Swivuriso 3:9 - BIBELE Mahungu Lamanene

⁹ Nkhensa HOSI Xikwembu hi leswi u nga na swona, u xi humesela ni leswi u nga ta rhanga u swi tshovela emasin'wini hinkwawo ya wena,

Xitsonga (Bibele)

⁹ Dzunisa Yehovha hi rifuwo ra wena, Ni swirhangana swa hinkwaswo leswi ku taleleke:

Swivuriso 3:9 Iomraidhean Croise

Genesa 28:22

Ribye leri ra xitsundzuxo leri ndzi ri yimiseke, ri ta va yona yindlu ya wena Xikwembu. Eka hinkwaswo leswi u nga ta ndzi nyika swona, ndzi ta ku humesela vukhume bya swona.”

2 TIKRONIKA 31:10

kutani Muprista Lonkulu Azariya wa ka Sadoki a hlamula hosi a ku: “Ndhabezitha, himpfhuka xa loko Vaisraele va sungurile ku humesa mihlengo ya vona va yi tisa haleno Tempeleni, ha dya hi xurha, swin'wana swi sala. HOSI Xikwembu xi katekisile mavoko ya vanhu va xona, kutani swilo swo tala leswi mi swi vonaka, hi leswi nga sala loko hi pamburile swa hina.”

2 TIKRONIKA 31:21

Ú tinyiketile hi mbilu ya yena hinkwayo ku fambisa mintirho ya vukhongeri eTempeleni, a ri karhi a lava Xikwembu, a hlayisa milawu ya xona ni swileriso swa xona, kutani a kateka swinene.

Pisalema 144:13

Switlati swa hina a swi tlhemuke hi swakudya swa tinxaka-xaka. Tinyimpfu ta hina ni timbuti ta hina a ti andze emadyelweni hi madzana-dzana,

Eksoda 22:29

“Mi nga tshuki mi hlwela ku humesa nhlengo wa ntshovelo wa n'wina wa mavele ni wa vhinyo ni mafurha. “Vana va n'wina va xinuna va mativula, mi fanele ku ndzi nyiketa vona.

Eksoda 23:16

Mi ta endla Nkhuvo wa Ntshovelo, mi humesa mihandzu yo sungula ya nyuku wa n'wina eka leswi mi swi byaleke emasin'wini. Eku heleni ka nkarhi wa ntshovelo, mi ta endla Nkhuvo wo Hlengeleta, mi hlengeleta swa nyuku wa n'wina leswi mi swi tshoveleke emasin'wini.

Eksoda 23:19

“Leswi mi nga ta rhanga mi swi tshovela emasin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.

Eksoda 34:26

“Leswi mi nga ta rhanga mi swi tshovela eka ntshovelo wo sungula wa le masin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.”

Swivuriso 11:25

Munhu wo hanana ú ta dya a xurha, ni loyi a nyikaka van'wana mati, na yena ú ta nyikiwa.

Swivuriso 14:31

Loyi a xanisaka xisiwana, ú le ku rhuketeleni ka Mutumbuluxi wa xona, kasi loyi a nga ni tintswalo eka vapfumari, ú dzunisa Muvumbi.

Esaya 43:23

Tinyimpfu ta magandzelo lama hisiwaka, a mi tanga na tona, hambi ma ri magandzelo ya xinakulobye, a mi ndzi humeselanga wona. Mina a ndzi mi tikiselanga hi ku kombela magandzelo, naswona a ndzi mi karhatanga hi ku lava ku hiseriwa mirhi ya risuna.

Levhitika 19:25

Hi lembe ra vuntlhanu, mi nga sungula ku dya mihandzu ya mirhi ya n'wina, leswaku yi ta hamba yi tswala swinene: Hi mina HOSI, Xikwembu xa n'wina.

Tinhlayo 15:20

Eka swakudya leswi mi nga ta sungula hi swona ku kandza, mi ta ndzi humesela ximbhundzwa xin'we; ximbhundzwa lexi, mi ta ndzi humesela xona ku fana ni loko mi ndzi humesela leswi mi swi huleke exivuyeni.

Matewu 25:17

Na yena loyi a a nyikiwile titalenta timbirhi, a ya bindzula ha tona, kutani a kuma tin'wana timbirhi.

1 Vakorinto 16:2

Hi siku ro sungula ra vhiki, un'wana ni un'wana wa n'wina a a veke swin'wana hi tlhelo, eka leswi a swi bindzuriseke, leswaku nhlengo wu nga ha endliwi siku ndzi taka.

Duteronoma 14:29

Kutani leswi Valevhi va nga ta va va nga ri na nsimu kumbe ndzhaka exikarhi ka n'wina, va ta ta va ta dya va xurha, vona ni valuveri, ni lava pfumalaka vatswari, ni tinoni leti nga ta va ti ri emitini ya n'wina; kutani HOSI Xikwembu xa n'wina xi ta mi katekisa emintirhweni hinkwayo leyi mi nga ta yi tirha.