Swirilo 4:17 - BIBELE Mahungu Lamanene

¹⁷ Mahlo ya hina ma tshamela ku fehla hi ku langutela ku pfuniwa, kambe mupfuni ku hava! Hi tshamile eswihondzweni swa varindzi, hi ri karhi hi langutela ku ponisiwa hi tiko leri nga pfuniki nchumu.

Xitsonga (Bibele)

¹⁷ Ni namuntlha mahlo ya hina ma hela Hi ku langutela ku pfuniwa ka hina ka hava; Eku languteleni ka hina, a hi langutela hi ku tshemba Eka tiko leri nga riki na ku hi ponisa.

Swirilo 4:17 Iomraidhean Croise

2 TIHOSI 24:7

Hosi ya le Egipta a ya ha engetanga yi huma-huma etikweni ra yona, hikuva matiko hinkwawo lawa khale a ma ri ehansi ka yona a ma tekiwile hi hosi ya le Babilona, ku sukela endzilekaneni wa Egipta, ku ya fika enambyeni wa Yufrata.

Esaya 20:5

Hikokwalaho, vanhu lava a va tshemba Vaetiyopiya, lava a va tinyungubyisa hi Vaegipta, va ta tshuka ngopfu, va hlangana nhloko.

Esaya 28:18

Kutani ntwanano wa n'wina ni rifu wu ta herisiwa, ni xinakulobye xa n'wina ni xivandla xa vafi xi nga ka xi nga ha vi kona. Loko khombo lero chavisa ri humelela, mi ta wiseriwa hansi, mi kandziyeriwa.

Yeremiya 2:18

Kutani sweswi swi mi pfuna yini ku tsutsumela le Egipta, mi ya nwa mati enambyeni wa Nilo xana? Ni ku ya le Asiriya mi ya nwa mati enambyeni wa Yufrata, swi mi pfuna yini xana?

Yeremiya 2:36

U hatlisa ngopfu ku hundzuluxa mikhuva ya wena. Tiva leswaku Vaegipta va ta ku khomisa tingana, ku fana ni leswi Vaasiriya va ku endleke swona.

Yeremiya 2:37

U ta vuya hi le tikweni ra Egipta u rhwele mavoko, hikuva vanhu lava u va tshembaka, mina HOSI ndza va nyenya; ku ya le ka vona a swi nga ku pfuni nchumu.”

Yeremiya 8:20

Vaisraele va ri: “Ximumu xi hundzile, hi hetile khale ku tshovela, kambe a hi si ntshunxiwa.”

Swirilo 1:19

“Ndzi vitanile lava khale a ndzi rhandzana na vona, kambe a va pfumelanga; vaprista ni vakulukumba va mina va lovele mutini, loko va ri karhi va lava swakudya leswaku va ta kuma matimba.

Swirilo 1:7

Enkarhini lowu wa mahlomulo ni wa ku pepetseka ka yena, Yerusalema ú tsundzuka swilo swa yena hinkwaswo swa nkoka leswi a a ri na swona ku sukela khale. Loko vanhu va yena va wele emavokweni ya valala, ku pfumaleke ni un'we wa ku n'wi pfuna; valala va n'wi langutile, va n'wi hlekula, va tsakela ku wa ka yena.

Swirilo 5:6

Hi tinyiketile eka Vaegipta ni Vaasiriya, leswaku va ta hi pfuna hi swakudya swo ringana.

Ezekiele 29:16

Vaisraele a va nga ha tshembi tiko ra Egipta; va ta vona leswaku va hoxile loko va yile va ya kombela ku pfuniwa hi Vaegipta, kutani hinkwavo va ta tiva leswaku HOSI N'wini wa hinkwaswo, hi mina!”