Swirilo 5:16 - BIBELE Mahungu Lamanene

¹⁶ Yóò! Hi le khombyeni, hikuva hi dyohile, kutani harhi ya ntsako yi sukile etinhlokweni ta hina.

Xitsonga (Bibele)

¹⁶ Misingasoro yi wile etinhlokweni ta hina; Hi ni khombo hina, hikuva hi dyohile!

Swirilo 5:16 Iomraidhean Croise

Ntirho 19:9

Xi ndzi susele ndzhuti, xi ndzi tekela ni ku xiximeka.

Pisalema 89:39

U tshovile ntwanano lowu u wu endleke ni nandza wa wena, xidlodlo xa yena xa vuhosi u xi hoxile endzhopeni.

Swivuriso 14:34

Ku lulama swi kurisa tiko, kasi xidyoho xi khomisa vanhu tingana.

Swivuriso 27:24

hikuva mali ya hela, na xona xuma, a xi tshami hilaha ku nga heriki;

Esaya 3:8

Muti wa Yerusalema ni tiko ra Yuda swi khugukile swi wa, hikuva marito ni swiendlo swa vanhu va kona swi landzula HOSI Xikwembu, swi sola ku kwetsima ka xona.

Yeremiya 13:18

HOSI Xikwembu xi ku ka mina: “Byela hosi ya tiko ni mana wa yona leswaku va suka exiluvelweni va tshama ehansi, hikuva harhi ya vona yo saseka ya vuhosi yi susiwile etinhlokweni ta vona.

Yeremiya 2:17

N'wina Vaisraele, makhombo lawa mi lo tivangela; mi tshikile HOSI Xikwembu xa n'wina, enkarhini lowu a xi mi komba ndlela.

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.

Yeremiya 4:18

Swilo leswi mi lo tivangela hi swiendlo swa n'wina ni mahanyelo ya n'wina. Hi kona ku hela ka n'wina. Swa bava hakunene! Maxangu ya n'wina ma hlomula mbilu.”

Swirilo 1:1

Yóò, xivundza lexi nga ni muti lowu, wona lowu khale a wu tele hi vanhu! Muti lowu a wu ri wukulu eka tinxaka hinkwato, sweswi wu hundzukile, wu fana ni noni; wona lowu a wu dumile ematikweni, namuntlha wu endliwe hlonga.

Swirilo 1:18

“HOSI yi lulamile, a yi hoxanga: Nandzu wu na mina ndzi nga tlula ku lerisa ka yona. N'wina vanhu hinkwenu, yingisani, mi languta ni maxangu ya mina. Vanhwana va mina ni majaha ya mina va yisiwile evukhumbini.

Swirilo 1:20

“We HOSI, ndzi langute, hikuva ndzi le maxangwini, moya wa mina wu le ku karhatekeni; ndzi le ku vavisekeni lokukulu, hikuva ndzi tiarisile ngopfu. Ehandle, vana va mina va dlawa hi tlhari, etindlwini, va fa hi ntungu.

Swirilo 1:8

Yerusalema ú dyohile ngopfu, hikokwalaho ú tole thyaka; hinkwavo lava khale a va n'wi xixima, namuntlha va n'wi sandza, hikuva va n'wi vona a nga ambalanga nchumu. Hambi yena hi yexe wa konya, a tlhela a languta hansi.

Swirilo 2:1

Yóò! Eku hlundzukeni ka yena, N'wini wa hinkwaswo ú funengetile Siyoni hi munyama. Yena loyi a nga tilweni, ú susumetele hansi ku dzuneka ka Israele. Hi siku ra ku kariha ka yena, ú fularherile muti wa Siyoni lowu khale a a tikomba eka wona.

Swirilo 4:13

Khombo leri ri vangiwe hi swidyoho swa vaprofeta, ni vubihi bya vaprista va kona, va nga vona lava dlayeke vanhu vo lulama, va halata ngati emutini.

Ezekiele 21:26

Mina HOSI N'wini wa hinkwaswo ndzi ri, hluvula xiambalo xa vuhosi u susa ni xidlodlo xa kona. Swilo a swi suke evutshan'wini bya swona: Leswi nga hansi a swi ye henhla, leswi nga henhla swi ya hansi.

Mikiya 6:13

Hikokwalaho ndzi ta mi vangela vuvabyi lebyo chavisa, hinkwenu mi ta hela mi ku bi, mi dlayisa hi swidyoho swa n'wina.

Nhlavutelo 2:10

U nga chavi leswi nga kusuhi ni ku ku twisa ku vava. Vona, Diyavulosi ú lava ku hoxa van'wana va n'wina ekhotsweni, leswaku mi ta ringetiwa, kutani mi ta heta khume ra masiku ma ha xaniseka. U va la tshembekaka ku fikela eku feni, kutani mina ndzi ta ku nyika harhi ya vutomi.

Nhlavutelo 3:11

Ndzi ta ta ku nga ri khale. Khoma leswi u nga na swona u tiya, leswaku ku nga vi na loyi a nga ta ku tekela harhi ya wena.

1 SAMIELE 7:6

Loko va hlengeletanile eMispa, va ka mati, kutani va ma halata emahlweni ka HOSI Xikwembu; va titsona swakudya siku rero va ri endhawini yoleyo, kutani va tisola va ku: “Hi dyoherile HOSI.” (Emutini wa Mispa, hi kona laha Samiele a a tolovele ku avanyisa timhaka ta Vaisraele a ri kona.)