Swivuriso 3:6 - BIBELE Mahungu Lamanene

⁶ Eka hinkwaswo leswi u swi endlaka, tsundzuka HOSI Xikwembu, xi ta ku basisela tindlela.

Xitsonga (Bibele)

⁶ U n'wi nghenisa emakungwini ya wena hinkwawo, U ta lulamisa tindlela ta wena.

Swivuriso 3:6 Iomraidhean Croise

1 TIKRONIKA 28:9

“Na wena Solomoni n'wananga, amukela Xikwembu xa vatata wa wena, u xi tirhela hi mbilu ya wena hinkwayo, ni moya lowunene, hikuva HOSI Xikwembu xi kambela timbilu hinkwato, xi hatla xi vona makungu ni miehleketo ya munhu. Xi ta tsakela ku kumiwa hi wena loko u xi lava, kambe loko u xi fularhela, xi ta ku cukumetela makumu.

Ezra 7:27

A ku dzunisiwe HOSI Xikwembu xa vatatana lexi xi nyikeke hosi ya tiko miehleketo ya ku sasekisa yindlu ya xona le Yerusalema;

Nehemiya 1:11

We HOSI, ndzi kombela leswaku u rhiya ndleve u yingisa xikhongelo xa mina nandza wa wena, u yingisa ni xikhongelo xa malandza ya wena lawa ma tinyungubyisaka hi vito ra wena lero chaviseka. Ndzi kombela leswaku u ndzi katekisa mina nandza wa wena, u endla leswaku namuntlha hosi ya tiko yi ndzi komba tintswalo.” Enkarhini lowu, a ndzi ri mucheri wa vhinyo ya hosi.

Nehemiya 2:4

Kutani hosi yi ku: “Xana u lava leswaku ndzi ku endlela yini xana?” Hiloko ndzi khongela Xikwembu xa matilo.

Nehemiya 7:5

Kutani Xikwembu xi ndzi nyika miehleketo ya leswaku ndzi hlengeleta varhangeri ni tindhuna ni vanhu hinkwavo va ta tsariwa hi ku ya hi swivongo swa vona. Kutani ndzi kuma buku leyi ku tsariweke eka yona mavito ya lava va rhangeke va vuya hi le vukhumbini. Eka yona a ku tsariwile leswi:

Pisalema 32:8

HOSI Xikwembu xi ri: “Ndzi ta ku dyondzisa, ndzi ku komba ndlela leyi u fanelaka ku famba ha yona; ndzi ta ku letela, ndzi nga ka ndzi nga tshiki ku ku lwela.

Swivuriso 11:5

La nga riki na nandzu, ú basiseriwa ndlela hi ku lulama ka yena, kasi lowo homboloka ú wisiwa hi swiendlo swa yena.

Swivuriso 16:3

Loko u endla xilo, kombela HOSI Xikwembu xi ku pfuna, kutani makungu ya wena ma ta katekisiwa.

Swivuriso 16:9

Munhu a nga endla makungu ya lomu a yaka kona, kambe HOSI Xikwembu hi xona xi nga ta n'wi komba ndlela.

Swivuriso 23:17

Vadyohi, u nga va naveli, kambe minkarhi hinkwayo, chava HOSI Xikwembu,

Esaya 26:7

We HOSI, munhu wo lulama, u n'wi khulelela ndlela leyinene, budula leri a fambaka ha rona, ri basile.

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Esaya 45:13

Korexe ú hlohleteriwile hi mina leswaku a ta tirha leswo lulama, ndzi ta n'wi basisela tindlela hinkwato leti a nga ta famba ha tona; hi yena la nga ta pfuxa muti wa mina wa Yerusalema, a ntshunxa ni vanhu va mina evukhumbini; a nga tirheli ku hakeriwa kumbe ku nkhensiwa.” HOSI Xikwembu xa matimba hinkwawo xi vurisa sweswo.

Esaya 48:17

Mukutsuri wa n'wina, HOSI Xikwembu, Muhlawuleki wa Israele, ú vurisa sweswo, ú ri: “Hi mina HOSI Xikwembu xa n'wina, lexi xi mi dyondzisaka ku endla leswi swi nga ta mi vuyerisa, ndzi mi komba ni ndlela leyi mi fanelaka ku hanya ha yona.

Yeremiya 10:23

We HOSI, ndza swi tiva leswaku munhu a nga tifambisi, a hi yena la tihlawulelaka magoza ya yena endleleni ya vutomi bya yena.

Yeremiya 42:3

Kutani hi kombela leswaku HOSI Xikwembu xa wena xi hi komba ndlela leyi hi fanelaka ku famba ha yona, ni swilo leswi hi fanelaka ku swi endla.”

Tinhlayo 9:20

Nkarhi wun'wana papa a ri funengeta Ntsonga masiku ma nga ri mangani (Vaisraele a va tshama laha va goveke kona hi ku lerisiwa hi HOSI Xikwembu; va tlhela va suka hi ku lerisiwa hi xona).

1 Vakorinto 10:31

Nhlamulo hi leyi: Hambi ma dya, hambi ma nwa, hambi mi endla yini na yini, endlani hinkwaswo ku dzunisa Xikwembu.

2 Vakorinto 8:16

A ku nkhensiwe Xikwembu lexi endlaka leswaku Tito a hiseka ku fana na hina ku mi pfuna.

Vafilipiya 4:6

Mi nga vileli ha nchumu; kambe etimhakeni hinkwato, khongelani, mi tivisa Xikwembu leswi mi swi pfumalaka, mi kombela mi ri karhi mi nkhensa;

Vakolosa 3:17

Kutani xin'wana ni xin'wana lexi mi xi endlaka, hi ku vulavula kumbe hi ku tirha, xi endleni hi vito ra Hosi Yesu, mi ri karhi mi nkhensa Xikwembu Tatana ha yena.

Vakolosa 3:23

Xin'wana ni xin'wana lexi mi xi endlaka, xi endleni hi mbilu hinkwayo, onge hi loko mi tirhela Hosi, ku nga ri vanhu;

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

1 SAMIELE 30:8

Kwalaho Davhida a vutisa timhaka eka HOSI Xikwembu, a ku: “Xana ndzi nga wu landza ntlawa lowu wa swigevenga, xana? Ndzi ta va kuma xana?” Xikwembu xi hlamula xi ku: “Va landze; ndzi tiyisa leswaku u ta va kuma, u kutsula ni vakhomiwa!”