Timhaka 2:3 - BIBELE Mahungu Lamanene

³ Kutani va vona leswi fanaka ni malangavi ya ndzilo, swi avana, swi tshama ehenhla ka un'wana ni un'wana wa vona.

Testamente Leyimpsha Xichangana

³ Kutani vavona lesvifanaka ni malangavi ya ndzilo, sviyavana, svitshama henhla ka mun'wana ni mun'wana wa vona.

Xitsonga (Bibele)

³ Kutani tindzimi leti avanaka, ti fana ni malangavi ya ndzilo, ti va humelela, ti tshama ehenhla ka un'wana ni un'wana wa vona.

Timhaka 2:3 Iomraidhean Croise

Matewu 3:11

Loko ndzi ri mina, ndzi mi khuvula hi mati hi ku ya hi ku hundzuka ka n'wina, kambe loyi a taka endzhaku ka mina, wa ndzi tlula hi matimba; a swi ndzi fanelanga ku n'wi hluvula tintanghu; hi yena la nga ta mi khuvula hi Moya lowo Kwetsima ni ndzilo.

Yeremiya 23:29

Rito ra mina ri hisa ku fana ni ndzilo, ri ni matimba kukota nyundzu leyi fayaka maribye.

Timhaka 2:4

Hinkwavo va tala hi Moya lowo Kwetsima, kutani va sungula ku vulavula hi tindzimi tin'wana, hilaha Moya wu nga va nyika ku vulavula hakona.

Luka 24:32

Kutani va byelana, va ku: “Hikwalaho ka yini timbilu ta hina ti nga pfurhanga endzeni ka hina, loko a vulavula na hina endleleni, a hi pfuletela Matsalwa xana?”

Genesa 11:6

kutani HOSI Xikwembu xi ku: “Vanhu lava i van'we, naswona va vulavula ririmi rin'we; kutani lawa mo va masungulo ya leswi va nga ta swi endla. Xin'wana ni xin'wana lexi va nga ta lava ku xi endla, xi nge va tsandzi.

Nhlavutelo 14:6

Kutani ndzi vona ntsumi yin'wana yi ri karhi yi haha ehenhla mapapeni, yi ri ni Evhangeli leyi nga heriki, leswaku yi ta yi twarisa eka lava akeke emisaveni, eka vanhu va matiko hinkwawo, ni va tinxaka hinkwato, ni va tindzimi hinkwato, ni va swivongo hinkwaswo.

1 Vakorinto 12:10

un'wana ú nyikiwa matimba yo endla mahlori, un'wana matimba yo vula Rito; un'wana ú kota ku vona ku hambana exikarhi ka mimoya; un'wana ú nyikiwa ku vulavula hi tindzimi leti nga tiviwiki ta tinxaka-xaka, un'wana matimba yo hlamusela tindzimi leti.

Timhaka 2:11

Van'wana i Vayuda, van'wana i vamatiko lava amukeriweke eXiyudeni; van'wana va hina hi Vakreta ni Maarabiya; kambe hinkwerhu hi va twa va vula mintirho leyikulu ya Xikwembu hi tindzimi ta ka hina!”

Matewu 3:15

Yesu a n'wi hlamula, a ku: “Ndzi pfumelele sweswi, hikuva swa fanela leswaku hi hetisisa leswo lulama hinkwaswo hi ndlela leyi.” Kutani Yohane a n'wi pfumelela.

Nhlavutelo 11:3

Ndzi ta nyika timbhoni ta mina timbirhi ematimba yo vula Rito hi masiku lawa ya 1 260, ti ambele tinguvu leto khwaxa.”

Yakobo 3:6

Ririmi i ndzilo, ku homboloka ka rona ku ringana ni tiko hi vukulu. Ri le xikarhi ka swirho swa hina, kutani ri nyamisa miri hinkwawo, ri chela mpfundze evutomini hinkwabyo bya vanhu; ndzilo wa kona wu huma eTiheleni.

Esaya 6:5

Kutani ndzi ku: “Yo, ndzi lovile, mina munhu wa milomo ya thyaka la tshamaka ni vanhu va milomo ya thyaka, hikuva ndzi vonile Hosi, xona Xikwembu xa matimba hinkwawo!”

Pisalema 55:9

We N'wini wanga, pfilunganya ku vulavula ka vona, leswaku va nga ha twanani!

Timhaka 1:15

Hi masiku walawo, Petro a yima enhlengeletanweni ya vamakwavo eHosini (lava nhlayo ya vona a yi lava ku va 120), kutani a ku:

Timhaka 2:2

Kutani hi nomu lo, ku twakala mpfumawulo lowu humaka etilweni, wu fana ni ku hunga ka xidzedze, wu tata yindlu hinkwayo leyi a va tshamile ka yona.