Swivuriso 10:5 - BIBELE Mahungu Lamanene

⁵ N'wana wa miehleketo, ú huma a ya pfuna eku tshoveleni, kasi la salaka a etlele, ú nyumisa vatswari.

Xitsonga (Bibele)

⁵ La hlengeletaka hi xirimo i n'wana wo tlhariha, Kambe la etlelaka loko va tshovela i n'wana la khomisaka tingana.

Swivuriso 10:5 Iomraidhean Croise

Swivuriso 10:4

Ku tshama hi mavoko swi chela vusiwana, migingiriko yona ya fumisa.

Swivuriso 10:6

Minkateko yi wela lowo lulama, kambe ku vulavula ka lovo homboloka ku fihla tihanyi.

Swivuriso 12:4

Wansati wa migingiriko i harhi ya vuhosi enhlokweni ya nuna wa yena, kasi wansati loyi a khomisaka nuna wa yena tingana, ú fana ni vuvabyi lebyi borisaka marhambu.

Swivuriso 17:2

N'wana wa mahanyelo yo khomisa tingana, ú ta fumiwa hi nandza la tlhariheke, ndzhaka leyi a a ta avelana ni vamakwavo, yi ta kuma hi nandza wa kona.

Swivuriso 19:26

Munhu la xanisaka tata wa yena ni ku hlongola mana wa yena, i n'wana la nyumisaka ni ku khomisa tingana.

Swivuriso 27:25

loko byanyi byi herile, kutani byin'wana byi ri karhi byi hluka, yisa swifuwo swi ya dya entshaveni;

Swivuriso 30:25

I vusokoti lebyi nga tiyangiki, kambe hi ximumu byi tihlengeletela swakudya;

Swivuriso 6:6

Wena lolo, yana eka vusokoti, u xiyaxiya mahanyelo ya byona, u ta tlhariha.

Swivuriso 6:8

kambe hi ximumu byi hlengeleta swakudya swa byona, byi tivekela timbuva enkarhini wa ntshovelo.