Swirilo 3:32 - BIBELE Mahungu Lamanene

³² hambiloko a tisela munhu ku vaviseka, wa ha ta n'wi tsetselela hikwalaho ka rirhandzu ra yena lerikulu, ro tshembeka;

Xitsonga (Bibele)

³² Kambe loko a n'wi ba hi nhlomulo, U n'wi twela vusiwana hikwalaho ka vunyingi bya tintswalo ta yena.

Swirilo 3:32 Iomraidhean Croise

2 TIHOSI 13:23

Kambe HOSI Xikwembu xi va kombile tintswalo, xi va twela vusiwana ni ku va tsetselela, hikwalaho ka ntwanano wa xona na Abrahama na Isaka na Yakobo; a xi va lovisanga, naswona a xi va cukumetanga, ku fikela siku ra namuntlha.

Pisalema 103:11

Hilaha matilo ma tlulaka misava hi ku tlakuka ni vukulu, na rona rirhandzu ra Xikwembu i rikulu eka lava va xi chavaka.

Pisalema 30:5

hikuva vukari bya yona i bya nkarhinyana ntsena, kambe minkateko ya yona i ya vutomi hinkwabyo. Nimadyambu i mihloti, loko ri xa i minkulungwana!

Pisalema 78:38

Hambiswiritano, leswi xona xi nga ni tintswalo, xi va rivalerile milandzu ya vona xi nga va heriseli makumu; minkarhi yo tala xi tikhomile, xi nga va hlundzukeli ku tlula mpimo.

Eksoda 2:23

Ku hundza malembe, kutani hosi ya le Egipta yi fa. Vanhu va Israele vona a va konya hikwalaho ka mintirho ya vona leyo tika, va rilela ku lamuleriwa, kutani xirilo xa vona xi ya fika etindleveni ta Xikwembu.

Eksoda 3:7

Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Esaya 27:8

HOSI Xikwembu a xi va banga ku tlula mpimo, xi lo va yisa evukhumbini, xi va rhwarile hi moya wa xona wa matimba wo fana ni xidzedze xo huma evuxeni.

Esaya 54:7

Ndzi hambanile na wena nkarhinyana, kambe ndzi ta tlhela ndzi ku vuyisa, hikuva tintswalo ta mina i tikulu.

Yeremiya 31:20

HOSI Xikwembu xi ri: “N'wina va ka Efrayimi, mi vana va mina lava rhandzekaka, lava ndzi va tsakelaka swinene. Hambiloko ndzi mi tshinya minkarhi hinkwayo, a mi suki emiehleketweni ya mina; hikokwalaho, leswi ndzi mi rhandzaka swinene, ndzi ta mi twela vusiwana hakunene!”

Swirilo 3:22

Rirhandzu ra HOSI Xikwembu a ri heli, tintswalo ta xona a ti na makumu;

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Nahume 1:12

HOSI Xikwembu xi vurisa sweswo, xi ri: “Hambiloko va le Asiriya va nga kayiveli nchumu, hambiloko va tele, va ta tsemiwa, va nyamalala. Hambileswi ndzi ku tsongahateke wena Yuda tiko ra mina, a ndzi nga ha tlheli ndzi ku tsongahata.

Luka 15:20

Kutani a pfuka, a ya eka tata wa yena. “Loko a ha ri kule, tata wa yena a n'wi vona, a n'wi twela vusiwana; kutani a tsutsuma, a ya n'wi vukarha, a n'wi ntswontswa.

Vaavanyisi 10:16

Hiloko Vaisraele va cukumeta swikwembu swa vamatiko leswi a swi ri exikarhi ka vona, kutani va tirhela HOSI Xikwembu. Hiloko HOSI Xikwembu xi vavisekela Vaisraele hikwalaho ka maxangu ya vona.