Vafilipiya 2:11 - BIBELE Mahungu Lamanene

¹¹ ni tindzimi hinkwato ti vula leswaku Yesu Kriste i Hosi, eku dzuniseni ka Xikwembu Tatana.

Testamente Leyimpsha Xichangana

¹¹ ni tindzimi hinkwatu tivula lesvaku Yesu Kriste i Hosi, akudzuniseni ka Xikwembu Tatana.

Xitsonga (Bibele)

¹¹ kutani tindzimi hinkwato ti vula leswaku Yesu Kriste i Hosi, ku ve ku dzuniseni ka Xikwembu Tatana.

Vafilipiya 2:11 Iomraidhean Croise

Pisalema 110:1

HOSI Xikwembu xi byerile murhangeri wa tiko ra ka hina xi ku: “Tana u ta tshama evokweni ra mina ra xinene, kutani ndzi ta veka valala va wena ehansi ka minkondzo ya wena.”

Pisalema 18:49

Hikokwalaho, we HOSI, ndzi ta ku twarisa exikarhi ka vamatiko, ndzi ta yimbelela tinsimu ndzi dzunisa vito ra wena.

Yeremiya 23:6

Enkarhini wa yona, va ka Yuda va ta pona, na vona Vaisraele va ta tshama va hlayisekile; kutani vito leri yi nga ta thyiwa rona hi leri: ‘HOSI-mulweri-wa-hina’!”

Matewu 10:32

“Un'wana ni un'wana la nga ta ndzi vula emahlweni ka vanhu, na mina ndzi ta n'wi vula emahlweni ka Tata wa mina la nge matilweni.

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste, Hosi.

Yohane 12:42

Hambiswiritano, lavo tala ni le xikarhi ka tindhuna a va pfumela ka yena; kambe, hikwalaho ka Vafarisi, a va nga swi vuli erivaleni hi ku chava ku hlongoriwa esinagogeni.

Yohane 13:13

Mi ndzi vula ‘Mudyondzisi’ ni ‘Hosi’; ma vurisa, hikuva ndzi yena.

Yohane 13:14

Kutani ke loko mina, Hosi ya n'wina ni Mudyondzisi wa n'wina, ndzi mi hlambisile milenge, na n'wina mi ta fanela ku hlambisana milenge,

Yohane 14:13

Xin'wana ni xin'wana lexi mi xi kombelaka hi vito ra mina, ndzi ta xi endla, leswaku Tatana a dzunisiwa eka N'wana.

Yohane 14:23

Yesu a n'wi hlamula, a ku: “Loko munhu a ndzi rhandza, ú ta hlayisa rito ra mina, kutani Tata wa mina ú ta n'wi rhandza, kutani hi ta ta eka yena, hi tshama na yena.

Yohane 17:1

Yesu ú vurile timhaka leti. Kutani a tlakusa mahlo, a languta etilweni, a ku: “Tatana, nkarhi wu fikile; dzunisa N'wana wa wena, leswaku N'wana a ku dzunisa.

Yohane 20:28

Tomasi a n'wi hlamula, a ku: “Hosi yanga ni Xikwembu xanga!”

Yohane 5:23

leswaku hinkwavo va va ni xichavo eka N'wana, kukotisa leswi va nga ni xichavo eka Tatana. Un'wana ni un'wana la nga riki na xichavo eka N'wana, a nga na xichavo ni ka Tatana la n'wi rhumeke.

Yohane 9:22

Vatswari va yena a va vurisa sweswo hi ku chava Vayuda, hikuva Vayuda a va twananile leswaku, loko munhu un'wana a nga tshuka a vula leswaku Yesu i Mesiya, ú ta hlongoriwa esinagogeni.

Timhaka 10:36

Rito leri xi ri rhumeleke Vaisraele, ma ri tiva, ri nga rito leri twarisaka mahungu lamanene ya ku rhula ha Yesu Kriste, yena Hosi ya vanhu hinkwavo.

Timhaka 2:36

“Hikokwalaho rixaka hinkwaro ra Vaisraele ri fanele ku tiva mhaka leyi swinene leswaku Yesu loyi mi n'wi vambeke, hi yena loyi Xikwembu xi n'wi endleke Hosi ni Mesiya.”

Varhoma 14:11

Hikuva eMatsalweni, Hosi yi ri: “Mina ndza hanya, hikokwalaho vanhu hinkwavo va ta ndzi nkhinsamela, hinkwavo va ta ku, ndzi Xikwembu.”

Varhoma 14:9

Hikuva Kriste ú file, a tlhela a pfuka a hanya, leswaku a ta va Hosi ya lava feke ni ya lava hanyaka.

Varhoma 15:9

ni leswaku vamatiko va ta kota ku dzunisa Xikwembu hikwalaho ka tintswalo ta xona, hilaha swi tsariweke hakona va ku: “Hikokwalaho, ndzi ta ku dzunisa exikarhi ka vamatiko, ndzi ta yimbelela ndzi twarisa vito ra wena.”

1 Vakorinto 12:3

Hikokwalaho, ndza mi tsundzuxa ndzi ri, munhu la fambisiwaka hi Moya wa Xikwembu, a nga ka a nga vuli a ku: “Yesu a a rhukaniwe!” Naswona a ku na munhu la nga vulaka a ku: “Yesu i Hosi!” loko a nga ri la fambisiwaka hi Moya lowo Kwetsima.

1 Vakorinto 15:47

Munhu lowo rhanga ú humile emisaveni, a ri la endliweke hi ntshuri wa misava; munhu lowa vumbirhi ú huma etilweni.

1 Vakorinto 8:6

eka hina ku ni Xikwembu xin'we ntsena, Tatana loyi swilo hinkwaswo swi humaka eka yena, na hina hi hanyelaka yena; naswona ku ni Hosi yin'we ntsena, Yesu Kriste loyi hinkwaswo swi taka hi le ka yena, na hina hi hanyaka hikwalaho ka yena.

1 Petro 1:21

Hikwalaho ka yena, mi ni ku tshemba eka Xikwembu, lexi xi n'wi pfuxeke exikarhi ka vafi, xi n'wi nyika ku dzuneka, ku endlela leswaku ku pfumela ka n'wina ni ku tshemba ka n'wina swi va eka Xikwembu.

1 Yohane 4:15

Un'wana ni un'wana loyi a vulaka leswaku Yesu i N'wana wa Xikwembu, Xikwembu xi tshame ka yena, na yena eka Xikwembu.

1 Yohane 4:2

Mi ta tiva Moya wa Xikwembu hi ndlela leyi: Moya wihi na wihi lowu vulaka leswaku Yesu Kriste ú tile emisaveni a va munhu, i wa Xikwembu.

2 Yohane 1:7

Hakunene vaxisi lavo tala va hangalakile ni misava, i vanhu lava kanetaka leswaku Yesu Kriste ú tile emisaveni a va munhu. Mukaneti wo tano i muxisi ni Nala wa Kriste.

Nhlavutelo 3:5

Loyi a hlulaka, ú ta ambexiwa hi mukhuva wolowo, a nyikiwa tinguvu leto basa. A ndzi nga susi vito ra yena ebukwini ya vutomi, ndzi ta tivisa vito ra kona emahlweni ka Tata wa mina ni le mahlweni ka tintsumi ta yena.