Tito 1:6 - BIBELE Mahungu Lamanene

⁶ Nkulukumba ú fanele ku va munhu la nga riki na xisandzu, a va ni nsati un'we ntsena; vana va yena va fanele ku va vapfumeri, lava nga soriwiki hikwalaho ka mahanyelo ya vona ya vusopfa, ni ku tiarisa ka vona,

Testamente Leyimpsha Xichangana

⁶ Mukulukumba afanela kuva munhu lweyi angaliki na xisandzu, anga ni nsati mun'we ntsena; vana va yena vafanela kuva vapfumeli, lavangasoliwiki hikolaho ka mahanyela ya vona ya mpfilumpfilu, ni kutiyalisa ka vona,

Xitsonga (Bibele)

⁶ loko u kuma munhu la nga riki na xisandzu, a ri nuna wa nsati, un'we, la nga ni vana lava pfumeleke, lava nga soriwiki hikwalaho ka mikhuva leyo biha, kumbe lava nga yingisiki.

Tito 1:6 Iomraidhean Croise

Genesa 18:19

Ndzi n'wi hlawurile leswaku a letela vana va yena ni va ka vona hinkwavo lava nga ta velekiwa leswaku va famba etindleleni ta mina HOSI, va endla leswinene, swo lulama, kutani mina HOSI ndzi ta endlela Abrahama hinkwaswo leswi ndzi n'wi tshembiseke swona.”

Swivuriso 28:7

N'wana la hlayisaka nawu, ú tlharihile, kasi loyi a tolovelaneke ni lava makolo, ú khomisa tata wa yena tingana.

Ezekiele 44:22

Loko muprista a lava ku teka nsati, a nga tshuki a hlawula loyi a feriweke kumbe loyi a tshikiweke hi nuna; muprista ú fanele ku teka wanhwana wa rixaka ra Israele, kumbe a teka wansati loyi a feriweke hi nuna loyi a a ri muprista na yena.

Levhitika 21:14

A nga tshuki a teka noni, kumbe wansati loyi a tshikaneke ni nuna, kumbe loyi a tshamaka a tivana ni wanuna, kumbe nghwavava. Ú fanele ku teka wansati wa rixaka ra ka vona loyi a nga si tshamaka a tivana ni wanuna.

Levhitika 21:7

Loko va teka, va nga tshuki va ya lava nghwavava, kumbe loyi a nga tshama a tivana ni wanuna, kumbe wansati loyi a tshikaneke ni nuna, hikuva muprista ú hlawuleriwe ku tirhela mina Xikwembu xa yena.

Malakiya 2:15

Xana Xikwembu a xi mi hlanganisanga, mi va miri wun'we ni moya wun'we xana? Kutani leswi mi endliweke miri wun'we, xana mi lava yini, loko ku nga ri ku nyikiwa vana hi Xikwembu xana? Hikokwalaho wena tivonele, u tshembeka eka nsati loyi u n'wi tekeke wa ha ri jaha.

Luka 1:5

Hi masiku ya ku fuma ka Heroda hosi ya Yudiya, a ku ri ni muprista loyi vito ra yena a va ku i Zakariya, wa ntlawa wa Abiya; nsati wa yena a a ri wa rixaka ra va ka Aroni, vito ra yena a a ri Elizabeta.

Vaefesa 5:18

Mi nga nwi vhinyo yi mi pyopya, hikuva swi vanga vundendele, kambe ematshan'wini ya sweswo mi tala Moya.

1 Vatesalonika 5:14

Kutani ha mi khongotela vamakwerhu, hi ri: Layani malolo, mi tiyisa lava helaka ntamu; pfunani lava tsaneke, mi lehisela hinkwavo timbilu.

1 Timotiya 1:9

a ri karhi a twisisa leswaku milawu a yi vekeriwanga lava lulameke, kambe yi vekeriwile lavo homboloka ni lava tiarisaka; yi endleriwile lava nga chaviki Xikwembu, ni lava dyohaka, ni lava nga khongeriki, ni lava sandzaka leswo hlawuleka, ni lava dlayaka vatata wa vona kumbe vamana wa vona; milawu leyi yi avanyisa swigevenga,

1 Timotiya 3:12

Vatirheli ekerekeni a va teke nsati un'we ntsena, kutani va fambisa vana va vona ni ndyangu wa vona swinene.

Tito 1:10

Hikuva va tele lava tiarisaka, ni ku xisa van'wana hi ku vulavula ka vona ka hava, ngopfu-ngopfu exikarhi ka vapfumeri lava humaka eXiyudeni.

1 SAMIELE 2:11

Kutani Elkana a tlhelela ekaya emutini wa Rhama. Kambe mufana Samiele a sala a tirhela HOSI Xikwembu, emahlweni ka muprista Heli.

1 SAMIELE 2:22

Enkarhini wolowo, Heli a a dyuharile ngopfu; kutani a twa hinkwaswo leswi vana va yena va karhatisaka xiswona Vaisraele hinkwavo, ni leswaku va etlela ni vavasati lava tirhaka enyangweni ya Ntsonga lowo Hlawuleka.