Vafilipiya 1:1 - BIBELE Mahungu Lamanene

¹ Mina Pawulo nandza wa Kriste Yesu, na Timotiya nandza-kulorhi, hi tsalela vahlawuriwa va Xikwembu hinkwavo lava tshamaka eFilipiya, lava nga va ka Kriste Yesu, swin'we ni vafambisi va kereke ni vapfuni, hi ri:

Testamente Leyimpsha Xichangana

¹ Mina Pawulo, nandza wa Kriste Yesu, na Timotewu nandzakulorhi, hitsalela vakwetsimi va Xikwembu hinkwavu lavatshamaka Filipi, lavanga va ka Yesu Kriste, svin'we ni vabixopo va kereke ni vadiyakoni, hili:

Xitsonga (Bibele)

¹ Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

Vafilipiya 1:1 Iomraidhean Croise

Marka 13:34

Swi fana ni munhu loko a endza, a suka emutini wa yena, a siyile hinkwaswo emavokweni ya malandza ya yena, un'wana ni un'wana entirhweni wa yena, a lerisile ni mulanguteri wa nyangwa leswaku a hiteka.

Yohane 12:26

Loko munhu a ndzi tirhela, a a ndzi landze, kutani laha ndzi nga kona, na yena nandza wa mina ú ta va kona. Loko munhu a ndzi tirhela, Tatana ú ta n'wi komba mafundzha.

Timhaka 1:20

“Kutani, ebukwini ya Tipisalema, ku tsariwile leswi: “ ‘Muti wa yena a wu hundzuke rhumbi, ku nga ha vi na munhu la tshamaka kona!’ Nakambe: ‘Un'wana a a teke vulanguteri bya yena.’

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Timhaka 9:13

Ananiya a hlamula, a ku: “Hosi, ndzi twile lavo tala va vulavula hi munhu loyi, ni leswaku ú endlile leswo biha ngopfu eka vahlawuriwa va wena le Yerusalema.

Varhoma 1:1

Ku tsala mina Pawulo, nandza wa Kriste Yesu, muapostola loyi a nga hlawuriwa ni ku vitaniwa leswaku a ta twarisa Evhangeli ya Xikwembu.

Varhoma 1:7

Ndza mi xeweta, n'wina hinkwenu lava mi nga eRhoma, lava rhandziwaka hi Xikwembu, lava vitaniweke ku va vahlawuriwa va xona, ndzi ri: Tintswalo ni ku rhula a swi ve na n'wina, swi huma eka Xikwembu Tata wa hina, ni ka Hosi Yesu Kriste.

1 Vakorinto 16:10

Loko Timotiya a ta, vonani leswaku a titwa a ntshunxekile loko a ri ka n'wina; ú tirha ntirho wa Hosi ku fana na mina.

2 Vakorinto 1:1

Mina Pawulo, muapostola wa Kriste Yesu hi ku rhandza ka Xikwembu, na Timotiya makwerhu, hi tsalela kereke ya Xikwembu leyi nge Korinto, ni vahlawuriwa va Xikwembu hinkwavo lava nge tikweni hinkwaro ra Akaya, hi ri:

Vagalatiya 1:10

Xana sweswo swi komba leswaku ndzi navela ku nkhensiwa hi vanhu kumbe hi Xikwembu ke? Xana ndzi vonaka ndzi ri la ringetaka ku tsakisa vanhu ke? Loko onge ndza ha ringeta ku endla sweswo, a ndzi nga ta va nandza wa Kriste.

Vagalatiya 3:26

Hikuva eka Kriste Yesu hinkwenu mi vana va Xikwembu hi mhaka ya ku pfumela.

Vagalatiya 3:28

Hikokwalaho, a ku na Muyuda kumbe Mugriki, a ku na hlonga kumbe muntshunxeki, a ku na wanuna kumbe wansati, hikuva hinkwenu mi un'we eka Kriste Yesu.

Vaefesa 1:1

Mina Pawulo, muapostola wa Kriste Yesu hi ku rhandza ka Xikwembu, ndzi tsalela vahlawuriwa va Xikwembu [lava nga le Efesa], lava tshembekaka eka Kriste Yesu, ndzi ri:

Vaefesa 1:15

Hikokwalaho na mina, ku sukela loko ndzi twile ta ku pfumela ka n'wina eka Hosi Yesu, ni ta rirhandzu ra n'wina eka vahlawuriwa va Xikwembu hinkwavo,

Vaefesa 6:24

Tintswalo a ti ve ni hinkwavo lava rhandzaka Hosi ya hina Yesu Kriste hi rirhandzu leri nga onhakiki!

Vafilipiya 2:19

Ndzi ni ku tshemba eka Hosi Yesu leswaku ku nga ri khale ndzi ta rhuma Timotiya a ta le ka n'wina, leswaku na mina ndzi tiyisiwa hi ku kuma mahungu yo huma eka n'wina.

Vafilipiya 2:5

Ku hanyisana ka n'wina a ku ve loku mi ku kumaka eka Kriste Yesu:

Vafilipiya 3:12

A ndzi vuli leswaku ndzi swi kumile sweswo, kumbe leswaku ndzi hetisekile, e-e; kambe ndzi ringeta ku tikarhata leswaku ndzi swi kuma swi va swa mina, hikuva Kriste Yesu ú ndzi kumile a ndzi endla wa yena.

Vafilipiya 3:3

Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

Vafilipiya 3:8

Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

1 Vatesalonika 1:1

Mina Pawulo, na Silvano, na Timotiya, hi tsalela va kereke ya le Tesalonika, lava nga vanhu va Xikwembu Tatana, ni va Hosi Yesu Kriste, hi ri: Tintswalo ni ku rhula a swi ve na n'wina!

1 Vatesalonika 2:2

Hambiloko hi rhange hi xanisiwa ni ku rhuketeriwa le Filipiya, hilaha mi swi tivaka hakona, Xikwembu xa hina xi hi nyikile matimba yo mi tivisa Evhangeli leyi humaka eka xona, hambileswi lavo tala a va ri karhi va lwa na yona.

2 Vatesalonika 1:1

Mina Pawulo, na Silvano, na Timotiya, hi tsalela va kereke ya le Tesalonika, lava nga vanhu va Xikwembu Tata wa hina, ni va Hosi Yesu Kriste, hi ri:

2 Vatesalonika 1:10

Hi siku ra kona, loko Hosi yi tela ku ta dzunisiwa exikarhi ka vahlawuriwa va yona, ni ku voniwa hi vapfumeri hinkwavo, na n'wina mi ta va kona, hikuva vumbhoni lebyi mi byi kumeke eka hina, mi byi twisisile.

1 Timotiya 1:2

ndzi tsalela Timotiya, n'wananga wa xiviri eku pfumeleni, ndzi ri: Tintswalo, ni musa, ni ku rhula, a swi ve na wena, swi huma eka Xikwembu Tatana ni ka Kriste Yesu Hosi ya hina.

1 Timotiya 3:8

Vatirheli ekerekeni na vona va fanele ku va lava chavisekaka, va nga vi na milomo mimbirhi, va nga tinyiketi ebyalweni, va nga vi na makwanga yo lava ku vuyeriwa;

Tito 1:1

Mina Pawulo, nandza xa Xikwembu ni muapostola wa Kriste Yesu, ndzi rhumiwile ku seketela ku pfumela ka vanhu lava hlawuriweke hi Xikwembu, ni ku va pfuna ku tiva ntiyiso lowu dyondzisiwaka hi vukhongeri bya hina,

Tito 1:7

hikuva murhangeri ekerekeni ú fanele ku va munhu wo pfumala xisandzu, leswi a langutelaka ntirho wa Xikwembu. A nga tshuki a va munhu la titivaka ngopfu, kumbe munhu wa ximbilwa-mbilwana. A nga vi xidakwa, kumbe munhu wa tinyimpi, kumbe wa makwanga;

Filemoni 1:1

Mina Pawulo, mubohiwa hikwalaho ka Kriste Yesu, na Timotiya makwerhu, hi tsalela wena Filemoni mutirhi-kulorhi la rhandzekaka,

Vaheveru 13:23

Mi fanele ku twisisa leswaku Timotiya makwa wa hina ú ntshunxiwile ekhotsweni; loko a hatla a fika, ndzi ta ta mi vona ndzi ri na yena.

Yakobo 1:1

Mina Yakobo, nandza wa Xikwembu ni wa Hosi Yesu Kriste, ndzi tsalela tinyimba ta 12, va nga vakriste lava hangalakeke hinkwako ematikweni, ndzi ri: Xewani!

1 Petro 2:25

Khale, a mi pepetseka ku fana ni tinyimpfu, kambe sweswi mi vuyile eka murisi ni mulanguteri wa mimoya ya n'wina.

2 Petro 1:1

Mina Simoni Petro, nandza ni muapostola wa Yesu Kriste, ndzi tsalela lava nyikiweke ku pfumela loku ringanaka hi xiyimo ni ku pfumela ka hina, hi ku lulama ka loyi a nga Xikwembu ni muponisi wa hina Yesu Kriste, ndzi ri:

Yuda 1:1

Mina Yuda, nandza wa Yesu Kriste ni makwavo wa Yakobo, ndzi tsalela lava Xikwembu Tatana xi va vitaneke, lava hanyaka erirhandzwini ra xona, va ri karhi va hlayisiwa hi Yesu Kriste, ndzi ri:

Nhlavutelo 1:1

Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

Nhlavutelo 1:20

Xihundla xa tinyeleti leti ta 7 leti u ti voneke evokweni ra mina, ni xihundla xa switlhoma-timboni swa 7 swa nsuku, hi lexi: Tinyeleti ta 7 i tintsumi ta tikereke ta 7, kutani switlhoma-timboni swa 7 i tikereke ta kona ta 7.”

Nhlavutelo 19:10

Kutani ndzi nkhinsama ni ku korhama emilengeni ya yena ku ta yi gandzela, kambe yi ku ka mina: “U nga tshuki u endla sweswo, mina ndzi nandza ntsena, kukota wena ni vamakwenu lava hlayisaka vumbhoni lebyi humesiweke hi Yesu. Gandzela Xikwembu!” Vumbhoni lebyi humesiweke hi Yesu, hi wona mongo wa vuhlavuteli.

Nhlavutelo 2:12

“Tsalela ni ntsumi ya kereke ya le Pergamo, u ku: “ ‘Marito ya loyi a nga ni tlhari leri lotiweke hi matlhelo mambirhi, hi lawa:

Nhlavutelo 2:8

“Tsalela ni ntsumi ya kereke ya le Smirna, u ku: “ ‘Marito ya loyi a nga wo rhanga ni wo hetelela, loyi a feke a tlhela a pfuka, hi lawa:

Nhlavutelo 22:9

Kambe yi ku ka mina: “U nga tshuki u endla sweswo! Mina ndzi nandza ntsena, kukota wena ni vamakwenu, va nga vaprofeta ni hinkwavo lava hlayisaka marito ya buku leyi. Gandzela Xikwembu!”