Swivuriso 1:1 - BIBELE Mahungu Lamanene

¹ Leswi i swivuriso swa Solomoni n'wana Davhida, hosi ya Israele.

Xitsonga (Bibele)

¹ Marito ya Solomoni, n'wana Davhida, Hosi ya Israele:

Swivuriso 1:1 Iomraidhean Croise

1 TIHOSI 2:12

Kutani Solomoni a sala a teka vuhosi bya Davhida tata wa yena. Vuhosi bya yena byi ya byi tiyisiwa.

1 TIHOSI 5:12

Kutani HOSI Xikwembu xi nyika Solomoni evutlhari, hilaha xi n'wi tshembiseke hakona. Hiramu na Solomoni va akisana hi ku rhula, ha vambirhi va vumba xinakulobye.

1 TIKRONIKA 22:9

Kambe u ta kuma n'wana wa xinuna la nga ta va munhu wa ndzhuti, wa ku rhula. Vaaki va matiko lama vandzakaneke na yena a va nga ha n'wi pfuki; ú ta thyiwa vito ra Solomoni (hileswaku “la rhuleke”). Enkarhini wa ku fuma ka yena, ndzi ta nyika Vaisraele ku rhula ni ku tshamiseka.

1 TIKRONIKA 28:5

Kutani exikarhi ka vana lavo tala va xinuna lava HOSI Xikwembu xi ndzi nyikeke vona, xi hlawurile Solomoni ku va exiluvelweni xa vuhosi, a fuma tiko ra xona ra Israele.

1 TIKRONIKA 29:23

Kutani Solomoni a tshama exiluvelweni lexi nga vekiwa hi HOSI Xikwembu, a fuma ematshan'wini ya Davhida tata wa yena. Xikwembu xi n'wi katekisa, ni Vaisraele hinkwavo va n'wi yingisa.

1 TIKRONIKA 29:28

Loko Davhida a fa, a a kurile swinene, a ri ni malembe layo tala, a fuwile swinene, naswona vanhu a va ha n'wi komba xichavo. Kutani Solomoni n'wana wa yena a sala a fuma.

Swivuriso 10:1

Swivuriso swa Solomoni hi leswi: N'wana la tlhariheke, ú tsakisa tata wa yena, kambe la tiarisaka i nhlomulo eka mana wa yena.

Swivuriso 22:21

Swi ta ku dyondzisa ku vona ntiyiso wa leswi vuriweke, kutani u ta tlherisela ntiyiso ntsena eka lava va ku rhumeke.

Swivuriso 25:1

Leswi i swivuriso swin'wana swa Solomoni. Swi hlengeletiwile hi malandza ya Hezekiya hosi ya Yuda.

Eklesiasta 1:1

Lawa i marito ya Mudyondzisi n'wana Davhida, hosi ya le Yerusalema:

Eklesiasta 12:9

Mudyondzisi a a tlharihile, a kota ni ku dyondzisa vanhu swa vutlhari. A a kambisisa swivuriso, a swi dyondza hi vukheta, a tiva ni ku swi longoloxa.

Yohane 16:25

“Ndzi mi byerile timhaka leti hi ku vulavula hi swifaniso; kambe nkarhi wa ta, lowu ndzi nga ta ka ndzi nga ha vulavuri na n'wina hi mukhuva lowu; kambe ndzi ta mi byela swa Tatana erivaleni ndzi nga rhendzeleki.