Vafilipiya 1:9 - BIBELE Mahungu Lamanene

⁹ Xikhongelo xa mina hi lexi: Ndzi khongela leswaku rirhandzu ra n'wina ri ya mahlweni ri kula masiku hinkwawo, ri va ni vutivi ni ku twisisa loku hetisekeke,

Testamente Leyimpsha Xichangana

⁹ Xikhongelo xa mina hi lexi: Nikhongela lesvaku rirhandzu ra n'wina riya mahlweni rikula masiku hinkwawu, riva ni vutivi ni kutwisisa loku kuhetisekeke,

Xitsonga (Bibele)

⁹ Kutani lexi ndzi xi kombelaka hi ku khongela, hileswaku rirhandzu ra n'wina ri engeteleka hi masiku hi ku tiva ni miehleketo hinkwayo,

Vafilipiya 1:9 Iomraidhean Croise

Ntirho 17:9

Loyi a nge, ú lulamile, a nga hundzuki miehleketo, loyi a nge, mavoko ya yena ma tengile, ú ta omela kwalaho.

Pisalema 119:66

Ndzi dyondzise ku tiva ni ku twisisa swinene swileriso swa wena, hikuva ndzi tshemba wena.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

1 Vakorinto 14:20

Vamakwerhu, mi nga fani ni vana eku ehleketeni ka n'wina. Loko ku ri ka leswo biha mi fanele ku fana ni swihlangi, kambe mi va lava kuleke emiehleketweni.

2 Vakorinto 8:7

Mi swifumi eka hinkwaswo leswi mi nga na swona, eku pfumeleni, eku vulavuleni, evutivini, ni le ku hisekeni hinkwako, ni le rirhandzwini leri hi ri pfuxeke eka n'wina; hi mukhuva wolowo, kombani leswaku mi swifumi eku humeseni ka nyiko yoleyo ya tintswalo.

Vaefesa 5:17

Hikokwalaho, mi nga vi lavo pfumala mano, kambe ringetani ku twisisa leswi Hosi yi rhandzaka swona.

Vakolosa 1:9

Hikokwalaho, ku sukela siku leri hi swi tweke, a hi tshikanga ku mi khongelela, ni ku kombela Xikwembu leswaku xi mi tata hi vutivi bya ku rhandza ka xona, evutlharini hinkwabyo ni ku twisiseni hinkwako loku nyikiwaka hi Moya;

Vakolosa 3:10

hikuva mi ambarile munhu wa hanyelo lerintshwa loyi a pfuxetiwaka kambe na kambe, leswaku mi kota ku tiva swinene Xikwembu lexi xi n'wi tumbuluxeke hi xifaniso xa xona.

1 Vatesalonika 3:12

Ingi Hosi yi nga kurisa ni ku andzisa rirhandzu leri mi rhandzanaka ha rona ni ku rhandza van'wana ha rona, ku fana ni leswi na hina hi mi rhandzisaka xiswona;

1 Vatesalonika 4:1

Kutani ke, vamakwerhu, mi dyondzile eka hina hilaha mi fanelaka ku hanya hakona leswaku mi tsakisa Xikwembu, kutani mi hanyile hi mukhuva wolowo. Hikokwalaho, ha mi kombela hi matimba ni ku mi khongotela hi vito ra Hosi Yesu, leswaku mi ya mi kula, mi ri karhi mi hanyisa sweswo.

2 Vatesalonika 1:3

Swa hi fanela ku nkhensa Xikwembu masiku hinkwawo hikwalaho ka n'wina, vamakwerhu. Hakunene swa fanela sweswo, hikuva ku pfumela ka n'wina ku karhi ka kula ngopfu, ni ku rhandzana ka n'wina hinkwenu ku ya ku engeteleleka.

Filemoni 1:6

Kutani ku khongela ka mina hileswaku ku pfumela ka wena loku u ku avelaka van'wana, ku nga yisa emahlweni vutivi bya hinkwaswo leswinene leswi nga swa hina eka Kriste.

Vaheveru 5:14

Kambe swakudya leswi tiyeke i swa lava kuleke, i swa lava miehleketo ya vona yi vupfeke, lava toloveleke ku hlawula leswinene eka leswo biha.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!