Swivuriso 7:3 - BIBELE Mahungu Lamanene

³ swi bohe etintihweni ta wena, u swi fihla emakorhweni ya mbilu ya wena.

Xitsonga (Bibele)

³ U yi tsondzela etintihweni ta wena, U yi tsala eribyeni ra mbilu ya wena.

Swivuriso 7:3 Iomraidhean Croise

Swivuriso 3:3

Namarhela tintswalo ni ku tshembeka; swi bohelele enhan'wini, u swi fihla endzeni ka mbilu ya wena.

Swivuriso 4:21

u nga swi tshiki swi wela ehansi, swi hlayise embilini ya wena,

Swivuriso 6:21

swi hlayise embilwini ya wena swi tshama kona minkarhi hinkwayo, u swi boha enhan'wini ya wena.

Swivuriso 7:4

Byela vutlhari, u ku: “Hi wena makwerhu!” Ku twisisa kona, ku vule “munghana wa wena”.

Esaya 30:8

HOSI Xikwembu xi ku ka mina: “Teka ribye ra xiphepherhele, u tsala swilo leswi emahlweni ka vanhu lava, u swi tsala ni le bukwini, leswaku byi ta va vumbhoni hilaha ku nga heriki.

Esaya 59:21

“Ntwanano wa mina na n'wina hi lowu: Moya wa mina lowu ndzi mi nyikeke wona, ni marito lawa ndzi ma vekeke emilon'weni ya n'wina, swi nga ka swi nga ha suki eka n'wina, ni le ka vana va n'wina, ni le ka vatukulu va n'wina; swi ta va tano ku sukela namuntlha ni hilaha ku nga heriki. Ndzi vula sweswo, mina HOSI!”

Yeremiya 17:1

HOSI Xikwembu xi ri: “Swidyoho swa va ka Yuda swi tsariwile etimbilwini ta vona ni le timhondzweni ta tialitari ta vona, ku fana ni loko marito ma tsariwa eribyeni ra xiphepherhele hi peni yo nonon'hwa ya nsimbhi kumbe ya dayimani.

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

2 Vakorinto 3:3

Swa vonaka swinene leswaku n'wina mi papila ra Kriste, leri humesiweke hi hina, leri tsariweke ku nga ri hi inki kambe hi Moya wa Xikwembu lexi hanyaka; a ri tsariwanga ematambheni ya maribye, kambe ri tsariwile etimbilwini ta vanhu.