Swirilo 3:64 - BIBELE Mahungu Lamanene

⁶⁴ “We HOSI, bana vanhu lava hi ku ya hi leswi va ndzi endleke swona;

Xitsonga (Bibele)

⁶⁴ “Yehovha, u ta hakela hi hakelo leyi ringanaka Mitirho ya mavoko ya vona,

Swirilo 3:64 Iomraidhean Croise

Pisalema 28:4

Va be hi ku ya hi mintirho ya vona, ni swiendlo swa vona leswo homboloka; va bele leswi va swi endleke hi mavoko ya vona, u va nyika hakelo leyi yi va ringaneke.

Yeremiya 11:20

Kutani ndzi khongele ndzi ku: “We HOSI ya matimba hinkwawo, wena u avanyisaka timhaka hi ku lulama, wena u kambelaka ripfalo ra munhu ni mianakanyo ya yena, tikombe eka mina hi ku rihiseta vanhu lava, hikuva timhaka ta mina, ndzi ku byerile tona hinkwato.”

Yeremiya 15:15

We HOSI, u tiva hinkwaswo. Ndzi anakanye u tikomba eka mina, u rihiseta lava va ndzi xanisaka; u nga ndzi dlayisi hi ku va lehisela mbilu. Wa swi tiva: Vanhu lava va ndzi monya hi mhaka ya wena.

Yeremiya 50:29

HOSI Xikwembu xi ri: “Rhambani hinkwavo lava tivaka ku konga vurha, a va cope muti wa Babilona hi miseve; mavuthu a ma rhendzele muti lowu, ku nga humi munhu eka wona. Banani va le Babilona hi ku ya hi mintirho ya vona, va endleni hinkwaswo leswi va mi endleke swona, hikuva va tikurisile va lwa na mina HOSI, Muhlawuleki wa Israele.

Yeremiya 51:24

HOSI Xikwembu xi ri: “Ndzi ta ba va le Babilona, ni vanhu hinkwavo va tiko ra Kalediya, mi ri karhi mi swi vona hi mahlo, n'wina va le Siyoni. Va ta riha leswo biha hinkwaswo leswi va swi endleke emutini wa n'wina.

Yeremiya 51:56

Vahlaseri va fikile eBabilona, va le ku lweni! Tinhenha ta Babilona ta khomiwa, ni vurha bya tona bya tshoveleriwa, hikuva HOSI Xikwembu i Xikwembu lexi baka lavo biha, xi ta rihiseta hakunene.

Yeremiya 51:6

Humani emutini wa Babilona, tiponiseni hinkwenu! Mi nga tshuki mi dlayiwa swin'we ni va le Babilona, hikuva lowu hi wona nkarhi wa HOSI wo tirihisela, yi rihiseta leswi endliweke emutini lowu.

2 Timotiya 4:14

Aleksandro mufuri wa swa koporo ú ndzi onherile ngopfu; Hosi yi ta n'wi tlherisela hi leswi a ndzi endleke swona.

Nhlavutelo 18:6

N'wi endleni leswi a mi endleke swona, mi n'wi nyika kambirhi hakelo ya leswi a swi endleke; exinwelweni lexi a nga chela swakunwa eka xona, n'wi cheleleni kambirhi.

Nhlavutelo 6:10

A va huwelela hi rito leri tlakukeke va ku: “We Hosi ya matimba hinkwawo, wena wo kwetsima, wa ntiyiso, swa ha ta teka nkarhi muni ku fikela loko u ta avanyisa vaaki va misava ni ku va ba, leswi va hi dlayeke?”