Swirilo 3:19 - BIBELE Mahungu Lamanene

¹⁹ Loko ndzi tsundzuka nhlomulo ni ku pepetseka ka mina, onge ndzo nwisiwa nyongwa leyi bavaka.

Xitsonga (Bibele)

¹⁹ Ehleketa ku onhaka ka mina ni ku xaniseka ka mina; nkaka ntsena ni nyongwa.

Swirilo 3:19 Iomraidhean Croise

Nehemiya 9:32

“We Xikwembu xa hina, u Xikwembu lexikulu xa matimba lexi chavisekaka; u hlayisa ntwanano ni rirhandzu lero tshembeka; hikokwalaho, u nga yi endli leyitsongo, mhaka ya ku tikeriwa hinkwako loku hi veke na kona ku sukela enkarhini wa tihosi ta Asiriya ku ta fika sweswi, hina, ni tihosi ta hina, ni varhangeri va hina, ni vaprista va hina, ni vaprofeta va hina, ni vatata wa hina, ni vanhu va wena hinkwavo.

Ntirho 7:7

“Wena Xikwembu, wa swi tiva, vutomi bya mina i hikanyana ntsena; a ndzi nga ha tlheli ndzi vona minkateko.

Pisalema 132:1

We HOSI, u nga rivali Davhida, ni hilaha a tikarhateke hakona,

Pisalema 89:47

We N'wini wanga, ndzi anakanye, hikuva vutomi bya mina byi komile ngopfu; vanhu hinkwavo lava u va tumbuluxeke, a hi nchumu!

Pisalema 89:50

Anakanya hilaha mina nandza wa wena ndzi rhuketeriwaka hakona, tsundzuka ndlela leyi vamatiko va ndzi sandzaka ha yona.

Yeremiya 8:14

Vaisraele va ri: “Ha ha tshamela yini kwala xana? A hi yeni hinkwerhu hi ya tumbela emitini ya makhokholo; hi ta fela eka yona, hikuva HOSI Xikwembu xi hi avanyisele rifu, xi hi nwisile mati ya vuxungu, hi mhaka ya leswi hi xi dyoheleke.

Yeremiya 9:15

Hikokwalaho mina HOSI ya matimba hinkwawo, mina Xikwembu xa Israele, ndzi vurisa sweswo ndzi ri: Vanhu va mina ndzi ta va dyisa leswo bava, ndzi va nwisa ni vuxungu.

Swirilo 3:15

Ú ndzi dyisa leswo bava ndzi ko ndzi hlamba timbilu, a ndzi nwisa nyongwa ndzi kala ndzi hlanta.

Swirilo 3:5

Ú ndzi rhendzerile, a ndzi phutsela hi mbitsi ni nhlomulo;