Swirilo 5:17 - BIBELE Mahungu Lamanene

¹⁷ Timbilu ta hina ta vava, mahlo ya hina ma tenga-tenga mihloti, hikwalaho ka leswi swi hi humeleleke:

Xitsonga (Bibele)

¹⁷ Timbilu ta hina ta hela hikwalaho ka sweswo, Ni mahlo ya hina a ma ha voni,

Swirilo 5:17 Iomraidhean Croise

Ntirho 17:7

Maxangu ma ndzi dlaya mahlo, swirho swa mina hinkwaswo swi lo sala marhambu ntsena.

Pisalema 31:9

We HOSI, ndzi twele vusiwana, hikuva ndzi le khombyeni, gome ri ndzi heta matimba emirini ni le moyeni, ni ku vona a ndza ha voni.

Pisalema 38:8

Matimba ya mina ma herile, a ndza ha koti nchumu, ndzi le ku konyeni, mbilu ya mina yi karhateka ngopfu.

Pisalema 6:7

Mahlo ya mina ma pfimba hi xirilo, ma dlawa hi gome, hikuva valala va mina va tele.

Pisalema 69:3

Nkolo wa mina wu twa ku vava, hikuva ndzi huwelele ngopfu, kutani ndzi karhele, ni mahlo ya mina ma fehla hi ku ku langutela, we Xikwembu xanga.

Esaya 1:5

Leswi mi yaka emahlweni mi tiarisa, xana ma ha ta biwa hi kwihi, hikuva nhloko hinkwayo ya vava, ni matimba a ma ha ri na wona.

Esaya 38:14

“A ndzi rila kukota mbewulani, ndzi gomela ku fana ni tuva, mahlo ya mina ma karhala hi ku languta etilweni. We n'wini wanga, ndzi biyelele ekhombyeni leri ndzi nga ka rona.

Yeremiya 46:5

Kambe HOSI Xikwembu xi vula sweswo xi ri: “Xana ku humelela yini, ndzi vona yini xana? Vaegipta va khoma hi ku chava, va tlhelela ndzhaku. Tinhenha ta hluriwa, ti tsutsuma ti ku bàmféé, ti nga ha languti ni le ndzhaku. Hinkwako i mpfilu-mpfilu ntsena!

Yeremiya 8:18

Gome leri ri ndzi khomeke a ri heli, mbilu ya mina yi vava ngopfu.

Swirilo 1:13

“Yi rhumerile ndzilo wu ta hi le henhla, yi wu rhelerisa wu nghena emarhambyini ya mina. Yi ndzi rhiyile hi ntlhamu, yi ndzi wisa ndzi ku gáá; yi ndzi siyile ndzi ri rhumbi, ku ri hava siku leri ndzi tsakaka.

Swirilo 1:22

“Humesela ku biha ka vona hinkwako erivaleni; u va ba kukota leswi u ndzi biseke swona, hikwalaho ka swidyoho swa mina hinkwaswo. Ku konya ka mina i kukulu, ni mbilu ya mina yi vava ngopfu.”

Swirilo 2:11

Mahlo ya mina ma fehla hi ku rila, moya wa mina wu le ku karhatekeni; ndzi hele ntamu hi ku vaviseka, hikwalaho ka ku lovisiwa ka muti wa hina, ni hikwalaho ka tinsana ni tindzumulo leti faka hi ndlala ni torha emagondzweni ya muti.

Ezekiele 21:15

Hikokwalaho vanhu va ta tsemeka nhlana, ku wa lavo tala exikarhi ka vona; etinyangweni ta vona hinkwato ndzi vekile banga leri dlayaka. Yo! Ra hatima kukota rihati, ri vekeriwa ku herisa vanhu!

Ezekiele 21:7

Vona va ta ku vutisa va ku: ‘Xana u rilela yini xana?’ U ta va hlamula u ku: ‘Ndza rila, hikuva ndzi twile leswaku makhombo ma le ndleleni; loko ma fikile, vanhu va ta hela ntamu, va tsemeka nhlana; va ta titivala, va nga ha tikoti hi ku chava. Makhombo lawa ma le ndleleni, swi tiyile sweswo, ku vula HOSI N'wini wa hinkwaswo.’ ”

Levhitika 26:36

Lava va nga ta va va ponile exikarhi ka n'wina, ndzi ta endla leswaku va tshama va ri ku chaveni kwale matikweni ya valala va n'wina. Loko va twa xo chakala, va ta suka va tsutsuma wonge vo va eku hlongorisiweni, va wa va nga hlongorisiwi hi munhu.

Mikiya 6:13

Hikokwalaho ndzi ta mi vangela vuvabyi lebyo chavisa, hinkwenu mi ta hela mi ku bi, mi dlayisa hi swidyoho swa n'wina.

Duteronoma 28:65

Ematikweni lawa, a mi nga kumi ku rhula, ni ku tshamiseka a mi nga tshamiseki. HOSI Xikwembu xi ta endla leswaku minkarhi hinkwayo mi va eku chaveni, mi tshamela ku rila, mi hela ni matimba.