Swirilo 3:17 - BIBELE Mahungu Lamanene

¹⁷ ú ndzi pfumata ku rhula emoyeni, ndzi rivele ni leswaku ku tsaka swi vula yini!

Xitsonga (Bibele)

¹⁷ U tsonile moya wa mina ku rhula, Kutani a ndza ha tivi leswaku ku kateka i yini;

Swirilo 3:17 Iomraidhean Croise

Genesa 41:30

Endzhaku ka malembe lawa ya ndzalo, ku ta va ni malembe ya 7 ya dyandza. Vanhu va Egipta va ta rivala ni leswaku a ku ri ni ndzalo etikweni, hikuva tiko hinkwaro ri ta fa hi ndlala.

Ntirho 7:7

“Wena Xikwembu, wa swi tiva, vutomi bya mina i hikanyana ntsena; a ndzi nga ha tlheli ndzi vona minkateko.

Pisalema 119:155

Lavo homboloka va le kule ni ku ponisiwa, hikuva a va yingisi milawu ya wena.

Esaya 38:17

Ku xaniseka loku ndzi veke na kona ku ndzi pfunile swinene; hi wena u endleke leswaku vutomi bya mina byi nga ngheni ekheleni lera tihanyi; u ndzi rivalerile ni swidyoho swa mina hinkwaswo.

Esaya 54:10

Tintshava ni switsunga swi nga ha suka swi nyamalala, kambe tintswalo ta mina leto tshembeka ti nge suki eka wena; ntwanano wa mina wa ku rhula, ku hava loyi a nga wu herisaka. Ndzi vurisa sweswo, mina HOSI, Xikwembu lexi xi ku twelaka vusiwana.”

Esaya 59:11

Hinkwerhu hi tshama hi ri ku vovoleni wonge ho va swinkankanka, hi rila ku fana ni xivambalana lexi tiputaka vusiwana; a hi ku Xikwembu xi ta hi lwela, kambe ni sweswi a hi voni nchumu, a ha ha tshembi ni leswaku hi ta pfuka hi ponisiwile.

Yeremiya 12:12

Vahlaseri va tile hi le switsungeni leswi omeke swa le mananga, va rhumiwa hi HOSI Xikwembu ku herisa vanhu va xona hi matlhari, ematlhelweni hinkwawo ya tiko, ku ri hava na un'we loyi a ponaka.

Yeremiya 14:19

We HOSI, xana va ka Yuda u va tshikele makumo xana, xana a wa ha lavi ku twa nchumu hi va le Siyoni xana? Hikwalaho ka yini u hi boxile timbanga leti ti hi dlayaka ti nga holi xana? A hi languterile leswaku ku ta va ni ku rhula, kambe a hi voni nchumu xo saseka; a hi ku, hi ta kuma minkarhi ya ku horisiwa, kambe hi hlangana ni leswo chavisa ntsena.

Yeremiya 16:5

“Mina HOSI ndzi ri: U nga ha yi laha ku nga ni nkosi, u nga tshuki u ya rila na vona kumbe ku va chavelela, hikuva vanhu lava a ndza ha ri na mhaka na vona, a ndza ha va rhandzi, a ndza ha lavi ku va twela vusiwana.

Yeremiya 8:15

A hi languterile leswaku ku ta va ni ku rhula, kambe a hi voni nchumu xo saseka; a hi ku, hi ta kuma minkarhi ya ku horisiwa, kambe ho hlangana ni leswo chavisa ntsena.

Swirilo 1:16

“Timhaka leti ti ndzi vavisa mbilu, mahlo ya mina ma xiririka mihloti, hikuva loyi a ndzi tiyisaka, loyi a a ta ndzi nyika matimba, ú le kule na mina. Vana va mina va le ku vavisekeni, hikuva nala ú ndzi hlurile.”

Zakariya 8:10

Eminkarhini ya khale, vanhu ni swifuwo swa vona a va tirha mahala va nga kumi hakelo; a va chava ku famba-famba hikwalaho ka valala, hikuva a ndzi endlile leswaku vanhu va vengana.