ndzi ni ku tshemba swinene leswaku Xikwembu lexi sunguleke ntirho lowo saseka lowu exikarhi ka n'wina, xi ta wu yisa emahlweni ku fikela makumu ka wona, hi siku ra Kriste Yesu.

Vafilipiya 2:19

Ndzi ni ku tshemba eka Hosi Yesu leswaku ku nga ri khale ndzi ta rhuma Timotiya a ta le ka n'wina, leswaku na mina ndzi tiyisiwa hi ku kuma mahungu yo huma eka n'wina.

Vafilipiya 4:1

Hikokwalaho vamakwerhu, n'wina lava ndzi mi rhandzaka ni ku navela ku mi vona, n'wina lava mi nga ku tsaka ka mina ni harhi ya nhloko ya mina, yimani mi tiyile eHosini hi mukhuva wolowo, varhandziwa vanga.

Vafilipiya 4:15

N'wina Vafilipiya, ma swi tiva hi n'wexe leswaku, emasungulweni ya ntirho wa Evhangeli, loko ndzi sukile eMakedoniya, a ku vanga na kereke ni yin'we leyi nga pfunana na mina, handle ka n'wina ntsena; hi vile xilo xin'we endzalweni ni le ku lahlekeriweni.

1 Vatesalonika 1:3

Emahlweni ka Xikwembu Tata wa hina, hi tsundzuka hilaha ku pfumela ka n'wina ku tikombeke hakona hi swiendlo, ni leswaku mi chivirika eku languteleni ka Hosi ya hina Yesu Kriste, hi rirhandzu ni ku tikarhata.

2 Timotiya 2:10

kutani, etimhakeni hinkwato, ndzi tiyisela hikwalaho ka vahlawuriwa va Xikwembu, leswaku na vona va ta kuma ku ponisiwa loku humaka eka Kriste Yesu, va kuma ni ku kwetsima loku nga heriki.

Vaheveru 12:1

Hikokwalaho, leswi hi rhendzeriweke hi vunyingi lebyikulu lebyi bya timbhoni, na hina a hi tshikeni hinkwaswo leswi swi hi sivelaka ku ya emahlweni, ni vudyoho lebyi hatlaka ku hi namarhela, hi tsutsuma hi ri ni ku tiyisela eku tsutsumeni ka mpfhuka lowu hi vekeriweke wona.

Vaheveru 4:1

Hikokwalaho, loko xitshembiso xa ku nghena eku wiseni ka Xikwembu xa ha ri kona, a hi chaveni leswaku kumbe un'wana wa n'wina a nga tshuka a kumiwa a tsandzekile ku fika kona.

Vaheveru 4:11

Loko swi ri tano, a hi ringeteni hi matimba ku nghena eku wiseni koloko, leswaku ni un'we a nga wi hi ku tiarisa loku fanaka ni ka vona.

Vaheveru 5:9

Kutani loko a endliwile la hetisekeke, ú hundzukile xihlovo xa ku ponisiwa loku nga heriki eka hinkwavo lava va n'wi yingisaka,

1 Petro 2:11

Varhandziwa, leswi mi nga valuveri ni vaendzi emisaveni, ndza mi khongotela hi matimba ku hambana ni ku navela ka miri, loku lwaka ni mimoya ya n'wina.

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!