Swirilo 2:4 - BIBELE Mahungu Lamanene

⁴ Ú kongile vurha bya yena kukota nala, a khoma nseve hi voko ra yena ra xinene. Ú lwile na hina, a dlaya hinkwaswo leswi a swi hi tsakisa; ehenhla ka Tempele ya le Yerusalema, ú chulurile vukari bya yena tanihi ndzilo.

Xitsonga (Bibele)

⁴ U kungile vurha bya yena kukotisa nala, A yima a tshambuluta voko ra yena lera xinene tanihi nhenha, Kutani a dlaya hinkwaswo leswi rhandzekaka loko swi voniwa; Entsongeni wa nhwanyana wa Siyoni, u chulurile vukari bya yena kukotisa ndzilo.

Swirilo 2:4 Iomraidhean Croise

2 TIKRONIKA 34:21

“Yanani mi ya ndzi vutisela eka HOSI Xikwembu, mi vutisela ni vanhu lava saleke etikweni ra Israele ni ra Yuda, hi ta marito ya buku leyi yi nga thumbhiwa leyi; hikuva vukari bya HOSI Xikwembu i byikulu ehenhla ka hina, hikwalaho ka vakokwa wa hina lava nga yingisangiki marito ya buku leyi, lava nga landzangiki na xin'we xa leswi tsariweke eka yona.”

2 TIKRONIKA 34:25

Va ndzi fularhele; va hisile mirhi ya risuna va hisela swikwembu swimbe. Va ndzi hlundzukisile ngopfu hi mintirho ya vona hinkwayo. Hikokwalaho ndzi ta chululela vukari bya mina endhawini leyi, ku ta pfumaleka ni loyi a nga byi timaka.”

Ntirho 19:11

Xi pfurhisa vukari bya xona ehenhla ka mina, onge ndzo va nala eka xona.

Ntirho 6:4

Xikwembu-xa-matimba-hinkwawo xi ndzi copile hi miseve, vuxungu bya yona byi hangalaka ni miri wa mina. Xikwembu xi le ku ndzi chaviseni.

Pisalema 37:14

Lavo homboloka va hloma matlhari va konga ni vurha, va lava ku herisa swisiwana ni lava pfumalaka, va ringeta ku dlaya lava lulameke;

Pisalema 7:13

xi n'wi copa hi switlhavana swa xona leswi dlayaka, xi hoxa ndzilo hi miseve ya xona.

Esaya 42:25

Hikokwalaho, HOSI Xikwembu xi chululerile vukari bya xona lebyi pfurhaka ehenhla ka Vaisraele, xi va vangele ni tinyimpi leto chavisa; vukari bya HOSI Xikwembu byi va rhendzerile, byi va hisa, kambe a va twisisanga nchumu, va tshwile, kambe a swi va dyondzisanga nchumu!

Esaya 63:10

Kambe Vaisraele va tiarisile, va khunguvanyisa Moya wa xona lowo Kwetsima, kutani xona xi hundzuka nala wa vona, xi lwa na vona hi xiviri.

Esaya 63:6

Eku hlundzukeni ka mina, ndzi kandziyerile vamatiko, ndzi va fayetela hi vukari bya mina, ngati ya vona, ndzi yi halatela hansi.”

Yeremiya 10:20

Kambe sweswi ntsonga wa mina wu hlaseriwile, vanhu va mina va sukile, a va ha ri kona. A ka ha ri ni lava va nga pfuxaka ntsonga wa mina, ni ku hayeka hi vuntshwa swisirhelelo swa wona.”

Yeremiya 21:12

“N'wina va ka Davhida, ndzi yingiseni, hikuva mina HOSI ndzi ri: “Avanyisani timhaka hi ku lulama, siku rin'wana ni rin'wana. Lava tekeriweke swilo swa vona, va kutsuleni eka lava va va xanisaka. Loko swi nga ri tano, ndzi ta mi herisa hi vukari bya mina lebyi pfurhaka; ndzilo wa kona wu ta pfumala vatimi, hikuva leswi mi swi endlaka swi bihile ngopfu.”

Yeremiya 21:5

Kutani mina hi xiviri xa mina ndzi ta lwa na n'wina; ndzi ta tlakusa voko ra mina ndzi mi ba hi nkhavi lowukulu; ndzi ta mi ba ndzi hlundzukile ngopfu, vukari bya mina byi karhi byi pfurha.

Yeremiya 30:14

Hinkwavo lava a wu twanana na vona sweswi va ku rivarile, a va ha ri na mhaka na wena; ndzi ku bile ku fana ni loko ndzi ri nala wa wena, ndzi ku tshinya onge ndzi munhu wa nsele, hikuva milandzu ya wena a yi ri yikulu, ni swidyoho swa wena a swi tele ngopfu.

Yeremiya 36:7

Kumbexana vanhu lava va ta hundzuka etindleleni ta vona leto homboloka, kutani va ya rila eka HOSI Xikwembu, hikuva xona xi vurile leswaku xi lava ku va ba hi vukari bya xona lebyikulu byo chavisa.”

Yeremiya 4:4

N'wina vanhu va tiko ra Yuda, na n'wina mi akeke eYerusalema, tinyiketeni eka mina hi mbilu hinkwayo, mi tshika ku tinonon'hwisa. Loko swi nga ri tano, mi ta hisiwa hi vukari bya mina hikwalaho ka mintirho ya n'wina leyo biha; a ku nga vi na loyi a nga ta tima ndzilo wa kona!”

Yeremiya 42:18

Mina HOSI ya matimba hinkwawo, Xikwembu xa Israele, ndzi vurisa sweswo ndzi ri: Loko mo ya etikweni ra Egipta, vukari bya mina ni ku hlundzuka ka mina swi ta mi wela, tani hilaha swi weleke vanhu va Yerusalema. Vanhu va ta mi rhuketela va mi nyenya, va ta mi sandza va mi hlekula, kutani tiko leri ra n'wina, mi nga ka mi nga ha ri voni!’ ”

Yeremiya 7:20

Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Swirilo 1:13

“Yi rhumerile ndzilo wu ta hi le henhla, yi wu rhelerisa wu nghena emarhambyini ya mina. Yi ndzi rhiyile hi ntlhamu, yi ndzi wisa ndzi ku gáá; yi ndzi siyile ndzi ri rhumbi, ku ri hava siku leri ndzi tsakaka.

Swirilo 2:5

N'wini wa hinkwaswo ú hundzukile nala wa Vaisraele, a va herisa; ú mbundzumuxile tindlu hinkwato ta vona ta vuhosi, makhokholo ya vona a ma endla marhumbi, kutani a andzisela tiko ra Yuda mahlomulo ni maxangu.

Swirilo 3:3

Hakunene, siku rin'wana ni rin'wana ú tshamela ku ndzi ba.

Swirilo 4:1

Yóò! Vonani hilaha nsuku wu kurheke hakona, wu lahlekeriwa hi ku tenga ka wona! Maribye layo hlawuleka ma hangalasiwile emahandzeni ya magondzo hinkwawo.

Swirilo 4:11

HOSI Xikwembu xi hetisisile makungu ya ku hlundzuka ka xona, xi chulurile ndzilo wa vukari bya xona, wu hisa muti wa Siyoni, wu herisa ni masungulo ya wona.

Ezekiele 13:13

“Mina HOSI N'wini wa hinkwaswo, ndzi ri: Eku hlundzukeni ka mina, ndzi ta vanga bubutsa ni mpfula leyikulu ni xihangu xo chavisa, swi onhetela khumbi leri akiweke.

Ezekiele 20:34

Ina, ndzi ta mi komba ntamu wa mina lowukulu ni mintirho ya mina ya matimba hi ku chulula vukari bya mina, ndzi mi humesa exikarhi ka vamatiko, ndzi mi hlengeleta mi huma ematikweni lawa mi hangalasiweke mi ya eka wona.

Ezekiele 22:22

Leswi silivhere yi n'okaka endzilweni, na n'wina mi ta n'okisiwa emutini lowu, kutani mi ta tiva leswaku loyi a chululelaka vukari bya yena ehenhla ka n'wina, hi mina HOSI.”

Ezekiele 24:25

HOSI Xikwembu xi engeta xi ku ka mina: “Wena Ezekiele, tiva leswaku siku ri le kusuhi leri ndzi nga ta tekela Vaisraele ekhokholo ra vona, yona Tempele leyi va tiyaka ni ku tidzunisa ha yona, leyi va yi rhandzaka swinene ni ku yi anakanya minkarhi hinkwayo; ri fikile siku leri vana va vona va xinuna ni va xisati va nga ta dlayiwa ha rona.

Ezekiele 36:18

Ndzi chululerile vukari bya mina ehenhla ka vona, hikuva a va halatile ngati etikweni ra vona, va ri nyamisa hi swikwembu swa vona swa hava.

Ezekiele 5:13

“Vukari bya mina byi ta pfurha byi ya emahlweni; ndzi ta mi ba ndzi vuyelela, kutani loko swilo leswi swi humelela, mi ta swi tiva leswaku loyi a vulavulaka, hi mina HOSI ya rilaveta.

Ezekiele 6:12

Lava nga ya tumbela kule va ta fa hi ntungu, lava lwaka kusuhi ni muti va ta dlawa hi matlhari; kutani lava nga ta sala emutini va rhendzeriwe hi valala, vona va ta fa hi tindlala. Hi swona leswi ndzi nga ta va vangela swona eku hlundzukeni ka mina,

Ezekiele 7:14

Mhalamhala yi biwile, mavuthu hinkwawo ma hlomile matlhari, kambe a ku humi munhu a ya enyimpini, hikuva vukari bya mina HOSI byi le henhla ka mintshungu ya Vaisraele.”

Levhitika 26:17

Ndzi ta mi tshika, kutani valala va n'wina va ta mi hlula; mi ta fumiwa hi vanhu lava va nga mi tsakeriki, mi ta tshama mi ri eku tsutsumeni mi nga hlongorisiwi hi munhu.

Nahume 1:2

HOSI i Xikwembu xa rilondzo, lexi rihisetaka. HOSI ya rihiseta, ya kariha; HOSI yi tirihisela eka valala va yona, yi karihela lava va yi vengaka.

Nahume 1:6

Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

1 SAMIELE 28:16

Samiele a ku: “Leswi HOSI Xikwembu xi ku tshikeke, ni leswi xi hundzukeke nala wa wena, xana u ndzi vutisela yini timhaka leti xana?