Swirilo 4:3 - BIBELE Mahungu Lamanene

³ Timhungubye ti hlayisa vana va tona, ti va mamisa, kambe vanhu va ka hina va ni tihanyi ku fana ni tiyimbhu ta le mananga.

Xitsonga (Bibele)

³ Swi tsandza ni timhisi ti humesa vele Ku an'wisa vana va tona; Kambe nhwanyana wa tiko ra mina yena wa nonon'hwa ngopfu, Kukota tiyimbhu ta mananga.

Swirilo 4:3 Iomraidhean Croise

1 TIHOSI 3:21

Hi vurhonga loko ndzi xalamuka ku mamisa n'wana wa mina, ndzi kuma leswaku ú file. Kambe loko ri xile, ndzi n'wi xiyisisa, ndzi kuma leswaku a xi nga ri xona xihlangi xa mina lexi ndzi xi velekeke.”

Esaya 13:22

Eswihondzweni swa kona ku ta twala timhungubye; etindlwini to saseka ta le ntsindza, ku ta rila mahlolwa ntsena. Tiko leri a ra ha salelanga hi masiku yo tala, ri ta herisiwa ku nga ri khale.”

Esaya 34:13

Makhokholo ma ta tlhuma hi mitwa, miti leyi biyeleriweke yi ta tala hi mahlwehlwe ni swigatlu, mahlolwa ma ta rhendzeleka-rhendzeleka kona, ni tiyimbhu ti ta tshama kona.

Esaya 49:15

Kambe Xikwembu xi ri: “Xana wansati a nga rivala n'wana loyi a n'wi mamisaka xana? Xana a nga tshika ku rhandza n'wana loyi a n'wi velekeke xana? Hambiloko manana a nga rivala n'wana wa yena, mina ndzi nga ka ndzi nga ku rivali.

Yeremiya 19:9

Valala va vona, va nga vanhu va tihanyi, va ta rhendzela muti va wu vangela ndlala leyikulu, vaaki va wona va kondza va sweka vana va vona va xinuna ni va xisati va dya, va hetelela hi ku dyanana!’ ”

Swirilo 2:20

We HOSI Xikwembu, languta u vona leswaku i mani loyi u n'wi endlaka leswi. Xana vamanana va fanele ku tidyela vana lava va va rhandzaka, ke? Xana vaprista ni vaprofeta va fanele ku dlayiwa, va fela exivandleni xa wena lexo hlawuleka xana?

Swirilo 4:10

Vamanana lava a va tiviwa va ri ni tintswalo, namuntlha va tiswekela vana va vona, va tlhela va dya, hikuva muti wa ka hina wu hlasele hi ndlala.

Ezekiele 5:10

Exikarhi ka n'wina, ku ta va ni vatatana van'wana lava nga ta dlaya vana va vona va va dya; naswona ku ta va ni vana van'wana lava nga ta dlaya vatata wa vona va va dya. Kutani lava nga ta pona exikarhi ka n'wina, ndzi ta va hangalasa va ya ematlhelweni hinkwawo ya misava.

Levhitika 26:29

Mi ta pfumala swakudya mi kala mi dlaya vana va n'wina va xinuna ni va xisati mi dya nyama ya vona.

Varhoma 1:31

a va na ripfalo, a va na nomo lowu tshembekeke, a va na vunene, a va na tintswalo;