Swivuriso 2:5 - BIBELE Mahungu Lamanene

⁵ kutani u ta twisisa leswaku ku chava HOSI Xikwembu swi vula yini, u tlhela u xi tiva.

Xitsonga (Bibele)

⁵ Hilaha u nga ta twisisa ku chava ka Yehovha, U ta kuma ku tiva ka Xikwembu.

Swivuriso 2:5 Iomraidhean Croise

Ntirho 28:28

Kutani xi vulavula na vanhu xi ku: “Ku chava N'wini wa hinkwaswo, hi byona vutlhari; ku hambana ni leswo biha hi kona ku twisisa!”

Swivuriso 1:7

Masungulo ya vutivi i ku chava HOSI Xikwembu; lava alaka ku dyondzisiwa ni ku leteriwa i swiphukuphuku!

Swivuriso 28:7

N'wana la hlayisaka nawu, ú tlharihile, kasi loyi a tolovelaneke ni lava makolo, ú khomisa tata wa yena tingana.

Swivuriso 8:17

Ndzi rhandza lava va ndzi rhandzaka, lava fambaka va ndzi lava, va ndzi kuma.

Swivuriso 9:10

Masungulo ya vutlhari i ku chava HOSI Xikwembu, Muhlawuleki ú tiviwa hi loyi a twisisaka.

Esaya 33:6

N'wina va le Yerusalema, hi xona lexi nga ta mi tiyisa emasikwini ya ku hanya ka n'wina, xi ta mi ponisa minkarhi hinkwayo, xi mi nyika vutlhari ni vutivi, ku chava HOSI Xikwembu ri ta va rifuwo ra n'wina lerikulu.

Yeremiya 24:7

Ndzi ta va pfula miehleketo, kutani va ta tiva leswaku hi mina ndzi nga HOSI. Va ta va vanhu va mina, na mina ndzi va Xikwembu xa vona, hikuva va ta va va vuyele eka mina hi mbilu hinkwayo.

Yeremiya 31:34

A ku nga ha vi na loyi a dyondzisaka muakelani kumbe makwavo, a ku: ‘Tiva HOSI Xikwembu!’ hikuva vanhu hinkwavo va ta ndzi tiva, ku sukela eka lontsongo ku ya fika eka lonkulu. Ndzi ta va rivalela ku homboloka ka vona, swidyoho swa vona a ndzi nga ha swi tsundzuki; ndzi vula sweswo mina HOSI.”

Yeremiya 9:24

Loyi a lavaka ku tidzunisa, a a tidzunise hileswi a ndzi tivaka ni ku ndzi twisisa, hikuva laha misaveni mina HOSI ndzi tirha hi rirhandzu, ni ku lulama, ni ku tshembeka; mina HOSI ndzi ri, swilo leswi hi swona ndzi swi tsakelaka!”

Hosiya 6:3

A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

Matewu 11:27

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana, loko a nga ri Tatana; naswona a ku na loyi a tivaka Tatana, loko a nga ri N'wana, ni loyi N'wana a lavaka ku hlavutela Tatana eka yena.

Luka 10:22

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana leswaku i mani, loko a nga ri Tatana; naswona a ku na loyi a tivaka Tatana leswaku i mani, loko a nga ri N'wana, ni loyi N'wana a lavaka ku hlavutela Tatana eka yena.”

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.