Swirilo 4:14 - BIBELE Mahungu Lamanene

¹⁴ Varhangeri lava, a va gugurhuteka onge va lo fa mahlo, a va lo pyì, hi ngati, lero a swi yila hambi ku ri ku khumba swiambalo swa vona.

Xitsonga (Bibele)

¹⁴ A va ri karhi va rhendzeleka tanihi vo fa mahlo emitsendzeleni, Va tinyamisile hi ngati; Kutani tinguvu ta vona; A ti nga ri na ku khumbiwa.

Swirilo 4:14 Iomraidhean Croise

Esaya 1:15

Loko mi tshambuluta mavoko ya n'wina, ndzi tisiva mahlo ndzi languta etlhelo; a ndzi nga mi yingisi, hambi mo endla swikhongelo leswo tala, hikuva mavoko ya n'wina ma tele ngati.

Esaya 56:10

Valanguteri va tiko va fe mahlo, hinkwavo a va twisisi nchumu, va fana ni timbyana to rhula leti nga vukuriki; va tsakela ngopfu vurhongo, va tshama va etlele, minkarhi hinkwayo va le ku lorheni.

Yeremiya 2:34

ni ngati leyi tlhambukeleke eswiambalweni swa wena, i ya swisiwana leswi nga riki na nandzu, ku nga ri ya vanhu lava u va kumeke va ri karhi va yiva! Kambe ehandle ka leswo hinkwaswo,

Yeremiya 26:8

Kutani loko a hetile ku vula hinkwaswo leswi HOSI Xikwembu xi n'wi leriseke ku ya tivisa vanhu hinkwavo, vaprista ni vaprofeta ni ntshungu hinkwawo va n'wi khoma va ku: “U fanele ku fa!

Ezekiele 23:45

Kambe vanhu lavo lulama va ta avanyisa Ohola na Oholiba, va va vona nandzu wa ku endla vuoswi ni wa ku halata ngati; hakunene vavasati lava i vaoswi, mavoko ya vona ma lo pyì, hi ngati.”

Hosiya 4:2

Va rhuketelana ni ku xisana ni ku dlayana, va yivelana ni ku hahlulelana mindyangu; va tlula milawu hinkwayo; minkarhi hinkwayo va le ku halateni ka ngati.

Sofoniya 1:17

HOSI Xikwembu xi ri: “Vanhu, ndzi ta va vangela maxangu, va ta famba, onge va lo fa mahlo, ngati ya vona yi ta halateriwa ehansi, ni mintsumbu ya vona yi ta cukumetiwa etaleni, hikuva va ndzi dyoherile mina HOSI.”

Tinhlayo 19:16

Loko munhu a famba-famba ehandle, kutani a tshuka a khumbile ntsumbu wa munhu un'wana loyi a nga dlayiwa hi fumu kumbe loyi a nga lo tifela, ni loko a khumbile hambi ri ri rhambu ra munhu kumbe sirha, munhu yoloyi ú ta va a nga tenganga, ku ringana masiku ya 7.

Tinhlayo 35:33

Mi nga tshuki mi nyamisa tiko leri mi tshamaka eka rona, hikuva ngati yi nyamisa tiko, naswona ku hava mhamba leyi yi nga basisaka tiko ehandle ka ku halata ngati ya mudlayi loyi a halateke ngati ya munhu un'wana.

Matewu 15:14

Va tshikeni, hi lavo-fe-mahlo lava fambisaka lavo-fe-mahlo. Loko lowo-fe-mahlo a fambisa lowo-fe-mahlo, va ta wela ekheleni hi vumbirhi bya vona.”

Vaefesa 4:18

Mianakanyo ya vona yi le munyameni; a va na ku averiwa evutomini bya Xikwembu, hikuva eka vona vutivi ku hava, na swona timbilu ta vona ti tlanyarile,