Swirilo 2:16 - BIBELE Mahungu Lamanene

¹⁶ Valala va wena hinkwavo va ku hlekula, va ku bela miloti, va ku mpfhumpfhela, va ri karhi va ku: “Hi n'wi khawurisile! Siku leri i khale hi ri languterile, ri fikile, ha ri vona!”

Xitsonga (Bibele)

¹⁶ Lava ku vengaka hinkwavo va ku ahlamisele milomu ya vona, Va ba miloti, va getserisa meno, Va ku: “Hi n'wi mitile; Kunene, hi rona siku leri hi ri languteleke, hi ri kumile, hi ri vonile.”

Swirilo 2:16 Iomraidhean Croise

Pisalema 109:2

hikuva vanhu lavo homboloka, lava kanganyisaka, va lwa na mina, va ndzi hembela ni ku ndzi lumbeta.

Pisalema 112:10

Lavo homboloka va swi vona, kutani va kariha, va mpfhumpfhela lavo lulama, kambe va hela ntamu, makungu ya vona ma helela empfhukeni.

Pisalema 124:3

ingi va hi mitile hi ri karhi hi hanya, eku hlundzukeni ka vona lokukulu.

Pisalema 22:13

va pfula milomo ya vona kukota tinghala leti bongaka, leti lavaka ku ndzi handzulela.

Pisalema 35:16

Vanhu lava vo homboloka, va ndzi hlekula wonge ndzo va ni malunda, va ndzi mpfhumpfhela!

Pisalema 35:21

Eku vulavuleni ka vona va ndzi lumbeta ngopfu, va ku: “Hakunene! Hi swi vonile hi ya hina mahlo!”

Pisalema 35:25

U nga va pfumeleli va tidzunisa va ku: “Aháà! namuntlha hi kumile leswi ku nga khale hi ri karhi hi swi navela!” va nga tshuki va ku: “Hi n'wi kotile!”

Pisalema 37:12

Lowo homboloka ú boha makungu yo lwa ni lowo lulama, a n'wi mpfhumpfhela,

Pisalema 41:8

va ku: “Khote, hambi kona! Leswi a etleleke, onge ú ta pfuka!”

Pisalema 56:2

Valala va mina va le ku ndzi kandziyeleni minkarhi hinkwayo, va tele lava tikurisaka va lwa na mina.

Pisalema 57:3

Xi ta ndzi hlamula xi ri etilweni, xi ndzi ponisa, lava va ndzi kandziyelaka, xi ta va fularhela. Xikwembu xi ta ndzi komba rirhandzu ra xona, ni ku tshembeka ka xona.

Esaya 49:19

“Loko ri ri tiko ra wena leri hundzuriweke rhumbi, ni tindhawu ta wena leti hlaseriweke ti sala ti nga ri na nchumu, swi ta va swi nga ringananga ku tshamisa vanhu va wena lava vuyaka, vanhu lava a va ku hlurile, vona va ta va va ri kule swinene.

Yeremiya 26:6

yindlu leyi ndzi ta yi wisa ku fana ni ya le Xilo, na wona muti lowu ndzi ta wu hundzula ndzhukano eka vanhu va matiko hinkwawo.’ ”

Yeremiya 29:18

Ndzi ta va xanisa hi tinyimpi ni tindlala ni mintungu. Ematikweni hinkwawo ya misava, ndzi ta va hundzula xikombiso lexi chavisaka, ndzi va endla ndzhukano ni xihlambanyiso, vahundzi va ndlela va ta hlakahla tinhloko va va monya, hinkwako laha ndzi nga ta va ndzi va hangalasele kona.

Yeremiya 50:17

HOSI Xikwembu xi ri: “Vaisraele va fana ni swinyimpfana leswi hlotiwaka ni ku hangalasiwa hi tinghala. Ku rhange hosi ya Asiriya yi va dlaya yi dya nyama ya vona, Nebukadnetsara hosi ya Babilona yena a sala a phorha marhambu.

Yeremiya 50:7

Hinkwavo lava kumaka Vaisraele va va herisa, valala va vona va ri: ‘A hi na nandzu, hikuva vanhu lava va dyohele HOSI Xikwembu musirheleri wa vona, yena loyi vatata wa vona a va n'wi tshemba!’

Yeremiya 51:34

Muti wa Yerusalema wu ri: “Nebukadnetsara hosi ya Babilona ú ndzi dyile a ndzi phorha; ú ndzi endlile xibya xo ka xi nga ri na nchumu. Ú ndzi mitile onge a ri xihontlovila, a tata khwiri ra yena hi vanhu va mina, lava saleke a va cukumeta kule na yena.

Swirilo 1:21

“Yingisa ku konya ka mina: Ndzi pfumala loyi a nga ndzi tiyisaka. Valala va mina hinkwavo va twile ta nhlomulo wa mina, kutani va tsaka hi leswi u ndzi endlaka swona; kambe we HOSI, hatlisa u tisa siku leri u ri vuleke, leswaku na vona va ta biwa kukota mina.

Swirilo 3:46

“Valala va hina hinkwavo va hi hlekula,

Ezekiele 23:32

“Mina HOSI N'wini wa hinkwaswo ndzi vurisa sweswo ndzi ri: “Xinwelo lexi makwenu a nweleke eka xona, na wena u ta nwela eka xona, xi nga xinwelo lexikulu xa nomo wo anama; vanhu va ta ku monya va ku hlekula, hikuva xinwelo xa kona xa khapa.

Ezekiele 25:15

HOSI N'wini wa hinkwaswo ú ri: “Vafilista va xanisile va ka Yuda ku tlula mpimo. I khale va ri karhi va va venga, kutani va ringetile ku va dlaya va va heta.

Ezekiele 25:3

Byela Vaamoni ku ndzi yingisa, hikuva mina HOSI N'wini wa hinkwaswo ndzi ni rito eka vona leri nge: ‘Tempele ya mina yi nyamisiwile, tiko ra Israele ri hundzuke mananga, va ka Yuda va yisiwile evukhumbini, kambe n'wina Vaamoni mi tsaka ha swona mi ku: Aháà!

Ezekiele 25:6

Mina HOSI N'wini wa hinkwaswo ndzi ri, leswi mi nga phokotela mavoko mi giya, ni leswi mi tsakelaka ku wa ka Vaisraele mi va hlekula,

Ezekiele 36:3

Hikokwalaho wena muprofeta byela tintshava leti leswaku mina HOSI N'wini wa hinkwaswo ndzi ni rito eka tona; ndza swi tiva swinene leswaku ti hundzukile mananga, ti hlaseriwa hi valala lava humaka ematlhelweni hinkwawo; vaaki va matiko mambe va ti tekile ti va ta vona, va vulavula swo biha ha tona exikarhi ka va ka vona.

Ezekiele 5:15

Vanhu lava akelaneke na wena va ta ku hlekula va ku rhuketela, kutani u ta hundzuka xikombiso xo chavisa exikarhi ka vanhu, hikuva va ta vona ndlela leyi ndzi ku avanyisaka ni ku ku ba ha yona, eku hlundzukeni ka mina lokukulu. Ndzi vula sweswo mina HOSI.

Hosiya 8:8

Vanhu va tiko ra Israele sweswi va mitiwile; exikarhi ka matiko man'wana, va fana ni xibya lexi nga pfuniki nchumu.

Mikiya 4:11

We Yerusalema, vanhu va matiko layo tala va hlengeletanile va lava ku ku hlasela, va ri: “Muti wa Siyoni wu fanele ku nyamisiwa, hi tikhorisa hi ku vona leswi nga ta humelela!”

Timhaka 7:54

Loko va huvo va twa marito lawa ya Stefano, va tala timbilu; kutani va n'wi karihela va hlundzukile ngopfu.