Swirilo 4:9 - BIBELE Mahungu Lamanene

⁹ Lava dlayiweke hi tlhari, va katekile ku tlula lava dlayiweke hi ndlala, va nga lava sikeke va ondza hi ku pfumaleka ka swakudya.

Xitsonga (Bibele)

⁹ Ku katekile lava dlayiweke hi tlhari, Ku tlula lava nga dlayiwa hi ndlala; Vona va wile va hele matimba Hi ku pfumala leswi vekiwaka hi nsimu.

Swirilo 4:9 Iomraidhean Croise

2 TIHOSI 25:3

kutani ndlala yi va leyikulu emutini, hikuva vaaki va wona a va heleriwile hi swakudya. Kutani, hi siku ra 9 ra n'hweti,

Eksoda 16:3

wu ku: “A swi ta antswa loko ingi HOSI Xikwembu xi hi lovisile ha ha ri etikweni ra Egipta, laha a hi tseleka timbita ta nyama, hi dya vuswa hi xurha, ku ri na ku hi humesa mi hi tisa laha mananga, mi ta dlayisa ntshungu lowu hinkwawo hi ndlala!”

Esaya 22:2

Xana i huwa ya yini, mi bela yini pongo ni minkulungwana emutini, hikuva vanhu va ka n'wina lava feke, a va dlayiwanga hi fumu, naswona a va felanga enyimpini!

Yeremiya 16:4

Va ta dlawa hi mintungu, ku ri hava la rilaka nkosi wa vona. A va nga lahliwi esirheni, kambe va ta fana ni vulongo lebyi cheriweke emasin'wini. Va ta dlawa hi matlhari ni tindlala, mintsumbu ya vona yi dyiwa hi makoti ni swiharhi swa nhova.

Ezekiele 24:23

Mi nga byewuli misisi, ambalani ni tintanghu ta n'wina, tikhomeni, mi nga rili. Hambiswiritano mintirho ya n'wina leyo homboloka yi ta mi ondzisa, mi ta tshamela ku vilela hikwalaho ka varikwenu.

Ezekiele 33:10

“We Ezekiele, u tiva leswaku Vaisraele va tala ku vilela, va ku va tikeriwa hi nandzu wa swidyoho swa vona, va nga ha koti nchumu hikwalaho ka swona, naswona va nga ha tshembi leswaku va ta kuma ku hanya.

Ezekiele 4:16

Xi engeta xi ku ka mina: “Yingisa we Ezekiele! Ndzi ta vanga ndlala eYerusalema; swakudya swa kona, va to pimeriwa kunene va dya va ri karhi va rhurhumela; ni mati yo nwa va ta pimeriwa, va nwa hi ku chava.

Ezekiele 7:15

HOSI Xikwembu xi engeta xi ku: “Enhoveni, ku ta lwiwa, mintungu ni tindlala swi ta wela Yerusalema; lava lwaka nyimpi ehandle va ta dlawa hi valala, ni lava nga sala emutini, va ta herisiwa hi tindlala ni mintungu.

Levhitika 26:39

Hinkwavo va ka n'wina lava va nga ta va va ponile va ta hela va nyamalala ematikweni ya valala va n'wina, va dlawela milandzu ya vona ni ya vatata wa vona, leyi na vona va feleke yona.

Duteronoma 28:51

Va ta dya leswi tswariweke hi swifuwo swa n'wina, va dya ni ntshovelo wa masimu ya n'wina, mi kondza mi herisiwa. Va ta mi tekela hinkwaswo: Mavele, ni vhinyo, ni mafurha, ni leswi velekiweke hi swifuwo swa n'wina leswikulu ni leswitsongo, va ko va mi lovisa.