Swirilo 4:7 - BIBELE Mahungu Lamanene

⁷ Tihosana ta Yerusalema a ti tengile ku tlula gamboko, ti tsakisa mahlo ku tlula masi; miri wa tona a wu sasekile ku tlula swo bomba ha swona, wu tlhela wu yimeka swinene.

Xitsonga (Bibele)

⁷ Vafumi va kona a va tengile ku fana ni gamboko, Va basile kukota ntswamba; Mimiri ya vona a yi tshwukile ku hundzisa korale, Tinghohe ta vona a ti fana ni ribye ra safiri.

Swirilo 4:7 Iomraidhean Croise

Ntirho 28:16

Byi ni nkoka ku tlula nsuku wa le Ofiri, byi tlula ni maribye yo saseka ya “Onikisi” ni ya “Safiri”.

Ntirho 28:18

a ha ha vuli tinkatla kumbe swibya swa “Kristala”! Xinkwamana xa vutlhari xi ni risima ku tlula vuhlalu lebyi sasekeke.

Pisalema 144:12

Vana va hina va xinuna a va fane ni mirhi leyi nga mila yi tiya ku sukela loko yi byariwile; vana va hina va xisati a va fane ni timhandze leti vatliweke ta yinhla, leti sasekisaka tindlu ta vuhosi.

Pisalema 51:7

Ndzi xuve hi xitluka xa murhi wa hisopa, kutani ndzi ta va la tengeke, ndzi hlantswe, ndzi ta basa ku tlula ni gamboko.

Eksoda 24:10

Kutani va vona Xikwembu xa Israele; laha hansi ka milenge ya xona a wonge hiloko ku ri ni maribye ya nkoka swinene ya “safiri”, yo phatima ku fana ni rihlaza ra tilo.

Risimu ra Tinsimu 5:10

Murhandziwa wa mina ú yimekile, a tlhela a saseka, ú hlawulekile exikarhi ka madzana-dzana.

Risimu ra Tinsimu 5:15

Milenge ya yena i tiphuphu ta maribye yo rhetela, leti tlhomiweke eminkotlotweni ya nsuku. Xivumbeko xa yena xi fana ni ntshava ya Lebanoni, xi hlawulekile ku fana ni mirhi ya Kedari.

Daniele 1:15

Loko ku hundzile khume ra masiku, va vona leswaku majaha lawa ma tsakisa, naswona ma nyuhele ku tlula lama dyaka swakudya swo xawula swa hosi.

Luka 1:15

hikuva ú ta va nkulukumba emahlweni ka Hosi; a nga ka a nga nwi vhinyo ni byalwa, kambe ú ta tala Moya lowo Kwetsima a nga si velekiwa.

Vaavanyisi 13:5

hikuva u ta tika, u veleka n'wana wa mufana. N'wana loyi a nga tshuki a byewuriwa nhloko, hikuva ú ta va munhu la hlawuleriweke Xikwembu ku sukela siku a velekiwaka. Hi yena la nga ta sungula ku lamulela Vaisraele emavokweni ya Vafilista.”

Vaavanyisi 13:7

Kambe ú te ka mina: ‘Vona, u ta tika, u veleka n'wana wa mufana; hikokwalaho, u nga tshuki u nwa vhinyo kumbe byalwa, naswona u nga dyi swilo leswi nga tengangiki, hikuva n'wana loyi ú ta va munhu la hlawuleriweke Xikwembu ku sukela siku a velekiwaka, a kondza a fa.’ ”

Vaavanyisi 16:17

Kutani a boxela Delila xihundla xa yena, a ku ka yena: “A ndzi si tshama ndzi byewuriwa nhloko, hikuva ku sukela siku ndzi velekiweke, ndzi hlawuleriwile Xikwembu. Loko ndzo byewula nhloko, matimba ya mina ma ta hela, ndzi fana ni vanhu van'wana.”

1 SAMIELE 16:12

Kutani Yese a rhuma vanhu, va ya vuya na yena. Jaha ra kona a ri ri mbhuri ya mahlo yo saseka ni xivumbeko xo tsakisa. HOSI Xikwembu xi ku ka Samiele: “Loyi, hi yena! Suka u yima u n'wi chela mafurha enhlokweni.”