Vafilipiya 1:5 - BIBELE Mahungu Lamanene

⁵ hikwalaho ka ndlela leyi mi ndzi pfuneke ha yona entirhweni wa Evhangeli, ku sukela siku ro sungula ku fikela namuntlha.

Testamente Leyimpsha Xichangana

⁵ hikolaho ka ndlela leyi minipfuneke ha yona ntirhweni wa Evhangeli, kusukela siku rosungula kufikela namuntlha.

Xitsonga (Bibele)

⁵ hikuva kunene, mi namarhele Evhangeli mpfhuka mi nga sungula, ku fika sweswi.

Vafilipiya 1:5 Iomraidhean Croise

Timhaka 2:42

A va chivirikela ku dyondzisiwa hi vaapostola, ni ku hlengeletana, ni ku phema xinkwa, ni ku khongela.

Varhoma 11:17

Kambe leswi marhavi man'wana ma phatluriweke, ni leswi wena mutlhwari wa le nhoveni u tlhomiweke ematshan'wini ya wona, u tlhela u phameriwa mafurha ya rimitsu ra mutlhwari wa le kaya,

Varhoma 12:13

Pambulelani vahlawuriwa va Xikwembu loko va pfumala, mi gingirika eku amukeleni ka vaendzi.

Varhoma 15:26

hikuva va le Makedoniya ni va le Akaya va tibohile hi ku tsaka ku hlenga swo pfuna swisiwana leswi nga kona exikarhi ka vahlawuriwa va le Yerusalema.

1 Vakorinto 1:9

Xikwembu xa tshembeka, xona lexi xi mi vitaneleke ku va ni xinakulobye ni N'wana wa xona Yesu Kriste Hosi ya hina.

2 Vakorinto 8:1

Vamakwerhu, hi lava leswaku mi tiva leswi tintswalo ta Xikwembu ti swi endleke etikerekeni ta Makedoniya.

Vaefesa 3:6

Xihundla hi lexi: Hi mhaka ya Evhangeli, vamatiko va averiwa ndzhaka yin'we na hina Vayuda, va endla swirho swin'we na hina emirini wun'we, naswona va averiwa xitshembiso xin'we na hina eka Kriste Yesu.

Vafilipiya 1:12

Ndzi lava leswaku mi tiva leswi, vamakwerhu: Leswi swi ndzi humeleleke swi pfunile ku yisa Evhangeli emahlweni hakunene.

Vafilipiya 1:16

vona lava va endla hi ku ndzi rhandza, hi ku tiva leswaku Xikwembu xi ndzi nyikile ntirho wo lwela Evhangeli.

Vafilipiya 1:27

Ntsena, mahanyelo ya n'wina ma fanele ku fambelana ni Evhangeli ya Kriste, leswaku hambi ndzi ta ku ta mi vona, hambi ndzi nga ti, ndzi ta twa leswaku ma ha yimile mi tiyile emoyeni wun'we, mi lwa swin'we hi mbilu yin'we, mi lwela ku pfumela loku tisiwaka hi Evhangeli.

Vafilipiya 1:7

Hikokwalaho, ndzi kuma swi ndzi lulamele ku titwa hi ndlela leyi ehenhla ka n'wina hinkwenu, hikuva mi le mbilwini ya mina, sweswi ndzi nga ekhotsweni ku fana ni loko a ndza ha ntshunxekile ku lwela ni ku tiyisa Evhangeli, kutani n'wina hinkwenu mi averiwile nkateko wun'we na mina.

Vafilipiya 2:12

Varhandziwa va mina, tanihi leswi mi ndzi yingiseke masiku hinkwawo, nisweswi, ku nga ri ntsena loko ndzi ri na n'wina kambe ngopfu-ngopfu loko ndzi nga ri na n'wina, tirhelani ku ponisiwa ka n'wina hi ku chava ni ku rhurhumela;

Vafilipiya 2:22

Kambe ku tshembeka ka Timotiya ma ku tiva, ni hilaha a nga tirhisana na mina hakona entirhweni wa Evhangeli, a fana ni n'wana la tirhaka swin'we ni tata wa yena.

Vafilipiya 4:3

Ndza ku kombela na wena mutirhi-kulorhi la tshembekaka: Pfuna vamanana lava; va ndzi seketerile swinene entirhweni wa Evhangeli, va ri na Klemento, ni vatirhi-kulorhi lavan'wana, lava mavito ya vona ma tsariweke ebukwini ya vutomi.

Filemoni 1:17

Hikokwalaho, loko u ndzi vona ndzi ri mutirhi-kuloni, n'wi amukele tanihi loko u amukela mina.

Vaheveru 3:14

Hikuva hi ni ku averiwa eka Kriste ntsena loko hi khomelela hi tiya ku yisa emakumu, eku tshembeni ka hina loku ko sungula,

2 Petro 1:1

Mina Simoni Petro, nandza ni muapostola wa Yesu Kriste, ndzi tsalela lava nyikiweke ku pfumela loku ringanaka hi xiyimo ni ku pfumela ka hina, hi ku lulama ka loyi a nga Xikwembu ni muponisi wa hina Yesu Kriste, ndzi ri:

1 Yohane 1:3

Leswi hi swi voneke ni ku swi twa, hi mi tivisa swona na n'wina, leswaku mi va ni xinakulobye na hina. Xinakulobye xi kona exikarhi ka hina na Tatana, ni le xikarhi ka hina ni n'wana wa yena Yesu Kriste.

1 Yohane 1:7

Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.