Swivuriso 10:7 - BIBELE Mahungu Lamanene

⁷ Munhu wo lulama wa nkhensiwa, a nga rivariwi, kasi vito ra lowo homboloka ra bola.

Xitsonga (Bibele)

⁷ Ku tsundzukiwa ka la lulameke i ku kateka, Kambe vito ra lowo biha ri ta bola.

Swivuriso 10:7 Iomraidhean Croise

1 TIHOSI 11:36

Loko a ri n'wana loyi wa yena, ndzi ta n'wi nyika nyimba yin'we, leswaku rixaka ra nandza wa mina Davhida ri nga tshuki ri tekeriwa vuhosi eYerusalema emutini lowu ndzi wu hlawuleke ku hlayisela kona vito ra mina.

2 TIHOSI 19:34

hikuva ndzi ta lwela muti lowu ndzi wu lamulela, hi ku rhandza ka mina ni hikwalaho ka nandza wa mina Davhida.’ ”

2 TIKRONIKA 24:16

kutani va n'wi lahla emutini wa Davhida, emasirheni ya tihosi, hikuva a a pfunile ngopfu tiko ra Israele loko a ri karhi a tirhela Xikwembu ni yindlu ya xona.

2 TIKRONIKA 32:33

Hezekiya a tietlelela, kutani va n'wi lahla ni vakokwa wa yena emasirheni ya le henhla ya va ka Davhida. Vanhu hinkwavo va tiko ra Yuda ni vaaki va Yerusalema va n'wi rila. Kutani Manase n'wana wa yena a sala a fuma.

Ntirho 18:17

Etikweni a nga ha tivi hi munhu, vito ra yena ri nyamalala evanhwini.

Ntirho 24:20

va rivariwa hi vamana wa vona, swivungu swi va dya swi tiphina, ku hava loyi a va tsundzukaka. Hakunene vanhu lavo homboloka va tshoviwa ku fana ni rihunyi.

Ntirho 27:23

siku va fambaka, vanhu va phokotela mavoko hi ku tsaka, va ba minkulungwana emitini ya vona.”

Pisalema 109:13

na vona a va love hinkwavo, va hela va ku bì, xivongo xa ka vona xi hatla xi nyamalala.

Pisalema 109:15

Swidyoho leswi a swi tshame emahlweni ka HOSI Xikwembu, swi nga suki, kambe Xikwembu a xi suse xivongo xa ka vona emisaveni!

Pisalema 112:6

Munhu wo lulama a nga tsekatsekisiwi hi nchumu, vanhu a va nga n'wi rivali ni siku ni rin'we.

Pisalema 34:16

kambe xi lwa ni lava endlaka leswo biha, xi va herisa leswaku va nga ha tsundzukiwi laha misaveni.

Pisalema 34:17

Loko lavo lulama va kombela ku pfuniwa, HOSI Xikwembu xa va twa, xi va kutsula emaxangwini ya vona hinkwawo.

Pisalema 41:5

Valala va mina va luka mano va ku: “Xana ú ta fa rini munhu loyi, hi ta ka hi nga ha vulavuli hi yena!”

Swivuriso 22:1

Ku va ni vito lerinene, swi tlula ku va ni rifuwo lero tala, ku tsakeriwa, swi tlula silivhere ni nsuku.

Eklesiasta 8:10

Ndzi vonile lavo homboloka loko va lahliwa hi xichavo; kambe lava endleke leswo lulama, lava a va nghena ni ku huma eTempeleni, va rivariwile emutini. Na swona sweswo, a swi pfuni nchumu.

Esaya 14:22

HOSI ya matimba hinkwawo yi vurisa sweswo, yi ri: “Ndzi ta suka ndzi ya ba va le Babilona, ndzi herisa ndhuma ya vona ni masalela ya vona, ndzi dlaya vana ni swintukulwana swa vona. Ndzi vurisa sweso, mina HOSI.

Yeremiya 17:13

We HOSI, wena loyi Vaisraele va ku tshembaka, lava va ku tshikaka va ta nyuma hinkwavo; mavito ya lava va ku fularhelaka, ma ta tsariwa exivandleni xa vafi, hikuva va ku tshikile we HOSI, wena xihlovo xa mati lama khulakaka.

Marka 14:9

Ndzi tiyisile ndzi ri ka n'wina: Emisaveni hinkwayo laha Evhangeli leyi yi nga ta twarisiwa kona, leswi a nga swi endla swi ta vuriwa na swona, a anakanyiwa ha swona.”

Luka 1:48

hikuva ú langutile vusiwana bya mina nandza wa yena, kutani ku sukela sweswi, vanhu va minkarhi hinkwayo va ta ku, ndzi katekile.