Swirilo 5:1 - BIBELE Mahungu Lamanene

¹ We HOSI, tsundzuka leswi swi hi humeleleke; languta, u vona tingana ta hina.

Xitsonga (Bibele)

¹ Tsundzuka, wena Yehovha, leswi hi humeleriweke hi swona, Kutani u vona xisandzu xa hina.

Swirilo 5:1 Iomraidhean Croise

Nehemiya 1:3

Kutani va ku ka mina: “Lava va nga xifundzheni lexiya, lava vuyeke hi le vukhumbini, va le khombyeni lerikulu; leswi va endliwaka swona swi khomisa tingana; rirhangu ra muti wa Yerusalema ri mbundzumuxiwile, ni tinyangwa ti herisiwile hi ndzilo.”

Nehemiya 1:8

Tsundzuka marito lawa u ma leriseke nandza wa wena Muxe, u ku: ‘Loko mo ka mi nga tshembeki, ndzi ta mi hangalasa mi ya tshama exikarhi ka vamatiko,

Nehemiya 4:4

Kutani ndzi khongela ndzi ku: “We Xikwembu xa hina, twana leswi hi hlekurisiwaka xiswona! Endla leswaku leswi va hi endlaka swona swi tlhelela eka vona; a va khomiwe va yisiwa etikweni rin'wana, va tekeriwa ni swilo swa vona hinkwaswo.

Ntirho 10:9

Tsundzuka leswaku u ndzi endlile hi vumba ntsena; xana u lava leswaku ndzi tlhelela entshurini xana?

Ntirho 7:7

“Wena Xikwembu, wa swi tiva, vutomi bya mina i hikanyana ntsena; a ndzi nga ha tlheli ndzi vona minkateko.

Pisalema 119:153

Wa nga languta maxangu ya mina, u ndzi humesa ka wona, hikuva a ndzi rivali nawu wa wena.

Pisalema 74:18

We HOSI, tsundzuka leswaku valala va wena va ku sandza, vatiarisi lava va tlanga hi vito ra wena.

Pisalema 79:12

We N'wini wa hinkwaswo, leswi vaakelani va hina va ku hlekuleke, va tlherisele ka-7 leswi va ku endleke swona.

Pisalema 79:4

Hi hundzukile xihlekiso eka vaakelani va hina, hinkwavo lava va hi rhendzeleke va hi hlekula ni ku hi monya.

Esaya 62:6

We Yerusalema, ndzi vekile varindzi ehenhla ka rirhangu ra wena; vusiku ni nhlekanhi, va le ntirhweni wa vona; n'wina lava tsundzuxaka HOSI Xikwembu, mi nga tshuki mi wisa.

Yeremiya 15:15

We HOSI, u tiva hinkwaswo. Ndzi anakanye u tikomba eka mina, u rihiseta lava va ndzi xanisaka; u nga ndzi dlayisi hi ku va lehisela mbilu. Wa swi tiva: Vanhu lava va ndzi monya hi mhaka ya wena.

Yeremiya 51:51

N'wina a mi ku: ‘Hi ni tingana, hikuva hi tsongahatiwile ngopfu, hi tifihla swikandza, hikuva valala va hi khomise tingana: Vamatiko lava va nghenile eTempeleni, yi nga yindlu leyo hlawuleka ya HOSI Xikwembu.’

Swirilo 1:11

Hinkwavo vanhu va yena va konya loko va ri karhi va lava swakudya; va tilavela swona hi ku xavisa swilo swa vona swa nkoka, va ta kuma matimba hi vuntshwa. Yerusalema ú ri: “Languta we HOSI, u vona hilaha ndzi soriwaka hakona.

Swirilo 1:20

“We HOSI, ndzi langute, hikuva ndzi le maxangwini, moya wa mina wu le ku karhatekeni; ndzi le ku vavisekeni lokukulu, hikuva ndzi tiarisile ngopfu. Ehandle, vana va mina va dlawa hi tlhari, etindlwini, va fa hi ntungu.

Swirilo 1:9

Thyaka ra yena a ri ri etingubyeni, kambe a nga anakanyanga leswaku ú ta avanyisiwa; hikokwalaho ku wa ka yena ka chavisa, ú pfumala ni loyi a n'wi tiyisaka. Yerusalema ú ri: “We HOSI, vona nhlomulo wa mina, hikuva nala wa khana, ú hlurile.”

Swirilo 2:15

Hinkwavo lava hundzaka hi ndlela va ku yowetela, we Yerusalema, va ku chayela miloti, va hlakahla ni tinhloko va ku: “Xana lowu hi wona muti lowu khale a wu vuriwa mbhurhi ya timbhurhi, xitsakiso emisaveni hinkwayo xana?”

Swirilo 2:20

We HOSI Xikwembu, languta u vona leswaku i mani loyi u n'wi endlaka leswi. Xana vamanana va fanele ku tidyela vana lava va va rhandzaka, ke? Xana vaprista ni vaprofeta va fanele ku dlayiwa, va fela exivandleni xa wena lexo hlawuleka xana?

Swirilo 3:19

Loko ndzi tsundzuka nhlomulo ni ku pepetseka ka mina, onge ndzo nwisiwa nyongwa leyi bavaka.

Swirilo 3:50

ku kondza loko HOSI Xikwembu xi languta xi ri etilweni, xi swi vona:

Swirilo 3:61

“We HOSI, u twile loko va ndzi hlekula, u vonile ni makungu ya vona hinkwawo ya ku lwa na mina.

Habakuku 3:2

HOSI, mahungu ya ntirho wa wena ndzi ma twile, kutani wa ndzi chavisa, we HOSI. Pfuxa mintirho ya wena eminkarhini ya sweswi! Tikombe ni manguva lawa! Kambe, eku kariheni ka wena, u nga rivali ku tsetselela.

Luka 23:42

Xidyohi xi engeta xi ku: “Yesu, ndzi anakanye, loko u nghena eMfun'weni wa wena.”