Tito 3:2 - BIBELE Mahungu Lamanene

² va nga tshuki va onha van'wana emavito, kambe va va lavo rhula, va va ni vuxaka, masiku hinkwawo va va ni musa eka vanhu hinkwavo.

Testamente Leyimpsha Xichangana

² vangatshuki vavulavula svobiha hi van'wana, kambe vava lavorhula, vava ni vuxaka masiku hinkwawu, vava ni musa ni vanhu hinkwavu.

Xitsonga (Bibele)

² va nga tshuki va lumbeta munhu, va tshika timholovo, va tikhoma, va kombisa ku olova hinkwako eka vanhu hinkwavo.

Tito 3:2 Iomraidhean Croise

2 SAMIELE 22:36

We HOSI, u ndzi tamerisa xitlhangu, ku nga ku ponisa ka wena; wa ndzi kurisa, loko u ndzi hlamula.

Pisalema 140:11

Lava hembelaka van'wana, a va herisiwe etikweni, vanhu va tihanyi a va hatlise va wela ekhombyeni.

Swivuriso 19:19

Munhu wa ximbilwa-mbilwana, ú fanele ku riha milandzu ya yena hi yexe, hikuva loko u n'wi pfuna, wa n'wi vanga.

Swivuriso 25:24

Ku tshama elwangwini ra yindlu, swa antswa, ku ri na ku tshama endzeni ka yona, ni nsati wo kariha.

Swivuriso 6:19

ni mbhoni leyi vulavulaka mavunwa ntsena, ni munhu la byalaka rivengo exikarhi ka vamakwavo.

Esaya 40:11

Ú fana ni murisi loyi a byiselaka ntlhambi wa yena emadyelweni; ú ta hlengeleta swinyimpfana, a swi tlakula, vamana wa swona, ú ta va byisa khwatsi.

Matewu 11:29

Rhwalani joko ra mina, mi dyondza ka mina, hikuva ndzi ni mbilu yo rhula ni ya tintswalo; kutani mimoya ya n'wina yi ta kuma ku wisa;

Timhaka 23:5

Pawulo a ku: “Vamakwerhu, a ndzi nga swi tivi leswaku i Muprista lonkulu, hikuva ku tsariwile leswaku: ‘U nga tshuki u sandza hosi ya tiko ra rikwenu.’ ”

1 Vakorinto 6:10

ni vayivi, ni va makwanga, ni swidakwa, ni varhukani, ni vaxisi, va nga ka va nga dyi ndzhaka ya Mfumo wa Xikwembu.

1 Vakorinto 9:19

Hambiloko ndzi nga ri hlonga ra munhu ni un'we, ndzi tiendlile hlonga ra hinkwavo, leswaku ndzi ta kota ku koka lavo tala exikarhi ka vona.

2 Vakorinto 10:1

Sweswi ke, ndzi mi khongotela hi musa ni vunene bya Kriste, mina Pawulo loyi mi nge ndza soleka loko ndzi ri exikarhi ka n'wina, kasi loko ndzi ri kule na n'wina mi ri ndzi nhenha!

2 Vakorinto 12:20

Ndzi chava leswaku, loko ndzi ta, ndzi ta mi kuma mi nga ha fani na leswi ndzi swi lavisaka swona, ni leswaku na mina, mi ta ndzi kuma ndzi nga ha fani na leswi mi swi lavisaka swona. Ndzi chava leswaku loko ndzi ta, ndzi ta kuma timholovo, ni mavondzo, ni vuntswaka, ni ku tirhandza, ni ku rhuketelana, ni mahlevo, ni ku tikukumuxa, ni madzolonga.

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Vagalatiya 6:1

Vamakwerhu, naloko un'wana a kumiwa a ri karhi a endla xihoxo, n'wina lava mi nga va Moya, n'wi vuyiseni hi moya wa musa. Eka un'wana ni un'wana wa n'wina, ndzi ri, tivonele leswaku na wena u nga ringiwi.

Vagalatiya 6:10

Hikokwalaho, minkarhi hinkwayo loko swi koteka, a hi endleleni vanhu hinkwavo leswinene, ngopfu-ngopfu va ndyangu wa lava pfumeleke.

Vaefesa 4:2

Masiku hinkwawo, titsongahateni, mi va ni musa, mi lehisa mbilu; kombani rirhandzu ra n'wina hi ku yingiselana.

Vaefesa 4:31

Leswo bava hinkwaswo, ni ku hlundzuka hinkwako, ni ku kariha hinkwako, a swi susiwe exikarhi ka n'wina; tshikani ku holova ni ku rhuketelana, mi susa mona hinkwawo.

Vafilipiya 4:5

Vunene bya n'wina a byi tiviwe hi vanhu hinkwavo; Hosi yi le kusuhi.

1 Vatesalonika 2:7

hambileswi a hi ta va hi swi kotile ku mi tikisela hi swikombelo swa hina, hi mhaka ya ku va vaapostola va Kriste, hi hanyisene na n'wina hi moya wa musa, kukotisa manana la hlayisaka swinene vana va yena.

1 Timotiya 3:11

Hi mukhuva wolowo vavasati na vona a va chaviseke, va nga vi na rilumbeto, kambe va dya hi ku pima, va tshembeka eswilweni hinkwaswo.

1 Timotiya 3:3

A nga vi xidakwa, kumbe munhu wa tinyimpi, kambe a va lowo rhula, a nga vi na vuntswaka, naswona a nga vi loyi a rhandzaka ngopfu mali.

Yakobo 3:17

Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

Yakobo 4:11

Mi nga hlevani, vamakwerhu. Loyi a hlevaka makwavo, kumbe ku avanyisa makwavo, ú hleva ni ku avanyisa Nawu. Kutani loko munhu a avanyisa Nawu, a nga wu landzi, kambe i muavanyisi.

1 Petro 2:1

Hikokwalaho, tshikani lunya hinkwaro, ni vuxisi hinkwabyo, ni vukanganyisi, ni mavondzo, ni ku lumbeta hinkwako.

1 Petro 3:10

Hikuva, hilaha Matsalwa ma vulaka hakona, “Loyi a navelaka ku hanya vutomi lebyi tsakisaka, ni ku vona masiku lamanene, a a fume ririmi ra yena ri chava swo biha, ni nomo wa yena wu nga vulavuli mavunwa;

1 Petro 3:8

Eku heteleleni: N'wina hinkwenu mi fanele ku va ni moya wun'we, mi twelana vusiwana, mi va ni rirhandzu eka vamakwenu, mi va ni mbilu ya vumunhu ni miehleketo ya ku titsongahata.

1 Petro 4:4

Va hlamala loko va mi vona sweswi mi nga ha fambi na vona, evusopfeni lebyi bya ku tlurisa mpimo, kutani va mi sandza.

2 Petro 2:10

ngopfu-ngopfu lava landzaka swa ntumbuluko wa vona wa laha misaveni, va navela ku titsakisa hi swilo swa thyaka, va sandza ni vuhosi bya Xikwembu. Vanhu lava va titshemba ngopfu, naswona va titiva; a va chavi ku sandza swa le henhla leswi kwetsimeke.

Yuda 1:10

Kambe vanhu lava va sandza xihi na xihi lexi va nga xi twisisiki, kutani swilo leswi va swi tivaka hi ntumbuluko hilaha swiharhi swa nhova swi endlaka hakona, hi swona leswi va tilovisaka ha swona.

Yuda 1:8

Na vona vanhu lava, va hanyisa xisweswo: Va nyamisa miri wa vona hi milorho ya vona. A va na mhaka ni vuhosi bya Xikwembu, va sandza ni swivumbiwa leswo hlawuleka swa le tilweni.