Vafilipiya 1:20 - BIBELE Mahungu Lamanene

²⁰ Ku langutela ka mina ni ku tshemba ka mina, hileswaku a ndzi nga khomiwi hi tingana niswitsanana, kambe hi ku tiya ka mina ndzi nga chavi nchumu, sweswi kukota minkarhi hinkwayo, ndzi ta twarisa vukulu bya Kriste emirini wa mina, hambi hi ku hanya ka mina, hambi hi ku fa ka mina.

Testamente Leyimpsha Xichangana

²⁰ Kulangutela ka mina ni kutshemba ka mina, hi lesvaku aningakhomiwi hi tingana nikutsongo, kambe hi kutiya ka mina ningachavi nchumu, svosvi kukota minkama hinkwayu, nitatwalisa vukulu bza Kriste mirini wa mina, hambi hi kuhanya kumbe hi kufa ka mina.

Xitsonga (Bibele)

²⁰ hi ku langutela loku tiyeke ka mina, ni ku tshemba loku ndzi nga na kona, leswaku ndzi nga ka ndzi nga khomisiwi tingana ha nchumu; kambe ndzi tivisisa leswaku swi tsandza ni sweswi, ni le mikarhini hinkwayo, Kriste u ta dzunisiwa emirini wa mina, hambi ku ri hi ku hanya, hambi ku ri hi ku fa.

Vafilipiya 1:20 Iomraidhean Croise

Pisalema 119:116

Ndzi seketele hilaha u tshembiseke hakona, ndzi ta hanya, u nga ndzi tshiki empfhukeni hikuva ndzi tshembe wena.

Pisalema 119:80

Ndzi navela ku landza milawu ya wena, ndzi nga yi tshiki, kutani a ndzi nga khomiwi hi tingana.

Pisalema 25:2

We Xikwembu xanga, ndzi tshembile wena; u nga pfumeli leswaku ndzi khomiwa hi tingana, u nga ndzi tshiki ndzi hundzuka xihlekiso eka valala va mina.

Pisalema 62:5

Moya wa mina wu kuma ku wisa eka Xikwembu ntsena, hikuva xi ndzi nyika ku tshemba.

Swivuriso 10:28

Ku tshemba ka lavo lulama ku hela hi ntsako, kambe leswi lavo homboloka va swi langutelaka, swi helela empfhukeni.

Swivuriso 23:18

kutani u ta vona swa nkarhi lowu taka, ku tshemba ka wena ku nge heleli empfhukeni.

Esaya 45:17

Kambe HOSI Xikwembu xi ta ponisa Vaisraele hilaha ku nga heriki, va nga ka va nga khomiwi hi tingana, kumbe ku hlanganisiwa tinhloko ni siku ni rin'we.

Esaya 50:7

A ndzi kalanga ndzi hela ntamu, hikuva HOSI N'wini wa hinkwaswo wa ndzi pfuna, ndzi yimile ndzi ku, tsétsérhèlè! Ndza swi tiva leswaku ndzi nge khomiwi hi tingana ni siku ni rin'we,

Esaya 54:4

“U nga chavi, hikuva a wu nga ha khomiwi hi tingana; u nga tipandzisi nhloko, hikuva a wu nga ha vangeriwi leswi nga ta ku nyumisa; tingana leti u veke na tona loko wa ha ri ntsongo, u ta ti rivala, ni leswaku a wu hlekuriwa loko u nga ha ri na nuna, a wu nga ha swi tsundzuki.

Yohane 21:19

A a vurisa sweswo hi ku ringanisa rifu leri Petro a nga ta dzunisa Xikwembu ha rona. Loko Yesu a vurise sweswo, a ku ka yena: “Ndzi landze!”

Timhaka 20:24

Hambiswiritano, ndzi vona leswaku ku lahlekeriwa hi vutomi, a swi na mhaka nikutsongo eka mina, loko ndzi nga kota ntsena ku heta leswi ndzi nga rhumiwa ku endla swona, ni ntirho lowu ndzi wu amukeleke eka Hosi Yesu, wa ku vula Mahungu Lamanene ya tintswalo ta Xikwembu.

Timhaka 21:13

Kambe Pawulo a hlamula, a ku: “Xana mi endla yini loko mi rila hi mukhuva lowu ni ku ndzi tlhava mbilu ke? Kasi mina a ndzi tilunghiselanga ku bohiwa ntsena, kambe ndzi tilunghisele ni ku ya fela vito ra Hosi Yesu eYerusalema.”

Timhaka 4:31

Kuteloko va hetile ku khongela, xivandla lexi va hlengeletaneke ka xona xi tsekatseka, hinkwavo va tala hi Moya lowo Kwetsima, kutani va vula rito ra Xikwembu va tiyile.

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

Varhoma 5:5

kutani ku langutela a ku hi khomisi tingana, hikuva Xikwembu xi cherile rirhandzu ra xona etimbilwini ta hina hi Moya lowo Kwetsima lowu hi nyikiweke wona.

Varhoma 6:13

mi nga ha nyiketi swirho swa n'wina eku dyoheni, mi nga ha swi tirhisi ku endla leswo homboloka; kambe tinyiketeni eka Xikwembu tanihi vanhu lava hanyaka, lava humeke exikarhi ka vafi. Kutani mi nyiketa swirho swa n'wina eka Xikwembu, mi swi tirhisa ku endla leswo lulama.

Varhoma 6:19

Ndzi tirhisa mavulavulele ya vanhu, hikuva, hi ntumbuluko, mi vanhu lava tsaneke. Ku fana ni leswi khale a mi nyiketile swirho swa n'wina ku va mahlonga ya thyaka ni ya ku homboloka, leswaku mi endla leswo homboloka ha swona, sweswi nyiketani swirho swa n'wina ku va mahlonga ya ku lulama, leswaku mi endla leswi tengeke ha swona.

Varhoma 8:19

Hikuva swivumbiwa hinkwaswo swi langutela, hi ku navela lokukulu, leswaku Xikwembu xi kombisa erivaleni vana va xona.

Varhoma 9:33

hilaha ku tsariweke hakona va ku: “Vona, ndzi veka eSiyoni ribye leri wisaka vanhu, ni ntambha leri ri va khunguvanyisaka; kambe loyi a pfumelaka eka yena la nga ribye leri, a nga ka a nga khomiwi hi tingana.”

1 Vakorinto 15:31

Hakunene, masiku hinkwawo ndzi langutene ni rifu! Ndzi vula ndzi tiyisile vamakwerhu, hikuva ndzi tidzunisa hi n'wina hikwalaho ka Kriste Yesu Hosi ya hina.

1 Vakorinto 6:20

Mi xaviwile hi nxavo lowukulu; hikokwalaho, dzunisani Xikwembu hi miri wa n'wina.

1 Vakorinto 7:34

kutani ú kokeriwa hala ni hala. Wansati loyi a nga tekiwangiki, kumbe wanhwana, ú tikarhatela swa Hosi, leswaku miri ni moya wa yena swi va leswi hlawulekeke; kambe wansati loyi a tekiweke ú tikarhatela swa misava leyi, ku vona hilaha a nga tsakisaka nuna wa yena hakona.

2 Vakorinto 10:8

Kumbexana ndzi tlulanyana mpimo loko ndzi tidzunisa hi matimba lawa ndzi nga na wona, lawa Hosi yi ndzi nyikeke wona (ma nga matimba yo mi wundla, ma nga ri yo mi herisa), kambe a ndzi tlheli!

2 Vakorinto 3:12

Hikokwalaho, leswi hi nga ni ku tshemba loko tano, hi vulavula hi tiyile nhlana swinene.

2 Vakorinto 4:10

minkarhi hinkwayo hi rhwala rifu ra Yesu emirini wa hina, leswaku vutomi bya Yesu na byona byi vonaka emirini wa hina.

2 Vakorinto 5:15

Ú ferile vanhu hinkwavo, leswaku lava hanyaka va nga ha tihanyeli, kambe va hanyela loyi a feke a tlhela a pfuxiwa eku feni hikwalaho ka vona.

2 Vakorinto 7:14

Hambiloko ndzi tidzunisile emahlweni ka yena hi mhaka ya n'wina, a mi ndzi khomisanga tingana. A hi mi byelanga nchumu wun'wana, loko wu nga ri ntiyiso ntsena. Hi mukhuva wolowo ku tidzunisa ka hina emahlweni ka Tito, ku kumekile wu ri ntiyiso.

2 Vakorinto 7:4

Ndzi vulavula na n'wina, ndzi ri karhi ndzi mi tshemba ngopfu; ndzi tikurisa ngopfu hi n'wina; ndzi tala hi ku chaveleriwa; emaxangwini hinkwawo ya hina, ndza tsaka ndzi tsakisisa.

Vafilipiya 1:14

Ku bohiwa ka mina ekhotsweni ku endlile leswaku vamakwerhu lavo tala va veka ku tshemba ka vona eka Hosi, va engeta va kanya timbilu ku vula Rito va nga chavi nchumu.

Vafilipiya 2:17

Hambiloko ndzi fanela ku tlhandlekela vutomi bya mina ehenhla ka mhamba ya n'wina ya ku pfumela, leyi mi gandzelaka Xikwembu ha yona, ndzi tsakile ni ku tlangela swin'we na n'wina hinkwenu.

Vakolosa 1:24

Sweswi ke, ndzi tsaka hileswi ndzi xanisiwaka hikwalaho ka n'wina; kutani, hi ku xaniseka ka mina emirini, ndzi hetisa leswi kayiveleke emaxangwini ya Kriste, hikwalaho ka miri wa yena, yi nga Kereke.

1 Vatesalonika 5:23

Ingi Xikwembu xa ku rhula xona ha xoxe, xi nga mi endla lava hlawulekeke hi matlhelo hinkwawo. Ingi mimoya ya n'wina, ni timbilu ta n'wina, ni miri wa n'wina, swi nga hlayiseka swi basile, swi nga ri na nandzu siku Hosi ya hina Yesu Kriste a vuyaka.

1 Petro 4:16

Kambe loko munhu a twisiwa ku vava hikwalaho ka leswi a nga Mukriste, a nga tshuki a khomiwa hi tingana, kambe a a dzunise Xikwembu, hi mhaka ya vito leri ra “Mukriste”.

1 Yohane 2:28

Kutani sweswi, vana vanga, tshamani eka Kriste, leswaku loko a humelela, hi ta tiya nhlana, naswona hi nga vi na tingana eku fikeni ka yena.