Tito 2:2 - BIBELE Mahungu Lamanene

² Byela vavanuna lava kuleke leswaku va fanele ku dya va pima, va va ni ndzhuti, va kota ku tikhoma, va tiya swinene eku pfumeleni, ne rirhandzwini, ne ku chivirikeni.

Testamente Leyimpsha Xichangana

² Vavanuna lava vajuhaleke vafanela kutiva kutikhoma vava lava vaxiximekaka, vava ni kuyehleketa lokunene, vava ni rirhandzu ni kupfumela loku kuhanyaka ni kulehisa mbilu.

Xitsonga (Bibele)

² Vavanuna lava kuleke va fanele ku tikhoma, va chava ku hlekiwa, va ve ni ku anakanya loku lulameke eku pfumeleni, ni le rirhandzwini, ni le ku yingiseleni.

Tito 2:2 Iomraidhean Croise

Ntirho 12:12

vutlhari byi na lavo dyuhala, lava khale hi vona va twisisaka.’

Pisalema 92:14

Va ha veka mihandzu hambi va dyuhele, va ha tsakama, va tshama va tiyile.

Swivuriso 16:31

Timpfi i harhi yo dzuneka, leyi kumiwaka hi vanhu va mahanyelo lamanene.

Esaya 65:20

EYerusalema, swihlangi a swi nga ha fi, hambi va ri lavakulu, va ta hanya nkarhi wo leha; loyi a faka a ri ni malembe ya dzana, ú ta va a nga si kula; lava faka va nga si va ni malembe ya dzana, va ta va va rhuketeriwile.

Levhitika 19:32

“Mi fanele ku va ni xichavo eka lavakulu, mi va xixima, naswona mi chava Xikwembu xa n'wina: Hi mina HOSI.

Marka 5:15

Kuteloko va fikile eka Yesu, va vona loyi a a ngheniwile hi vandla ra mademona a tshamile, a ambele a ri munhu, kutani va chava ngopfu.

Luka 8:35

Kutani vona va huma, va ya vona leswi humeleleke. Loko va fika eka Yesu, va kuma munhu loyi mademona ma nga suka eka yena a tshamile emilengeni ya Yesu, a ambele, a ri munhu; kutani va chava ngopfu.

Timhaka 24:25

Kambe loko Pawulo a vulavula hi ta ku lulama, ni ta ku tikhoma, ni ta ku avanyisiwa loku nga ta ta, Felikisi a khomiwa hi ku chava, a hlamula, a ku: “Namuntlha, famba u ya tshama; siku ndzi kumaka nkarhi, ndzi ta tlhela ndzi ku vitana.”

Varhoma 12:3

Hikuva, hikwalaho ka tintswalo leti ndzi nga nyikiwa tona, ndzi byela un'wana ni un'wana wa n'wina, ndzi ku: Mi nga tshuki mi ehleketa leswaku mi tlula van'wana hi vukulu; kambe mi fanele ku titsongahata, mi ya hi mpimo wa ku pfumela lowu Xikwembu xi aveleke un'wana ni un'wana wa n'wina.

1 Vakorinto 15:34

Xalamukani swinene, mi tshika ku dyoha. Van'wana va n'wina a va tivi Xikwembu; ndzi vula leswi hi ku mi khomisa tingana.

1 Vakorinto 9:25

Hinkwavo lava phikisanaka emintlangwini, va tikhoma hi matlhelo hinkwawo. Va endla sweswo leswaku va ta kuma harhi leyi onhekaka; kambe hina hi lava leyi nga onhakiki.

2 Vakorinto 5:13

Loko hi hlanganile nhloko, hi endlela ku tirhela Xikwembu; loko hi ri vanene enhlokweni, hi endlela ku tirhela n'wina.

Vagalatiya 5:23

ni musa, ni ku tikhoma. Ku hava nawu lowu lwaka ni leswo tano.

Vafilipiya 4:8

Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

1 Vatesalonika 5:6

Hikokwalaho hi nga tshuki hi etlela kukota leswi van'wana va endlisaka swona, kambe a hi hitekeni, hi tikhoma.

1 Vatesalonika 5:8

Kambe leswi hina hi nga va nhlekanhi, a hi tikhomeni, hi ambala ku pfumela ni rirhandzu xi va xisirhelelo xa hina exifuveni, kutani enhlokweni hi ambala ku langutela ka ku ponisiwa, xi va xihuku xa hina.

1 Timotiya 1:10

ni vaoswi, ni vavanuna lava endlaka swa tingana ni vavanuna-kulobye, ni lava yivaka vanhu, ni vahembi, ni va milomo mimbirhi, ni lava endlaka hinkwaswo leswi hambaneke ni dyondzo leyi nga yona ya xiviri.

1 Timotiya 1:14

Kambe tintswalo ta Hosi ya hina ti ndzi talele, swin'we ni ku pfumela ni rirhandzu, swi nga leswi nga eka Kriste Yesu.

1 Timotiya 1:2

ndzi tsalela Timotiya, n'wananga wa xiviri eku pfumeleni, ndzi ri: Tintswalo, ni musa, ni ku rhula, a swi ve na wena, swi huma eka Xikwembu Tatana ni ka Kriste Yesu Hosi ya hina.

1 Timotiya 1:5

Kasi, laha xitsundzuxo xa hina xi kongomeke kona, i ku pfuxa rirhandzu leri humaka embilwini leyo tenga ni le ripfalweni lerinene, ni le ku pfumeleni ka xiviri.

1 Timotiya 3:11

Hi mukhuva wolowo vavasati na vona a va chaviseke, va nga vi na rilumbeto, kambe va dya hi ku pima, va tshembeka eswilweni hinkwaswo.

1 Timotiya 3:2

Hikokwalaho, mufambisi ú fanele ku va munhu la nga riki na xisandzu, a teka nsati un'we ntsena, a dya hi ku pima, a tikhoma, a chaviseka, a tsakela vaendzi, a kota ku dyondzisa.

1 Timotiya 3:4

Ú fanela ku fambisa ndyangu wa yena swinene, a vona leswaku vana va yena va dyondzisiwa ku yingisa, va va ni xichavo hi matlhelo hinkwawo.

1 Timotiya 3:8

Vatirheli ekerekeni na vona va fanele ku va lava chavisekaka, va nga vi na milomo mimbirhi, va nga tinyiketi ebyalweni, va nga vi na makwanga yo lava ku vuyeriwa;

1 Timotiya 5:1

U nga holoveli munhu nkulukumba, kambe n'wi khongotele tanihi tata wa wena; vavanuna lavantshwa u fanele ku va khoma tanihi vamakwenu va xinuna.

Tito 1:13

Kunene leswi a swi vuleke swi tiyile. Hikokwalaho wena u fanele ku va tshinya hi matimba, leswaku va ta va ni ku pfumela loku hanyaka,

Tito 1:8

kambe ú fanele ku va munhu la tsakelaka ku amukela vaendzi, la rhandzaka swilo leswinene, la tikhomaka, la lulameke, la hlawulekeke, la kotaka ku fuma mahanyelo ya yena;

Tito 2:7

A ku rhange wena u va xikombiso xa mintirho leyinene hi matlhelo hinkwawo. Ku dyondzisa ka wena a ku ve loku humaka embilwini, u va ni ndzhuti;

Filemoni 1:9

ndzi hlawula ku ku kombela hi ndlela ya rirhandzu, mina Pawulo ndzi nga munhu la dyuhaleke, kambe naswona ndzi nga mubohiwa sweswi, hikwalaho ka Kriste Yesu.

1 Petro 1:13

Hikokwalaho, pfukani emiehleketweni! Tikhomeni! Vekani ku tshemba ka n'wina hinkwako ehenhla ka tintswalo leti mi nga ta kombiwa tona, siku Yesu Kriste a nga ta humelela.

1 Petro 4:7

Ku hela ka swilo hinkwaswo ku le kusuhi. Hikokwalaho, tlharihani mi tikhoma, mi ta kota ku khongela.

1 Petro 5:8

Tikhomeni mi hiteka. Nala wa n'wina a nga Diyavulosi, wa rhendzeleka-rhendzeleka ku fana ni nghala leyi bongaka, yi lava loyi yi nga n'wi dyaka.

2 Petro 1:6

mi seketela vutivi hi ku tikhoma, ni ku tikhoma hi ku tiyisela, ni ku tiyisela hi vukhongeri,