Swivuriso 10:2 - BIBELE Mahungu Lamanene

² Xuma lexi kumiweke hi tindlela to homboloka a xi pfuni nchumu, kambe ku lulama swi ponisa vutomi bya munhu.

Xitsonga (Bibele)

² Rifuwo leri kumiwaka hi lavo biha a ri pfuni nchumu, Kambe ku lulama ku ponisa eku feni.

Swivuriso 10:2 Iomraidhean Croise

Swivuriso 11:4

Esikwini ra ku hlundzuka ka HOSI Xikwembu, rifuwo a ri pfuni nchumu, kambe ku lulama ku ponisa vutomi bya munhu.

Swivuriso 12:28

Lavo lulama va khoma ndlela ya vutomi, kasi ndlela ya lavo homboloka yi yisa eku loveni.

Swivuriso 13:11

Rifuwo leri kumiwaka hi siku rin'we, a ri hlweli ku dzudzeka, kasi leri taka hi kutsongo-tsongo, ra khomelela.

Swivuriso 21:6

Xuma lexi kumiweke hi ndlela ya vuxisi, xi dzudzeka ku fana ni mberha, i ntlhamu lowu vangelaka rifu.

Ezekiele 7:19

Va ta cukumeta silivhere ya vona etaleni, nsuku wa vona wu hundzuka thyaka; rifuwo leri ra vona ri nge va kutsuli esikwini leri ndzi nga ta va hlundzukela mina HOSI; a va nga koti ku dya rona va xurha, va nge tati makhwiri ya vona ha rona. Hakunene, silivhere ni nsuku hi swona leswi swi va dyohiseke:

Daniele 4:27

Kutani we hosi, amukela switsundzuxo swa mina: Tshika swidyoho swa wena, u endla leswo lulama; herisa ni ku homboloka ka wena, u komba tintswalo eka lava xanisiwaka; kumbexana, u nga engeteleriwa malembe ya ku tsaka.”

Sofoniya 1:18

Esikwini leri HOSI Xikwembu xi nga ta karihela vanhu, silivhere ya vona ni nsuku wa vona swi nge va ponisi; ndzilo wa rilondzo ra xona wu ta herisa misava hinkwayo; vaaki va yona hinkwavo va ta lovisiwa hi ku copeta ka tihlo.

Varhoma 2:5

Hi mbilu ya wena leyo nonon'hwa, leyi nga laviki ku hundzuka, u tihlengeletela vukari lebyi byi nga ta ku wela hi siku lero chavisa, leri ku avanyisa loku lulameke ka Xikwembu ku nga ta humelela ha rona.

Varhoma 5:21

a swi ri leswaku, kukotisa leswi ku dyoha ku fumeke hi rifu, tintswalo na tona ti ta fumisa sweswo hi ku lulama loku yisaka evutomini lebyi nga heriki, ha Yesu Kriste Hosi ya hina.

Vafilipiya 3:9

ni ku kumiwa ndzi ri xilo xin'we na yena, ndzi nga ha ri na ku lulama loku nga ka mina, loku ndzi ku kumaka hi ku hlayisa Nawu, kambe ndzi ri ni ku lulama loku nyikiwaka hi ku pfumela eka Kriste, ku lulama loku humaka eka Xikwembu, loku yimaka ehenhla ka ku pfumela.