Vafilipiya 1:6 - BIBELE Mahungu Lamanene

⁶ Ndzi ni ku tshemba swinene leswaku Xikwembu lexi sunguleke ntirho lowo saseka lowu exikarhi ka n'wina, xi ta wu yisa emahlweni ku fikela makumu ka wona, hi siku ra Kriste Yesu.

Testamente Leyimpsha Xichangana

⁶ Ni ni kutshemba svinene ka lesvaku Xikwembu lexisunguleke ntirho lowosaseka xikarhi ka n'wina, xitawuyisa mahlweni kuyafika makumu ya wona, hi siku ra Yesu Kriste.

Xitsonga (Bibele)

⁶ Ndza tshemba leswaku la sunguleke ntirho lowunene eka n'wina, u ta wu heta ku fikela siku ra Yesu Kriste;

Vafilipiya 1:6 Iomraidhean Croise

Pisalema 138:8

We HOSI, u ta hetisa makungu ya wena lamanene ehenhla ka mina; rirhandzu ra wena a ri na ku hela, hikokwalaho ntirho lowu u wu sunguleke, u nga wu tshiki empfhukeni!

Yohane 6:29

Yesu a va hlamula, a ku: “Ntirho wa Xikwembu hi lowu: Hileswaku mi pfumela eka Loyi xi n'wi rhumeke.”

Timhaka 11:18

Loko va twa timhaka teto, va miyela va nga ha vileli; kutani va dzunisa Xikwembu, va ku: “Loko swi ri tano, na vona vamatiko Xikwembu xi va nyikile ku hundzuka loku yisaka evutomini.”

Timhaka 16:14

Kutani un'wana wa vona loyi a va ku i Lidiya, muxavisi wa tinguvu to vangama ta xivunguvungu, wa muti wa Tiyatira, wansati wo chava Xikwembu, a a ri eku yingiseni; kutani Hosi yi pfula mbilu ya yena leswaku a twisisa leswi vuriwaka hi Pawulo.

1 Vakorinto 1:8

loyi a nga ta mi tiyisa ku yisa eku heteleleni, mi va lava nga solekiki hi siku ra Hosi ya hina Yesu Kriste.

2 Vakorinto 1:15

Hi ku tiva ku tiya ka swona sweswo, a ndzi naverile ku rhanga ndzi ta eka n'wina, leswaku mi ta kateka kambirhi;

2 Vakorinto 2:3

Leyi hi yona mhaka leyi endleke leswaku ndzi mi tsalela: Hileswaku loko ndzi fikile, ndzi nga tlhaviwi mbilu hi vanhu lava a va ta fanela ku ndzi tsakisa; hikuva ndza mi tshemba hinkwenu; ndzi tiva leswaku loko ndzi tsakile, na n'wina hinkwenu mi tsakile.

2 Vakorinto 7:16

Ndza tsaka, hikuva ndza swi kota ku mi tshemba matlhelo hinkwawo.

2 Vakorinto 9:4

Hikuva loko van'wana va le Makedoniya va nga tshuka va tile na mina, kutani va kuma leswaku a mi tilunghisanga, a hi hina ntsena lava nga ta khomiwa hi tingana, kambe na n'wina mi ta va ni tingana, hi mhaka ya ku titshemba ku tlula mpimo.

Vagalatiya 5:10

Mina ndzi ni ku tshemba leswaku, leswi hi nga va Hosi hinkwerhu, a mi nga vi ni mianakanyo yo hambana ni ya mina, ni leswaku yoloyi a mi pfilunganyisaka, ú ta kuma ku avanyisiwa ka yena, hambi a nga va mani na mani.

Vaefesa 4:12

Ntirho wa vona i ku pfuna vahlawuriwa va Xikwembu leswaku va ta kota ku tirhela van'wana, va aka miri wa Kriste.

Vafilipiya 1:10

mi ta kota ku hlawula leswi nga swinene ku tlula swin'wana; hi mukhuva wolowo, mi ta va lava tengeke, mi nga ha ri na nandzu ku fikela esikwini ra Kriste;

Vafilipiya 1:29

Hikuva mi nyikiwile nkateko wo tirhela Kriste, ku nga ri ntsena hileswi mi pfumeleke eka yena, kambe hileswi mi xanisekaka hikwalaho ka yena.

Vafilipiya 2:12

Varhandziwa va mina, tanihi leswi mi ndzi yingiseke masiku hinkwawo, nisweswi, ku nga ri ntsena loko ndzi ri na n'wina kambe ngopfu-ngopfu loko ndzi nga ri na n'wina, tirhelani ku ponisiwa ka n'wina hi ku chava ni ku rhurhumela;

Vafilipiya 2:13

hikuva i Xikwembu lexi tirhaka eka n'wina, lexi endlaka leswaku mi tsakela ni ku yingisa ku rhandza ka xona.

Vafilipiya 2:16

mi ri karhi mi namarhela Rito ra vutomi, kutani esikwini ra Kriste, ndzi ta kota ku tidzunisa loko ndzi kuma leswaku ku tikarhata ka mina entirhweni wa mina a ku vanga ka mahala.

Vakolosa 2:12

Hi ku khuvuriwa, mi lahliwile esirheni swin'we na yena, mi tlhela mi pfuxiwa eku feni swin'we na yena, hi ku pfumela leswaku i matimba ya Xikwembu lama nga n'wi pfuxa exikarhi ka vafi.

1 Vatesalonika 1:3

Emahlweni ka Xikwembu Tata wa hina, hi tsundzuka hilaha ku pfumela ka n'wina ku tikombeke hakona hi swiendlo, ni leswaku mi chivirika eku languteleni ka Hosi ya hina Yesu Kriste, hi rirhandzu ni ku tikarhata.

2 Vatesalonika 1:11

Hikokwalaho, ha mi khongelela minkarhi hinkwayo; hi kombela leswaku Xikwembu xa hina xi mi endla lava lulameriweke hi vutomi lebyi xi nga mi vitanela byona, xi hetisa, hi matimba ya xona, makungu hinkwawo ya n'wina lamanene, ni mintirho hinkwayo ya ku pfumela ka n'wina.

2 Vatesalonika 3:4

Kutani Hosi yi hi nyika ku tshemba hi tlhelo ra n'wina, leswaku swilo leswi hi mi lerisaka swona, mi karhi ma swi endla, ni leswaku ma ha to swi endla.

Filemoni 1:21

Hi ku tshemba ku yingisa ka wena, ndza ku tsalela ndzi ri karhi ndzi tiva leswaku u ta endla ku tlula ni leswi ndzi swi vulaka.

Vaheveru 10:35

Hikokwalaho, mi nga heli mbilu, hikuva ku tiyisela ku ni hakelo leyikulu.

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

1 Petro 5:10

Kutani endzhaku ka loko mi twisiwile ku vava nkarhinyana, Xikwembu xa tintswalo hinkwato lexi xi mi vitaneke ku nghena eku kwetsimeni ka xona loku nga heriki, eka Kriste, xona hi xiviri xa xona xi ta mi pfuxa, xi mi aka ni ku mi tiyisa, mi nga tsekatseki.

2 Petro 3:10

Kambe siku ra Hosi ri ta ta tanihi khamba, kutani matilo ma ta hundza hi huwa leyikulu; hinkwaswo swa ntumbuluko swi ta tshwa hi ndzilo swi hela, kutani misava ni mintirho leyi nga ka yona swi ta hisiwa.