Swirilo 4:6 - BIBELE Mahungu Lamanene

⁶ Ku biwa ka vanhu va ka hina ku kurile ku tlula ku biwa ka Sodoma, wu nga muti lowu herisiweke hi ku hatlisa, ku nga ri hi voko ra munhu, kambe hi Xikwembu.

Xitsonga (Bibele)

⁶ Ku biwa ka nhwanyana wa tiko ra mina Ingi kukulu ku tlula ka Sodoma, La nga wisiwa hi nkarhinyana, Ku nga ri na mavoko lama rhumeriweke kona.

Swirilo 4:6 Iomraidhean Croise

Genesa 19:24

Hiloko HOSI Xikwembu xi nisa ndzilo ni xivavula, swi huma eka xona etilweni, swi wela ehenhla ka miti ya Sodoma na Gomora.

Genesa 19:25

HOSI Xikwembu xi herisa miti leyi, ni tindhawu hinkwato ta kwala nkoveni; xi herisa ni vaaki va kona hinkwavo, ni swimila swa tiko ra kona hinkwaro.

Esaya 24:2

Hinkwavo va ta wela hi khombo rin'we: Vaprista ni vanhu ntsena, mahlonga ni vini va wona, vasati va swifumi ni malandza ya vona ya xisati, vaxavisi ni vaxavi, valombisi ni valombi, van'wankumi ni swisiwana.

Yeremiya 20:16

Munhu yoloye a a fane ni miti leyi HOSI Xikwembu xi yi heriseke xi nga yi tsetseleri. Nimixo a a twe swirilo, a twa mpfumawulo wa tinyimpi ninhlekanhi,

Yeremiya 23:14

Kasi na le xikarhi ka vaprofeta va le Yerusalema, ndzi vona manyala lama chavisaka ku tlula mpimo: Va endla vuoswi, va tsakela mavunwa, va seketela vadyohi emintirhweni ya vona leyo biha, kutani a ka ha ri na un'we la chavaka ku endla leswo homboloka. Vanhu lava eka mina va onhakile hinkwavo kukota va le Sodoma, vaaki va Yerusalema a va hambananga ni va le Gomora.

Swirilo 4:9

Lava dlayiweke hi tlhari, va katekile ku tlula lava dlayiweke hi ndlala, va nga lava sikeke va ondza hi ku pfumaleka ka swakudya.

Daniele 8:25

Ú ta humelela etindleleni ta yena ta vuxisi, a tikurisa swinene embilwini ya yena, a juma lavo tala a va dlaya; kambe leswi a nga chavangiki ku lwa ni Xikwembu, Mufumi wa vafumi, eku heteleleni ú ta tshoviwa hi xona, ku nga ri hi voko ra munhu.

Daniele 9:12

We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.

Matewu 24:21

hikuva nhlomulo wu ta va lowukulu enkarhini wolowo; nhlomulo lowo tano a wu si va kona hi mpfhuka misava yi tumbulukile ku fikela namuntlha, naswona a wu nga ha vi kona ni siku ni rin'we.

Luka 10:12

Ndza mi byela leswaku Sodoma ú ta vevukiseriwa ku tlula muti wolowo hi siku ra ku avanyisiwa.

Luka 12:47

“Nandza loyi a tivaka ku rhandza ka n'wini wa yena, kutani a nga lunghisi nchumu, a nga endli ku rhandza ka n'wini wa yena loyi, ú ta biwa ngopfu;