Swirilo 5:7 - BIBELE Mahungu Lamanene

⁷ Vatata wa hina va dyohile, kambe sweswi a va ha ri kona, kutani hina hi rhwexiwa nandzu wa swidyoho swa vona.

Xitsonga (Bibele)

⁷ Vatata wa hina va dyohile, kutani a va ha ri kona, Kutani hina hi rhwala makhombo ya ku dyoha ka vona.

Swirilo 5:7 Iomraidhean Croise

Genesa 42:13

Vona va ku: “Hina malandza ya wena, hi tswariwile hi ri 12, hi vana va munhu un'we kwale tikweni ra Kanana. Lontsongo ú sale na tatana, kasi makwerhu loyi un'wana a nga ha ri kona.”

Genesa 42:36

Kutani Yakobo tata va vona a ku: “Mi ndzi hetela vana: Yosefa a nga ha ri kona, na Simiyoni a nga ha ri kona. Namuntlha mi lava ku teka na Benjamini! Swilo leswi hinkwaswo swi ndzi heta matimba.”

Ntirho 7:21

U alela yini ku ndzi rivalela swidyoho, ni ku susa milandzu ya mina, leswi ndzi nga kusuhi ni ku latiwa esirheni ke? U nge he ndzi kumi, loko u ndzi lava, hikuva ndzi ta va ndzi nga ha ri kona.”

Ntirho 7:8

Wena mulanguteri wanga, a wu nga ha ndzi voni, u ta ndzi lava hi mahlo, kambe ndzi ta va ndzi fambile.

Eksoda 20:5

u nga tshuki u swi nkhinsamela, kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune.

Yeremiya 14:20

We HOSI, vubihi bya hina ha byi tiva, hi tiva ni swidyoho swa vatata wa hina: Hakunene hi ku dyoherile!

Yeremiya 16:11

Va hlamule leswaku mina HOSI ndzi ri: ‘Vatata wa n'wina va ndzi tshikile; va tinyiketile eka swikwembu swin'wana, va swi tirhela ni ku swi khongela, kutani va ndzi fularhela va tshika milawu ya mina.

Yeremiya 16:12

N'wina mi lo ya emahlweni mi dyoha, mi tlula ni vatata wa n'wina. Un'wana ni un'wana exikarhi ka n'wina ú endla leswi humaka enhlokweni ya yena, a ala ku ndzi yingisa.

Yeremiya 31:15

HOSI Xikwembu xi vurisa sweswo xi ri: “Emutini wa Rhama, ku twakala huwa ya munhu la rilaka hi xiviti. I Rahele la rilaka vana va yena, a alaka ni ku chaveleriwa, hikuva vana lava a va ha ri kona.”

Yeremiya 31:29

Enkarhini wolowo, a va nga ha vuli va ku: “ ‘Vatata wa hina va dyile mihandzu leyo dzunga, kutani meno ya hina vana va vona ma dzedzemela.’

Ezekiele 16:58

Mina HOSI ndzi ri, sweswi u le ku byarheni ka nandzu wa mahanyelo ya wena ya manyala!”

Ezekiele 18:2

“Laha tikweni ra Israele, mi tolovele ku vula xivuriso lexi nge: “ ‘Vatata wa hina va dyile mihandzu leyo dzunga, kutani meno ya hina vana va vona ma dzedzemela.’ “Xana mi susumetiwa ha yini ku vula sweswo xana?

Zakariya 1:5

“Vatata wa n'wina, namuntlha va kwihi xana? Hambi va ri vaprofeta, a va hanyanga hilaha ku nga heriki!

Tinhlayo 14:18

‘Mina HOSI, ndzi hlwela ku kariha, ndzi tele tintswalo leto tshembeka, ndzi rivalela milandzu ni ku tiarisa, kambe a ndzi tshiki ku ba lava dyoheke, ndzi ba ni vana va vona ku fika eka rixaka ra vona ra vunharhu ni ra vumune.’