Tito 1:5 - BIBELE Mahungu Lamanene

⁵ Mhaka leyi endleke leswaku ndzi ku siya le Kreta, hileswaku u sala u hetisa swilo leswi swa ha lavaka ku lulamisiwa, naswona u veka vakulukumba va kereke emutini wun'wana ni wun'wana. Tsundzuka leswi ndzi ku leriseke swona:

Testamente Leyimpsha Xichangana

⁵ Mhaka leyiyendleke lesvaku nikusiya le Kreta, aniyendlela lesvaku usala uhetisa lesvi asvahalava kululamisiwa, nasvona uhlawula vakulukumba va kereke doropeni rin'wana ni rin'wana. Tsundzuka lesvi nikuleriseke svona:

Xitsonga (Bibele)

⁵ Mhaka leyi ndzi ku siyeleke yona eKreta, hileswaku u hetisela ku lunghisa timhaka leti nga siki lunghisiwaka, u veka vakulukumba emutini wun'wana ni wun'wana, hilaha ndzi ku leriseke hakona;

Tito 1:5 Iomraidhean Croise

1 TIKRONIKA 6:32

A va hamba va yimbelela emahlweni ka Ntsonga lowo Hlawuleka, ku kondza Solomoni a aka Tempele le Yerusalema; a va endla ntirho wa vona hi nawu wa kona.

Eklesiasta 12:9

Mudyondzisi a a tlharihile, a kota ni ku dyondzisa vanhu swa vutlhari. A a kambisisa swivuriso, a swi dyondza hi vukheta, a tiva ni ku swi longoloxa.

Esaya 44:7

Xana ú kona loyi a fanaka na mina xana? A a suke a yima, a tikomba. A a vulavule, a andlala vumbhoni emahlweni ka mina. Xana i vamani lava nga tshama va vhumbha leswi nga ta humelela, xana? A va hi byele leswi swa ha taka.

Levhitika 14:42

Kutani ku ta laviwa maribye man'wana, ma ta siva lama susiweke ekhumbini; khumbi na rona ri fanele ku tlhela ri phamiwa hi vuntshwa.

Timhaka 11:30

Kunene va endlisa sweswo, kutani va rhumela tinyiko ta kona eka vakulukumba, ti famba na Barnaba na Sawulo.

Timhaka 14:23

Va va hlawulela vakulukumba ekerekeni yin'wana ni yin'wana; kutani, hi ku khongela ni ku titsona swakudya, va va veka emavokweni ya Hosi leyi a va pfumerile ka yona.

Timhaka 2:11

Van'wana i Vayuda, van'wana i vamatiko lava amukeriweke eXiyudeni; van'wana va hina hi Vakreta ni Maarabiya; kambe hinkwerhu hi va twa va vula mintirho leyikulu ya Xikwembu hi tindzimi ta ka hina!”

Timhaka 27:12

Leswi hlaluko leri a ri nga lulamelanga ku heta vuxika eka rona, lavo tala va hina va anakanya ku suka kona ni ku ringeta ku ya xwa vuxika le Fenikisi, ri nga hlaluko ra Kreta, leri langutanaka ni vupeladyambu bya dzonga ni vupeladyambu bya n'walungu.

Timhaka 27:13

Kuteloko mheho ya le dzongeni yi sungurile ku hunga khwatsi, va anakanya leswaku makungu ya vona ma ta endlakala, kutani va suka, va lulama ni ribuwu ra Kreta.

Timhaka 27:21

Leswi a ku ri khale va nga dyanga nchumu, Pawulo a yima exikarhi ka vona, a ku: “Loko onge mi ndzi yingisile, vavanuna, mi nga sukanga eKreta, ingi mhangu leyi ni ku lahleka loku swi nga humelelanga.

Timhaka 27:7

Hi masiku layo tala hi famba hi ku nonoka, kutani swi hi nonon'hwela swinene ku fika kusuhi na Kinida; leswi mheho a yi hi sivela ku ya emahlweni etlhelweni rero, hi tingawuka xihlale xa Kreta hi le hansi, hi tlhelo ra Salmona.

1 Vakorinto 11:34

loko un'wana a ri ni ndlala, a a dye kaya, leswaku ku hlengeletana ka n'wina ku nga mi yisi eku avanyisiweni. Loko ti ri timhaka tin'wana, ndzi ta mi letela tona loko ndzi tile.

1 Vakorinto 14:40

Ntsena hinkwaswo a swi endliwe hi mukhuva lowo saseka, hi nawu wa kona.

1 Vakorinto 4:17

Hi swona leswi endlaka leswaku ndzi mi rhumela Timotiya, n'wana wa mina la rhandzekaka, la tshembekeke eHosini; ú ta mi tsundzuxa mahanyele ya mina eka Kriste Yesu, hilaha ndzi ma dyondzisaka hakona hinkwako, ekerekeni yin'wana ni yin'wana.

Vakolosa 2:5

Hikuva hambi ndzi nga ri kona hi miri, hi moya ndzi na n'wina, ndzi ri karhi ndzi tsakela ku vona mahanyelo ya n'wina layo lulama, ni ku tiya ka n'wina eku pfumeleni ka n'wina eka Kriste.

1 Timotiya 1:3

Loko ndza ha ya le Makedoniya, ndzi ku khongoterile ku tshama le Efesa; nasweswi ndza ha vula sweswo, hikuva ku ni van'wana le Efesa lava dyondzisaka mavunwa; va byele ku ma tshika,

2 Timotiya 2:2

Kutani leswi u swi tweke eka mina emahlweni ka timbhoni leto tala, swi hundzisele eka vanhu lavo tshembeka, lava na vona va nga ta kota ku dyondzisa van'wana.

Tito 1:12

Ku ni Mukreta, un'wana wa vaprofeta va vona, la nga tshama a ku: “Vakreta i vanhu va mavunwa masiku hinkwawo; i swiharhi leswo biha, ni malolo lama nga ni makolo.”