Swirilo 2:15 - BIBELE Mahungu Lamanene

¹⁵ Hinkwavo lava hundzaka hi ndlela va ku yowetela, we Yerusalema, va ku chayela miloti, va hlakahla ni tinhloko va ku: “Xana lowu hi wona muti lowu khale a wu vuriwa mbhurhi ya timbhurhi, xitsakiso emisaveni hinkwayo xana?”

Xitsonga (Bibele)

¹⁵ Hinkwavo lava hundzaka hi ndlela va phokota hi mavoko, va tsan'wa, Va nikina tinhloko hikwalaho ka nhwanyana wa Yerusalema, Va ri: “Xana hi wona muti lowu ingi va wu vula ku saseka loku hetisekeke, Ni ku tsaka ka misava hinkwayo xana?”

Swirilo 2:15 Iomraidhean Croise

2 TIHOSI 19:21

Kutani rito ra mina HOSI ehenhla ka Senakeribi, hi leri: “ ‘Muti wa Siyoni, nhwana loyi wo saseka, wa ku hleka ni ku ku monya, we Senakeribi. Va Yerusalema va sala va tshwutela marha loko u hundzile.

2 TIKRONIKA 7:21

Tempele leyi yo saseka swonghasi, vahundzi va ndlela va ta yi hlamala, va ku: ‘Xana HOSI Xikwembu xi cukumetele yini tiko leri ni Tempele leyi xana?’

Pisalema 109:25

Eka valala va mina, ndzo va xihlekiso, loko va ndzi vona, va hlakahla tinhloko va ntlokola.

Pisalema 22:7

Hinkwavo lava va ndzi vonaka, va ndzi hlekula, va minyula, va hlakahla ni tinhloko, va ku:

Pisalema 48:2

xiyimo xa ntshava ya Siyoni a hi ku saseka ka xona, vanhu va misava hinkwayo va tsakela yona, hikuva muti wa Mufumi wa hinkwaswo wu le ka yona, hi yona “Ntshava-ya-le-N'walungwini”.

Pisalema 48:3

Xikwembu xi le ndzeni ka makhokholo ya yona, xi tiveka xi ri mulweri wa yona.

Pisalema 50:2

Xikwembu xi komba ku vonakala ka xona lokukulu, xi ri emutini wo saseka ngopfu wa Siyoni.

Pisalema 64:8

Va ta tiphasa hi ku vulavula ka vona, kutani vanhu lava va nga ta va vona, va ta hlakahla tinhloko;

Esaya 28:21

HOSI Xikwembu xi ta ta ku fana ni le ntshaveni ya Perasimi, xi ta va xi hlundzukile ku fana ni le rivaleni ra Gibeyoni; xi ta xi ta endla leswi xi faneleke ku swi endla, hambileswi swi nga tolovelekangiki, xi ta tirha ntirho wa xona, hambileswi wu nga ta hlamarisa vanhu.

Esaya 37:22

rito ra mina HOSI ehenhla ka Senakeribi, hi leri: “ ‘Muti wa Siyoni, nhwana loyi wo saseka, wa ku hleka ni ku ku monya, wena Senakeribi; va Yerusalema va sala va tshwutela marha, loko u hundzile.

Esaya 64:11

Yindlu ya hina yo saseka leyo hlawuleka, leyi vatata wa hina a va ku gandzelela eka yona, yi herisiwile hi ndzilo; tindhawu hinkwato leti a hi ti tsakela ngopfu, namuntlha i marhumbi ntsena.

Yeremiya 18:16

Hikokwalaho tiko ra vona ri hundzuke rhumbi, hinkwavo vahundzi va ndlela va ri hlamala, minkarhi hinkwayo va vaviseka ha rona, va hlakahla ni tinhloko.

Yeremiya 19:8

Muti lowu, ndzi ta wu hundzula rhumbi leri chavisaka ngopfu, kutani vahundzi va ndlela hinkwavo va ta hlakahla tinhloko va hlamala, loko va vona khombo ra wona lerikulu.

Yeremiya 25:18

Ndzi rhanga ndzi nwisa vaaki va Yerusalema ni va miti ya Yuda, ndzi nwisa tihosi ni tindhuna ta vona, leswaku miti ya kona yi hundzuka marhumbi layo chavisa, vahundzi va ndlela va hlakahla tinhloko, va yi monya; ni namuntlha swa ha ri tano.

Yeremiya 25:9

sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.

Yeremiya 26:6

yindlu leyi ndzi ta yi wisa ku fana ni ya le Xilo, na wona muti lowu ndzi ta wu hundzula ndzhukano eka vanhu va matiko hinkwawo.’ ”

Yeremiya 29:18

Ndzi ta va xanisa hi tinyimpi ni tindlala ni mintungu. Ematikweni hinkwawo ya misava, ndzi ta va hundzula xikombiso lexi chavisaka, ndzi va endla ndzhukano ni xihlambanyiso, vahundzi va ndlela va ta hlakahla tinhloko va va monya, hinkwako laha ndzi nga ta va ndzi va hangalasele kona.

Yeremiya 48:27

N'wina va le Mowabu, tsundzukani hilaha mi hlekuleke Vaisraele hakona: Loko mi kanela ta vona, a mi hlakahla tinhloko, onge hi loko mi vulavula hi ta swigevenga!

Yeremiya 51:37

Babilona ú ta hundzuka rhumbi ni bako ra timhungubye; vahundzi va ndlela va ta hlakahla tinhloko va chava, hikuva a ku nga ha tshami munhu kona.

Swirilo 1:21

“Yingisa ku konya ka mina: Ndzi pfumala loyi a nga ndzi tiyisaka. Valala va mina hinkwavo va twile ta nhlomulo wa mina, kutani va tsaka hi leswi u ndzi endlaka swona; kambe we HOSI, hatlisa u tisa siku leri u ri vuleke, leswaku na vona va ta biwa kukota mina.

Swirilo 1:8

Yerusalema ú dyohile ngopfu, hikokwalaho ú tole thyaka; hinkwavo lava khale a va n'wi xixima, namuntlha va n'wi sandza, hikuva va n'wi vona a nga ambalanga nchumu. Hambi yena hi yexe wa konya, a tlhela a languta hansi.

Swirilo 2:16

Valala va wena hinkwavo va ku hlekula, va ku bela miloti, va ku mpfhumpfhela, va ri karhi va ku: “Hi n'wi khawurisile! Siku leri i khale hi ri languterile, ri fikile, ha ri vona!”

Swirilo 2:6

Ú hahlurile Tempele ya yena, onge i dladla ra le ntangeni; ndhawu leyi a a gandzeleriwa eka yona, ú yi siyile yi fana ni rhumbi; HOSI Xikwembu xi endlile leswaku va le Siyoni va rivala minkhuvo ya xona ni masiku ya Savata; eku hlundzukeni ka xona lokukulu, xi dlidlimbetile tihosi ni vaprista.

Ezekiele 16:13

Ndzi ku bombisile hi nsuku ni silivhere; swiambalo swa wena a swi ri swa ntsembyani wo saseka, swin'wana a swi ri swa silika swi rhungeleriwile mavalavala. Swakudya swa wena a swi ri swa mapa lamanene, swi totiwile vulombe ni mafurha. U kurile u va mbhurhi ya wanhwana, loyi swi n'wi faneleke ku tekiwa hi tihosi.

Ezekiele 16:14

Ematikweni a wu tiveka hikwalaho ka vumbhurhi lebyi ndzi ku nyikeke byona, hikuva a byi hetisekile, ku vula mina HOSI N'wini wa hinkwaswo.”

Ezekiele 23:32

“Mina HOSI N'wini wa hinkwaswo ndzi vurisa sweswo ndzi ri: “Xinwelo lexi makwenu a nweleke eka xona, na wena u ta nwela eka xona, xi nga xinwelo lexikulu xa nomo wo anama; vanhu va ta ku monya va ku hlekula, hikuva xinwelo xa kona xa khapa.

Ezekiele 25:6

Mina HOSI N'wini wa hinkwaswo ndzi ri, leswi mi nga phokotela mavoko mi giya, ni leswi mi tsakelaka ku wa ka Vaisraele mi va hlekula,

Ezekiele 5:15

Vanhu lava akelaneke na wena va ta ku hlekula va ku rhuketela, kutani u ta hundzuka xikombiso xo chavisa exikarhi ka vanhu, hikuva va ta vona ndlela leyi ndzi ku avanyisaka ni ku ku ba ha yona, eku hlundzukeni ka mina lokukulu. Ndzi vula sweswo mina HOSI.

Daniele 9:16

Wena N'wini wa hina, u hi lwerile minkarhi leyo tala. Namuntlha, hi kombela leswaku u rheleta vukari bya wena, u tshika ku hlundzukela muti wa Yerusalema entshaveni ya wena leyo hlawuleka, hikuva matiko hinkwawo lawa ya hi rhendzeleke, ma hlekule muti lowu ma monya na hina vanhu va wena, hi mhaka ya leswi hi ku dyoheleke, hina ni vatata wa hina.

Mikiya 6:16

Mi landzile milawu ya Omri ni mahanyelo hinkwawo ya va ka Akabu, mi endla hinkwaswo leswi a va swi endla; hikokwalaho ndzi ta endla leswaku vanhu va mi nyenya; loko va vona va ka n'wina, va ta hlakahla tinhloko, mi ta va xihlekiso exikarhi ka vanhu va matiko.”

Nahume 3:19

Makhombo ya wena a ma chaveleleki, timbanga ta wena i ntsandza-vatshunguri. Hinkwavo lava twaka ta khombo ra wena, va ba minkulungwana! Hikuva i mani xana loyi vubihi bya wena byi nga n'wi khumbangiki kambe na kambe, xana?

Sofoniya 2:15

Lowu i muti lowu a wu tikurisa ngopfu, wu titwa wu hlayisekile; vaaki va wona a va hamba va ku: “Hina hi hina, a ku na van'wana!” Kambe sweswi wu hundzukile rhumbi ro chavisa, ni kaya ra swiharhi swa nhova; hinkwavo lava hundzaka hi ndlela, va wu hlekula, va hlakahla tinhloko.

Matewu 27:39

Vahundzi va ndlela va n'wi rhuketela, va hlakahla tinhloko, va ku:

Marka 15:29

Vahundzi va ndlela va n'wi rhuketela, va hlakahla tinhloko va ku: “Ha! Wena la nhlanhlaka Tempele, u tlhela u yi pfuxa hi masiku manharhu,